حامل بالأول وما اعرف شي !! :)

[فراولة 25]

بنات مشكورين ع الرد ما قصرتوا


بس الله يخليكم احسبوا لي انا اي شهر وجم اسبوع ترى ما اعرف اي شي بالعد ف الله يخليكم ويسر حملكم قولولي انا بأي شهر او اي اسبوع ؟؟


أخر دورة كانت 27/1/2011



ربي يسعدكم

[فراولة 25]

بنات عادي اشرب شاي اخضر كوب واحد
لانه جسمي من النوع الي يمتن بسرعة واخاف مني لل 9 اصير دبل !!!!



طمنوني

ومتى اقدر اسوي سونار وشلون يكون مهبلي ولا الي فوق البطن ؟؟؟


!!

[آم آريج]

حبيبتي انتي في الاسبوع السابع

مانصحك تشربي شاي لانه مَ يصلح

لين رحتي لدكتوره بتسوي لك سونار على طوول
هوو ادا بان الكيس والجنين ماراح تسوي لك سونار مهبلي لي لين مابان المهبلي يبين الكيس والجنين

وان شاء الله خير وربي يثبت لك جنينك

[فراولة 25]

مشكورة ام اريج ما قصرتي يا عمري
بس ما علية بثقل عليج شوية سامحيني

شلون طريقة العد عشان اعرف انا بظبط بأي اسبوع ؟ او أي شهر
ما عندي الا خبرة ف هالامور بالمرة فجزاج الله الف خير وناطرتج

[*SuGeR*]

الف مبروكـ ....
وهالله هالله بنفسكـ والبيبي ...
اممم صار الحمل في تآريخ 13 ..
يعني كل 13 تدخلين شهر جديد..

[ام سليماني]

زي ماقالو لك كل 13 تدخلين شهر جديد الان انتي بالشهر الاول اذا جاء تاريخ 13 الجاي تدخلين الشهر الثاني وهكذاااا

انا زيك بكريه والان الشهر الثالث والله لا يوريج اللي انا اشووفه من تعب ولوعه وانشاء الله الله يسهل عليج الحمل وتجيك النساه الشينه

وانتبهي من المنبهات والاعشاب الزعتر والنعناع ولا تشمين فكس يقطع الجنين وابتعدي عن رائحه المنظفات كافه
واشوي اشوي على روحج الدرج انتبهي لا تسرعين فيه حبه حبه

واي شيء تشتهينه ياقمر اكليه ولا تقولين استحي ومدري ويش اكلي ولا عليج من احد
الان انتي تحملين طفل باحشائك تعذي زين لين تستوي المشيمه ويكبر البيبي

الحليب مهم جدا ياقمر جدا جدا والسمج الماكولات البحريه
امممم افطري زين

لا تكثرين من الرز والمعكرونه لانه يجيب الامساك
اكلي بس بالعدال
الغازيات انتبهي منهاااااااااااااااااااااااااااااااا
حمض الفوليك هذا حبوب لازم باليوم مره يمنع تشوهات الجنين
وريحي عمرج قد مافيك الان انتي مو مثل اول انتبهي كثير لنفسك

واذا جلستي من النوم بالعدال حبه حبه تقومين من السرير

اممممممم وبعد وبعد اي صح الحذيان الله يعزج لازم واااااااااااااااطي الدلع خلاص راح هههههه انتبهي من الكعب مو زين للحامل بالذات الظهر

السونار حبيبتي انا رحت نهايه الشهر الثاني مابان الا كور ثنتين متلاصقتين
بعدها باسيوعين شفت الكيس والبيبي صغيررررررررررررررر الله يخليه لي يارب

والله يتمم لك على خيررررررررررررررر

[ضوى العتمة]

هلا اخت فراوله .. الف مبروووووووووك .. الله يقر عينك فيه

حبيبي اول شي خففي حركه خصوصا نزلة الدرج .. واذا مثلا بتجيبين شي من الارض انزلي

كلك مو بس ظهرك عشان مايجيك الم .. واشتري مخده صغيره تلاقينها عند مذكير خليها ورا

ظهرك على طول ..

شي ثاني حاولي تاكلين كل شي اخضر كرفس خس جرجير .. واشربي حليب .. وفي حليب

خاص للحوامل تلاقينه عند الصيدليه ..


الادويه اللي المفروض تاخذينها حمض الفوليك .. وفيتامين ب اذا عندك الالام بالظهر ..

ومثبت اذا انت مثلا موظفه او تشتغلين في البيت .. وفيه بعد دواء للغثيان عند اللزوم ..

وماتقدرين تسمعين نبض البيبي الا بالاسبوع التاسع تقريبا .. تقدرين تسمعينه اذا كشفت عليك

الدكتوره من تحت بس نصيحه نصيحه لا تكشف عليك من تحت .. اصبري لين يكبر البيبي

وتسمعينه عن طريق الاشعه التلفزيونيه ..

واي سؤال انا حاضره .. والله يهون عليك :)

[فراولة 25]

آمين مشكورين يا امهات المستقبل ههه
ما فصرتوا والله

الله ييسر حملكم وحملي ويهون الطلق عليكم وعلي مع انه توة الناس علي هههه وربي يجعلة من الصالحين البارين ومن حفظة كتابة الكريم يارب العالمين


انزين يعني الحين السونار ما منة فايدة صح ؟ لانه ما رح يبان اي شي ؟؟

طيب يعني بس مراجعة دكتورة وصرف ادوية وبس ؟


مشكورين مرة 2

[فراولة 25]

بنات ضروري ردوا علي
الدكتورة تقول كيس الحمل صغير جدا وانه انا مو بالشهر الاول لا اقل
وقالتلي اصلا بتحليل الدم ما يبين انا باي شهر


انا خايفة اتقول مو مبين بس كيس صغير
وانه اراجعها بعد اسبوعين

انا خايفة وايد
امانة ادعولي يتثبت ويكبر

[آم آريج]

المشاركة الأصلية كتبت بواسطة فراولة 25

بنات ضروري ردوا علي
الدكتورة تقول كيس الحمل صغير جدا وانه انا مو بالشهر الاول لا اقل
وقالتلي اصلا بتحليل الدم ما يبين انا باي شهر


انا خايفة اتقول مو مبين بس كيس صغير
وانه اراجعها بعد اسبوعين

انا خايفة وايد
امانة ادعولي يتثبت ويكبر

ياعمري نفس حالتي قالت ليي موجود كيس صغير مراا وجنبه دم بعد ..!
وبعدين رحت مره ثانيه والكيس كبر والنونو مابان
وبعدين المره الثالثه رحت وبين نونوي الجميل خخخ

لاتخافي ولاشي بس الدكاتره شغلتهم تخويف في الناس