دردشة الانيقات .. بخصوص ملابس العيد لو محتاره او محتاجه نصيحه تفضلي ولوخبيره افيدينا

دلع الأحساء · 07-03-2012, 05:43 PM

سويت مون دامك جامعية خبريني وش الموضه الحين للجامعه
صاير السمستر الي طاف موقفه قيد ولا ادري وش طلع جديد

sweet moon · 07-03-2012, 05:49 PM

شوفي بالجامعه عندنا البسي اللي يريحك

منتي مقيده بلبس معين

بناطيل وجاكيتات وقمصان وتيشرتات

مافي موضه معينه

طبعا بالنسبه لي افضل ان الوحده تكون مرتبه مو انيقه

يعني تتكلفي ومكياج ولبس وانتي رايحه تدرسي مبالغه بصراحه !

البسي اللي يريحك في حملك اهم شي تكوني مرتبه

صعبه تمشي على الموضه حتى في دراستك

وبيني بينك استنكر اللي تجي كاشخه للجامعه احنا رايحين ندرس ولا رايحين نحتفل

وانتي ماشالله بتكوني بالسابع افلقيني لو كان لك نفس بالكشخه ههههه

اهم شي مرتبه ولبسك متناسق وشعرك مرتب ومكياجك خفيف حلو

وعطر صباحي والحمدلله ,, والله يوفقك ويسهل عليك حملك ودراستك

دلع الأحساء · 07-03-2012, 06:08 PM

ههههه اي والله يادوب كحل القطط وروج خفيف والسلأم
اشوا شعري طول عشان ماسشور الا قدام هههه
ولا قبل كنت قاصته فكتوريا طبقات لزوم كل يوم سشوار وسراميك
ويلا ان شاء الله الي قضيت للعيد يناسب للكلية كمان بس اغلبهم كات ولزوم جاكيت
اي جامعه انتي هالي مخذين راحتكم واحنا لا
بنرفع شكوا ههه
انا فيصل

دلع الأحساء · 07-03-2012, 07:17 PM

بنات وشو لون المكياج الدارج
الي لحظته ان الموضه يكون المكياج طافي وبدون لمعه
لسى الموضه ولا تغيرت؟

