الغاليات بنات فلسطين اتفضلو هون.....

[كبريآء أنثى ـآ]

مرحبااااا
كيفكن ؟؟
كل عام وإنتن بخير صبايا ورمضان كريم
وينعاد علينا كلنا بالصحة والعافية ياااااارب
كيف تحضيراتكم لرمضان ؟؟
والله أنا تعبانة كتيييير وما بنام منيح ولسا غرزي مانزلوا لهلأ
وبتوجع كتيييير لما أقعد وأقوم وحالتي حالة ههههه
صحيح أنا نسيت أكتبلكم قصة ولادتي .... بس أخلص شغل راح أكتبها

[كبريآء أنثى ـآ]

ممممممممممم ما في حدا هوووون
كنت بدي أستفسر عن شي ضروري وما في حدا أسأله غيركن

[كبريآء أنثى ـآ]

ممممم خلص بدي أكتب قصة ولادتي يمكن تيجي وحدة منكن لحتى أسألها

[كبريآء أنثى ـآ]

قصة ولادتي ..
أول شي أنا ولدت يوم السبت 15/6/2013
هلأ ليلة الجمعة كنت سهرانة عند نسوان اعمام زوجي وكنا قاعدين وبنضحك ومبسوطين كتييير وحتى خططنا لحتى نروح ع البحر تاني يوم اللي هوا السبت واللي كانت الأساس بالتخطيط لرحلة البحر هو أنا ههههه (( بس راحت علية يا خسارة )) هع هع
المهم خططنا لكل شي وكل وحدة اتفقت من زوجها إنه بدنا نتجمع ونروح ع البحر كلنا سوا العيلة وننبسط وروحت من عندهم تقريبا الساعة 1 بالليل
سهرنا أنا زوجي وقعدنا ع التلفزيون نحضر فيلم أكشن ههههه (( انقلب الأكشن علية هع هع ))
المهم تقريبا الساعة 3 بالليل صار جماع ومن بعد الجماع مباشرة صابني مغص خفيف ما أخدت فيها كتييير .. وحطيت حالي وبدي أنام لما صارت الساعة 4 الفجر زاد الوجع وما عرفت أنام وطبعا زوجي نام وصار بسابع نومة وأنا صاحية ومش عارفة أنام من الوجع
صارت الساعة 5 وكل شوي الوجع بيزيد بعدين صرت أحكي بعقلي والله شكلي بدي أولد وصرت أحسب بين الطلقة الأولى والتانية وكانت الوقت 5 دقايق بين كل طلقة ومن دراستي للمواضيع هون بالمنتدى لما شفت الوقت 5 دقايق بين كل طلقة عرفت إني راح أولد خلص ما ضل فيها كلام
استنيت يطلع النهار حتى أرن ع إمي ومش هاين علية أصحي زوجي قلت حرام خليه ينام شوي عشان يكون مصحصح لما نروح ع المستشفى
وع 6 ونص خلص مش متحملة وصرت أعيط من الوجع ورن ع إمي رن ع إمي طبعا إمي نايمة ههههههه
رنيت على أختي الصغيرة عشان تصحي إمي برضو ما حدا رد علية بالآخر رنيت ع أختي المتزوجة رعشتلها ترعيشة قصيرة كتييير ومافي ثواني الا أختي بترن علية وكنت بعيط ومش قادرة أحكي من الوجع وصارت أختي تسأل فيني وتقلي كام الوقت بين كل طلقة وحكتلها 5 دقايق وحكتلي خلص هاد ولادة وصارت تقلي اقرئي آيات وكلي تمر وامشي واغلي قرفة واشربي وعملت متل ماحكتلي .. قامت أختي رنت على أبوي وحكتله يحكي لإمي وصحيت إمي من النوم ورنت علية وحكتلي بدي أخلص شغل وأجيكي بس إنتي امشي وكلي تمر حكتلها ماشي
وصحينا حماتي من النوم وعملنا قلق لكل العيلة هههههههه
المهم حماتي بتقلي ناخدك ع المستشفى حكتلها لأ مهل بس أستوي على الآخر (( بيني وبينكم ماحبيت أروح خوف لأطول وأنا بالمستشفى وأشوف هاد بتطلق وبتولد وأخاف بزيادة ))
وأنا طول الوقت أمشي وآكل تمر وأقرأ آيات وأطلع الدرج وأنزل كتيييير يومها انهلكت
وكان يومها عندي معاد بعيادة الوكالة لأنه كان آخر يوم بشهر 15/6/2013
رحت أخدت دوش حمام دافي وصحيت زوجي وحكتله بدنا نروح ع العيادة ونشوف شو بدهم يحكولي
ورحت عالعيادة وأعطوني تحويلة ع المستشفى ع طول لما شافوني تعبانة .. المهم روحنا وبرضو مارضيت أروح ع المستشفى غير لما أتعب على الآخر
هههههه أحلا شي وأنا بطلق بالبيت ورايحة جاية ودموعي على خدي بقول لزوجي ((عجبك راحت علية طشة البحر )) صار يضحك ويقلي إحنا في شوو وإنتي في شووو هههههههه
المهم أجت إمي الساعة 11 وقعدت تقرأ آيات على راسي وعلى بطني ولما صارت الساعة 3 خلص قلتلهم خدوني ع المستشفى مش قادرة تعبت كتييييير .. راح زوجي طلب سيارة وأخدنا شنطة البيبي ورحنا أنا وزوجي وإمي وحماتي على المستشفى
ووصلنا المستشفى تقريبا الساعة 4 إلا تلت .. دخلت غرفة كشف الولادة عملولي تخطيط وسونار وفحصتني الدكتورة كنت موسعة 4 سم وأعطوني إبرة في فخذتي وحكولي امشي وكلي تمر
وبعد الإبرة زاد الوجع وصرت أمشي وآكل تمر وكل ماتيجي الطلقة أخشب ما أقدر أعمل حاجة لا أمشي ولا أقعد ولا أي شي واقرا آيات وأدعي بعد بساعة فحصتني لقتني موسعة 5سم وحكولي يلا امشي كمان وكلي تمر وبعد بساعة فحصتني كنت موسعة 6 سم وحكتلي خلص ستوب ما تمشي ريحي حالك لما شافوني موسعة بوقت قليل خافوا علية أتعب بالولادة ما أقدر أدفع حكولي اتريحي ورحت قعدت تقريبا صارت الساعة 6 وأنا أدعي وإمي تقرأ علية وحماتي كمان تقرأ علية والساعة 6 وربع حكولي يلا تعالي هههههههه هما حكولي يلا تعالي أنا صرت مش قادرة أمشي قلت أجاك الموت يا تارك الصلاة هههههه خفت كتييير والله حسيت حالي رايحة على مجزرة خلص بجد كنت مرعوبة ............... يتبع

