الوصفة الصاروخية للشد

بيسان · 03-09-2010, 03:56 AM

السلام عليكم ورحمة الله وبركاته

اليكم الوصفة الصاروخية لشد الصدر 100%

اول شي راح اخبركم بالنتايج ورب السموات والارض ماكذبت بكلمة

بس طول بالكم معي

اختي الكبيرة كانت تعاني من مشكلتين بصدرها الاول صغر الحجم والثانية انه على صغره مترهل

شرت كثير واستخدمت كثير وفي يوم جتني طايره من الفرحة قالت فاكرة كيف كان صدري طايح شوفي الحين كان مرفوع فكرته من السنتيان ( الحمالة )

قالت شوفي المفاجأة شالتها وهو مرفوع زي ماهو ماكنها شالتها وفي الحلمات كانت نازله يعني اتجاهها اسفل كأنها مكسوفة والحين صارت على فوق شامخه خخخخخ

قالت لي كانت لما تتحمم ((تتروش ) وترفع يدينها عشان تغسل شعرها كانت تشوف صدرهابالمرايه وتقول ياليته يبقى مرفوع زي كذا والحين والله العظيم يابنات مافي فرق ترفع يدها والا تخليها مشدود ومرفوع

والحين راح اقولكم على اللي سوته

قبضة من المر

فنجان شاي ونص ماء مغلي يفور

وتتركينه مده ثلاث ايام وحطيه في مكان قدام عينك بالمطبخ عشان كلمامريتي من عنده تحركينه

في اليوم الرابع اخلطي على علبه وسط نيفيا واستخدميها بعد كل استحمام
ولو تحبين كل ليلة مافيها مشكلة مع التدليك على فوق لحد ما تنشف الكمية

طبعا اول ماتحطيها تطلع لها ريحة لكن ربع ساعة وتروح والافضل تخصصين لها لبس داخلي معين يرفع الصدر زين

وبس
سووها بنات خالي وعطتهم نفس المفعول انا توني باديه فيها

موفقات اخواتي الغاليات

اللي تجرب ياليت تذكر تجربتها عشان الباقين يتشجعون

وسلامتكم

تنبيهات مهمه
حابه اوضح لكم نقاط مهمة في الاستخدام نتيجة لكثرة اسئلةالبنات المكررة

* اول شي الخلطة لا تصغر ولاتكبر مجرد شد لاحد يسألني بعدين عن الكبر والصغر

* لازم تكون مع نيفيا 250 مل واللي تخلطها على كيفها بكريم هي تختاره ماني مسؤله عن نتيجتها وتجي تكتب نتيجه سلبيه وهي مامشت على الطريقةالصحيحة

*الفنجان = البيالة= فنجان شاي

*لازم لازم لازم التدليك

*يفضل بعد الاستحمام سواء كان كل يوم او كل يومين او كل اسبوع ولاتغسل الا اليوم الثاني او بعد مرور 5 ساعات على الاقل
*تستخدم لاي شي تبين تشدينه الصدر البطن الزنود اي شي فيه ترهل

*الالم البسيط اللي يطلع بالصدر طبيعي مع التدليك والشد يعتبر بشارة خير لو تلاحظين ان الحامل ينشد صدرها ويكون فيه الالم وكمان قبل الدورة فالالم من الشد والتدليك تطمنو

*مو مهم تطلع الخلطة كريميه هي تطلع شبة سائلة وحتى التكتل يعتبر امر طبيعي لانه الكريم ثقيل

* المرة يكون لونها عسلي واللي غامقة معناه انه فيها شوائب

* لاتطحنون المرة قبل النقع

* بعد النقع تصفى المرة وتأخذ مويتها فقط وتنخلط على الكريم مايحتاج مضرب ولا اله خفق مجرد خلط بملعقة صغيرة

* اللي تطلع معاها نتيجه تذكرها سواء نفعت او مانفعت مو اللي تستفيد تنسى السالفة واللي ماتستفيد ترجع للموضوع وتذكر التجربة

وربي يابنات لو ماشفت النتيجة بعيوني على اختي وعلي وعلى بنات خالي ماكان ذكرت الموضوع اصلا مااحب اكتب شي منقول فقط ومش مجرب والله حتى الحلمات فتح لونها لانه تغير لونها مع الحمل والولادة والحين رجع زي زمان
يتبع

بيسان · 03-09-2010, 04:02 AM

حبيت اوضحلكم خطوات عمل وصفة تحدي شد الصدر بالصور

ونبداء بالكريم هذي صورته الحجم الوسط 250 مل

هذي صورة المرة طبعا اللي في الصورة مقدار ملعقة والمطلوب قبضة واللي يدها صغيرة تزود الكميه

هذي صورت المرة اول ماصبيت عليها المويه الحارة المغليه شوفو بدون طحن وشكلها كور

هذ الصورة بعد النقع اليوم الثالث شوفو كيف ذابت المرة واختفت الكور

وهذي بعد ماصفيت المرة بالمنخل طبعا هذي الموية اللي طلعت ثقيله زي الشوربه

وهذي بعد مااضفتها للكريم خلطتها بس بالملعقة لا مضرب ولا خلاط

وعلى طول تستخدم

ان شاء الله تكون وضحت لكم
يابنات الموضوع منقوووووووول الرجاء الدعاء لي ولصاحبة الموضع