sweet moon · 07-03-2012, 07:59 PM

ادرس بالجامعة العربيه المفتوحه فرع الرياض

وهي مثل فيصل تعليم عن بعد

وانا اسافر ادرس وامتحن وارجع لديرتي

ونظامنا مفتوح يعني مافي اي قيود بالعلم

__________________________

صفصف السموحه منك

خرجنا عن الموضوع

sweet moon · 07-03-2012, 08:53 PM

نرجع بفائده جديده للموضوع

كيف تكتمل طلتك بالعيد من ناحية المكياج

طبعا اساس اناقتك مكياجك وطريقه اتقانك له

سالت قبل دلع الاحساء وش الدارج بالمكياج

طبعا رجعت بقوه الشدو قليتر والكات ايز

في البدايه راح اقولكم كيف تختارو مكياج جدوته حلوه وبسعر حلو

وبعدين بنشوف الصور سوا

_________________________________

في البدايه من ناحية الترطيب قبل المكياج

انا عن نفسي اشوف كل وحده وماتحب ترطب وجهها قبل المكياج

واستخدم اولاي هاذا النوع

طيب وبعدها كيف تختاري الفاونديشن

تبغي لوك طبيعي حلو وتغطيه خفيفه

عندك هيلثي مكس من برجوا

بالضبط مكانه في سنتر بوينت وسعره 60 وحولها

وهاذا شكله

شي خيالي هالمنتج وخفيف وحلو

ويخليك كانك طبيعيه استعمله للاستخدام اليومي

جامعه وطلعات خفيف مانصح الى فيه

طبعا تاخذينه مع البودره تبعه

وفي درجات شوفي اللي يناسبك

اللي مثلي متوسطة البياض ومايله على صفار درجتها 52

________________________________

نجي للتغطيات الثقيله تبع السهرات

يمدحون فاونديشن ريفلون و ديور وماك وفوايفر hd

ريفلون سعره بـ 80 سعودي

ماك وديور يتعدون الميه

ريفلون تلاقونه بسنتر بوينت

ماك وديور في المولات

وشوفي بالمحل اللي يناسبك

طبعا اشوف بنظري ان ريفلون حلو وتغطيته كويسه

ماك كويس وديور كذلك

فور ايفر hd خيالي وتغطيته ثقيله فعلا

خصوصا للي عندهم حبوب ونمش وسواد والخ

السعر اظن فوق 100 وتلاقونه بوجوه وفافوم

____________________________

طيب الحين الكونسيلر

من افضل الانواع ميبلين وبرجوا عند سنتر بوينت

وكريولاين للي هالاتهم غامقه موجود في الحياه مول

وكمان كونسيلر ماك حلو

والافضل بينهم كونسيلر فور ايفر

لان معاه مصحصح للون

الاخضر لتغطية الحبوب الحمراء

البني لتظليل الاماكن اللي مانحب نبرزها في عملية الشيدينق مثل جوانب الانف لتصغيره

ولتحت العين لاخفاءا لهالات كطبقة

البيج الغامق على اورانجنحطه كطبقة رقيقة على الهالات لتغطيتها فوق الطبق الاولي

باستعمال الاصبع الصغير باليد وبطريقة التربيت الخفيف

البيج الفاتح نحطه على اماكن البقع بالبشرة وكطبقة خفيفة ثالثة على الهالات السوداء ولا

تخافي ماراح يكو اللون ثقيل ومظهره مصطنع لان هذي طريقة حرفية وبتخفي السواد تماما

اللون الفاتح يميل للاصفر نحطه على الاماكن اللي نحب نبرزها باللايتينق كعظمة الانف والخدود

____________________________

طيب نجي الحين لمكياج العيون

طبعا من افضل منتجات المكياج ماك وفور ايفر بدون منازع

لكن اسعارها غاليه ومبالغ فيها بقوه

فاحنا ندور الارخص والاجود

طيب كيف اختار الشدو مميز والوانه حلو وبسعر حلو

عند برجوا منتاجاته حلو واسعاره معقوله بـ 70 تقريبا بسنتر بوينت

وعندك nyx مره حلو وتلاقونه بسنتر بوينت

وكمان ريفلون بسنتر بوينت

وكمان ريميل بسنتر بوينت

وكمان مكياجي بالمولات بشكل عام

من ناحيه الشدو او القليتر حلوين عندهم والوانها حلوه

وكمان من ناحية البلشر

من افضل انواع الكحل السايل

الكحل الكريمي بنظري ماركه ميبلين

سهل واستخدامه حلو وسواده حلو

كمان كحل كريمي من ماك حلو وسواده حلو

من ناحيه الكحل الداخلي للعين

افضل مكياجي مجموعة صبايا

الوانه حلوه وثباته حلو

___________________________

من ناحيه الماسكرا

برجوا من افضل انواع المسكرا

وخصوصا هالنوع

وكمان هالنوع

وماسكارا ميبلين للاستخدام اليومي مره حلوه

مثل

___________________________

من ناحيه الرموش الصناعيه

افضل صمغ ورموش ماك بدون منازع

والعدسات يمدحون تراي كلر وفرش لوك

________________________

من ناحيه اقلام الحواجب

برجوا , بودره بودي شوب , قلم شانيل

تاتو فور ايفر , مكياجي

__________________________

من ناحيه الارواج

ماك , ريفلون , مكياجي , ريميل

ثبات والوان مميزه

ريفلون وريميل سعرهم ب 60 ريال

مكياجي ب 70 و 80

ماك والله اعلم على حسب ذاكرتي 90 وحولها

_______________________________

نجي للمناكير احلى مناكير برجوا بدون منازع

وريفلون كمان حلوه

و opi وماك كمان

__________________________

طيب تقريبا ذكرت ملخص بسيط للمكياج والماركات الحلوه

نستعرض بالصور

مكياج الدارج هالايام

______________________________________

طيب انتي كيف تسوي مكياج حلو

وكيف تتقني المكياج

هاذي قنوات على اليوتوب

تعلمت عن طريقها المكياج

الله يعافيكم لو في ميوزك وطو الصوت تحسبا للذنوب

شوفوا معاي :