[حلا الماس]

مسا الخير

حبيبتي ام مروان سلامتك يا رب

هي انا هون لو بتحبي تسألي عن شي أزا بقدر بساعدك

بانتظار قصة ولادتك يا قمر

[حلا الماس]

ياااااي حسيت بأكشن حلو
يلا يلا كملي .... بانتظارك


أحلى شي انك بتطليق وزعلانة على مشوار البحر هههههه ما ازكاكي

[كبريآء أنثى ـآ]

المهم دخلت غرفة الولادة وركبولي المحلول وفحصتني الدكتورة كنت موسعة 9 سم وطبعا فقشتلي مية البيبي بإيدها وحكتلي كل ماتيجي الطلقة ادفعي بأقوى ماعندك وأنا شو تحكيلي أرد عليها وكانت إمي جنبي .. زوجي مارضي يجي صار يقلي مش هاين علية أشوفك وإإنتي بهالحالة بجد حسيته خاف علية كتييير وشوية بدو يعيط بس مابين قدامي عشان مايضعفني ..
وأنا ماسكة إيد إمي وأشد عليها ههههههههه صارت إيد إمي زرقة زرقة وأنا ولا صوووووت الحمد لله كنت أضغط ع حالي بس كنت بعيط كتييير من الوجع وكل ماتيجي الطلقة أدفع بأقوى ماعندي وأقول كل شوي لإمي مطولين والدكتورة تقلي شطووورة ادفعي أكتر وتمسك شعر البيبي وهو ببطني وكل ماتيجي الطلقة أدفع والساعة 6 ونص نزلت حبيبة قلبي ونورتلي دنيتي ووقتها لما نزلت ما حسيت بوجع ولا بألم بجد من لما شفتها نسيت كل إشي وصرت أحكي الحمد لله حبيبتي يا ماما حبيبتي يا ماما بجد شعوووور لا يوصف الله لا يحرم حدا منه هالشعور ياااارب
وأخدوا البيبي ينظفوا ويلبسوه وأنا أجت الدكتورة تنظفني وتغرزني والله لا يوريكو الولادة كووووم والغرز كووم تاني
وأنا بولد ماطلع صوتي بس لما اتغرزت طلع صوتي هههههههه
وكل شوي تضحك علية تقلي بدنا نغرزك بس غرزتين يلا ارخي حالك وانا أصرخ وأشد حالي ههههههههه صرت أقلها هدول مو غرزتين بتضحكي علية هههههههه صارت تضحك الدكتورة ونسيت أسألها كام غرزة أخدت بس لليوم بعاني من وجع الغرز لحتى الآن نزلوا بس 4 غرز
والمهم طلعت من غرفة الولادة لقيت زوجي حاضن بنوتتنا الحلوة وكان مبسووط كتييير وأجا قعد جنبي ع السرير ويباركلي ويقلي الحمد لله ع سلامتك وقعدنا ساعتين بالمستشفى بعدين روحنا ع البيت بس اهم مافي الموضوع طشة البحر راحت علية هههههههههه بدي أفقع والله
والحمد لله الحمد لله ياااااربي الله يطعم كل مشتهي ياااااااارب

