هنا تجمع العنايه بالبشره والجسم في فتره النفاس كل وحده تدخل وتقول ايش سوت

[تاج ذهب]

يبنااات احتاج مساعدتكم بكلف الحمل والله من دخلت الثامن وانا جسمي رقبتي وايديني وجهي وصدري تعبة كلف واسود وتحت الابط كمان والله قرفت حالي وجوزي من نوع الي بيلاحض والفشلة منة وخايفة بيضل على ذول ربي يسعدها وينوللها الي بالها بالي ترشدني على وصفة بيروح فيها كلف الحمل ومشكورة مقدماا لكل من ترد علية

[عزيزة النفس]

اختي استخدمي الخلطات الصابونيه واستمري عليها
وبتلاحظين تحسن كبير

[زهرة اليمن]

السلام عليكم صديقتي
اولا مشكوره على مواضيعك المفيده
وشكرا على نصائحك القيمه ....
ومشكلتي انني تنقشت بالنقش
الاسود اليمني <الصنعاني >
وكان يجنن لان يدي كانت بيضاء
ولاكن بعد عدت ايام را ح النقش
ويقت منا طق بني على يدي
وكأنني منقشه بنقش بني والله انا مقهوووووووووووووووره
على يدي كيف كانت وكيف صارت الان
وحتي لما البس البس اشياء طويله ومكممه
بجد انا طفشت واتمني تشوفولي حل
اي شي اهم حاجه ترجع يدي مثل ما كانت
منتظره ردك ونصائحك عزيزتي

[عزيزة النفس]

هذي الخلطه الصابونيه (من النت)انا جربتها بنفسي
تعطي نتائج خطيره ولكن يبي لها صبر
لكن للاسف ماحطيت عليهاكبسولات فتامين E
ماتذكرت الا بعد فوات الاوان
هالخلطة تعطيكي بياض على بياض ونظافة حلوه ولون الجسم يصير منور وعجيب وبياض بتشوفينه فوري

وطريقتها سهله وخيال

المكونات
1-صابونه الكركم -وحدة فقط
2-صابونه الغار-وحدة فقط
3-صابونه البابايا فروتي ( 4في 1-وحدة فقط)
4-ماي ورد أوماء زهرعلبه كامله
5-ربع ملعقه كبيره كركم جسم
6-ملعقة كبيره ملح خشن
7-1صابونة الجلسرين من نتروجينا اواي نوع من الجلسرين
8-ملعقة وسط نشا
9 - (6 كبسولات فتامين E الزيتية ) ضروريه في الخلطة لبشرة توب لايعلى عليها والله

الطريقة
والحين نبشر صابونه الكركم وصابون الغار وصابونه البابايا
نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون
نبشرهم ونحطهم في صحن بروحهم راح تصير عندك كميه من الصابون المبشور


نخليهم ونروح نأخذ قدر ضيق اشوي ما يكون كبير ونحط فيه ماي ورد كله و4ملاعق كبار مبشور صابونة الجلسرين وبعدين الكركم مال الجسم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه عجينة لينة ومستساقة


أي والله صدق بيذوب وتتكون عندك الخلطة والحين إذا سخنت الخلطة وبدت تتفرقع اشوي حركيها بعد اشوي وإذا حسيتها اندمجت مع بعضها المكونات وصارت على شكل خلطه وشيليها من النار وحطي ملعقة االنشا على طول وهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في يدك وفركي فيها جسمك كااامل (حتى الرقبة والمنطقة الحساسة والإبط )وخليها عليكي من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو(انا اخليها من نص ساعه الى ساعه)او وانا انظف البيت واذا خلصت اتروش

وبعد الحمام بعد ما تنشفين جسمك دهني جسمك في أي كريم مرطب للجسم عشان تزيد النعومه وترطبين الجسم بعد الصابون
خواتي اضافة كبسولات فتامين E لتنيجة لاتصدق لنضارة البشرة واشراقها غاليتي مثل اضافة 6 كبسولات زيتية من هذا الفتامين لنتيجة اجابية لالاتهاونون في هذا الكبسولة مرة مفيدة للنضارة الخارجية تخلط مع الصوابين بتفريقها من محتواها بس انتبهو ضيفو الكبسولة بعد ماتشيلون المقادير من على النار غاليتي لفائدة افضل
واستخدام مرطب بعد الحمام من 4 كبسولات فتامين E الزيتية تفرقينها وتخلطينها مع الكريم ايبديرم الفلبيني الصنع بالبابايا
وهذا هو امرطب بس يوم بيوم غاليتي

[دارين8]

شـكــ وبارك الله فيك ـــرا لك ... لك مني أجمل تحية .

[زوزوعليوه]

يابنات انا سمعت دكتور يقول الوحده من يوم ماتحمل لازم تستخدم واقي شمس حتى لو هي بالبيت لان بشرة الحامل تكون حساسه ويطلع فيها كلف ونمش بسرعه انا دايم يطلع لي بحملي بس هالمره استخدمته واتمنى يجيب نتيجه بس انا اعاني من الهالات السوداء بالمره قويه طفشت منها

[ضحكة الأمطار]

ساعدوني

عندي مسامات بوجهي واحس كل ماتصير أوضح
ياليت شي طبيعي مابي كريمات

[mun]

انا اعاني من النمش والرؤس السودا على الانف ابي لها حل اختكم سعوديه من الجنوب ابي المساعده

[ام فاضل]

يابنات موحلوالوحده تستعر من حالها وتفشل نفسهاقدام زوجها يعنى هوملك منزل من السماء والاعلى راسه ريشه يعنى
عادى كلهافتره وتعدى
وكلهاتروح بس تولدى تعدى العشره ايام استخدمى هالوصفات وتروح

[الهاجريه]

ياعسولات ابي خبرتكم
انا الحين حامل وبشرتي مره صارت دهنيه وفي نفس الوقت حساسه اذا استخدمت ليمون تجف وتشقق وطلع فيني بثور وهالات سوداء وربي حاله
ابغي خبرتكم
بالخلطات والكريمات