Foundation Routine Flawless Skin (Full Coverage Tutorial) Cystic Acne & Scaring Cassandra Bankson - YouTube

___________________________

وهاذي بعد قناتها حلوه

Camila Coelho - YouTube

وهاذي صور لمكياجها

___________________________

وذي بعد قناتها روعه وانا مشتركه فيها

واتابعها اول باول

شي خيالي ومكياجهم جميل

Pixiwoo - YouTube

_________________________

لي رجعه بتكملة كلامي

والتطرق للشعر وكيف يسترح بإتقان

اتمنى انكم استفدتو :)

ماﺀ السماء · 07-03-2012, 10:45 PM

واااااااااو ماشاء الله تبارك الله
روووووووعه يا سةيت هذا موضوع كامل شااامل اقترح تنسخيه وتحطيه موضوع في قسم المكياج كمان
في بنات ما راح يدخلو هنه ورح يفيدهم مررررررررررره
ماشاء الله عليك عيني عليك بارده خبيررررررررررره وانتي توك صغيره
والاهم انك ذوق ما شاء الله من جد ابهرتيني
^^

سوسهs · 07-03-2012, 10:58 PM

ما شاء الله عليكي سويت مون

كفيتي ووفيتي يا الغاليه

والله بصراحه كل شي طرحتيه في قمة الذوق

والف الف مبروك النجاح ومن نجاح الى نجاح يا الغاليه

ماء السماء بصراحه كانت فكرتك رائعه والله يعطيكي الف عافيا

دلع الأحساء · 07-03-2012, 11:11 PM

سويت مون فديتك وربي خطيره انتي انا من زمانابي كريم اساس يكون لون البشرا وشريت الحمدلله وكويسه الماركه من سنتر بوينت
بس علبتها صغيره وبسرعه تخلص اسمها دريم مات حلوه مو؟؟؟خلصت بشتري الي قلتي عليه
بس لزم نشتري البودرا تبعه ولا بس الكريم ينفع؟
والماسكرا عندي عقده رموشي مو كثيفه وقصيره لان عيوني صغار بطبيعتها
وكل مرا اخذ مسكرا اهي وقلتها سويه بجرب الي قلتي يمكن تطول رموشي
و بعد الحلو انك حاطه اباسعار والحمدلله ينقدر عليها الاسعار مو مثل جاكيت البوي فرندخخخ
وضل العيون الي حاطته حلو حييييل وانا الحمدلله اعرف احط مكياج يعني بيكون سهل لو بحطه
بس لحظت دارج لمعه في الجفن المتحرك وانا ماعندي زري وش تنصحين اخذ زري ويكون ماركه وبسعر مناسب
والموضوع جميل جدا جدا خاصه انه ع الموضه بس خساره مافي اعضاء كثير متفاعله ياليت يشفون الموضوع لان بجد ابداع
وبنسبه لتسريحات الشعر ياليت لو تفيدينا بتسريحات لشعر القصير
انا شعري لين الرقبه فكتوريا طبقات وطفشت منه دايم مفتوح ابي اغير اشوي

دلع الأحساء · 07-03-2012, 11:18 PM

بنسبه لظل الي حطيتيه يناسب على الي عيونهم فيها انتفاخ اشوي
ويعطيك العافية
بس الارواج وش اللون الدارج؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ازياء حمل 2012 , للحوامل القمرات الانيقات , ملابس حمل احدث موديل	مسك وعود	الموضة و الجمال	3	02-03-2012 12:22 AM
محتاجه لكم محتاره ويش اسوي	ام كاظم	إستفسارات حوامل من الشهر السابع إلى الشهر التاسع	6	11-13-2011 03:36 PM
محتاجه نصيحه	دودو ملاكى	منتدى موانع الحمل	0	07-07-2011 08:57 PM
ممكن نصيحه منكن .. تفضلي	ام موسى	منتدى علاج العقم و تأخر الحمل	4	02-08-2010 02:11 PM
محتاجه ريجيم بعد الولاده.....تفضلي بالدخول.....	عزيزة النفس	منتدى الرشاقة والصحة	1	06-13-2009 09:41 AM