[كبريآء أنثى ـآ]

أنا هلأ صارلي 24 يوم والدة تمام .. الحمد لله من يوم ماولدت لليوم مانزل علية دم أحمر لأنهم بالمستشفى نظفوني منيح منيح
يعني من لما طلعت من غرفة الولادة مباشرة من بعدها كان الدم الأحمر بس لما روحت ع البيت ما نزل بعدها
وهلأ بنزل علية باللون الأصفر المائل للبني الفاتح ومابعرف أصوم أو لأ
أنا أختي بتقلي كنت بابني هيك وسألنا الشيخ وحكى أصوم بس ما أصلي وأنا مش عارفة شو بدي أعمل لهلأ .. ؟؟
وتاني شي .. أنا إلي 24 يوم بس لهلأ الغرز ما نزلوا وكتير بتوجع لما أقعد ... ولما يكون إلي فترة قاعدة وأقوم برضو بتوجع أكيد فهماني إنتي ؟؟؟؟ يعني خايفة يكون مش طبيعي انه الغرز يضله لهيك يوم حاسة إني طولت كتييير
وبعدين عيد زواجي بكرة بصيرلي سنة متزوجة هههههههه

[حلا الماس]

ألف حمد لله على سلامتك حبيبتي

بالنسبة للصيام لا ما تصومي إلا لما تكملي ال ٤٠ يوم هيك بتكوني طاهرة تمام

لأنو بعد ٢٠ يومبيخف الدم وممكن ما ينزل ببعض الأيام بس رح يضل ينزل عليكي للاربعين
لهيك ما تصومي قبل الأربعين ... انا بابني خليل ولدت قبل رمضان ب ٢٠ يوم وكنت تقريبا طاهرة وما بينزل دم بس إفرازات بس ما صمت الي بعد الأربعين
لأنو هيك الصح ... يعني لو انقطع الدم والإفرازات يومين حتفكري انك تطهرتي بس لما تعاود تنزل بعد يومين أو ٣ دليل انك لسه مش طاهرة صح والإفرازات الي نزلت منك أساسا كانت موجودة بجسمك باليوميين الي فكرتي فيهم أنك طاهرة ... لهيك بعد الأربعين اضمن

والغرز عادي اتضل أزا كتير ... اهم اشي اهتمت بنظافة المنطقة الحساسة عشان ما يلتهبوا

وإياكي والجماع قبل الأربعين لأنو بيضرك أولا الغرز عندك مش نازلة وممكن لو صار جماع تنفك أو تلتهب
وتانيا لأنك لسة مش طاهرة حتى لو انقطع الدم ... الإفرازات هاي دليل انو انتي لسة نفساء ... اصبري لبعد الأربعين اضمن

[كبريآء أنثى ـآ]

الله يسلمك حبيبتي
ههههه شو جماع إنتي التانية أنا متوجعة من دون جماع فما بالك بالجماع ههههههههههه
مهل بس ينزلوا كلهم ما اضل ولا غرزة
يعني اطمن هاد اشي عادي ؟؟
طيب في شغلة تانية لسان بنتي أبيض لييييش ؟؟ ولا مع الحليب والرضاعة ؟؟