دردشة حوامل أهل قطر - دردشة بنات قطر - تجمع حوامل قطر

[حرم المالكي]

ماشاءالله في حركة في التجمع
جوري ما عليج شر حبيبتي.. اجر و عافية ..
و ام الهنوف منورة بين اهلج و خواتج.. عرفينا عليج اي شهر و كم بيبي عندج ؟
مس حســـن فترة النفاس لازم ملل و كآبة بس يالله الحمدالله على كل حال فترة و بتعدي و بيكبر الياهل فددديته..
انا يومين و بدخل السابع ان شاء الله ..

[شوكلاطة]

مرحبا بنيات

شخباركم عساكم بخير


الصراحة من متى ودي اشارك معاكم بس كله ماعندي وقت

المهم انا من قطر

فالشهر السابع

أول حمل لي ادعو لي الله يتممه لي على خير

واتابع فالأهلي حاليا وافكر انتقل لحمد شرايكم ؟

اتمنى تقبلوني معاكم

والله يهون عليكم حبيباتي ويسهل حملكم وولادتكم يارب

[Mss Hassan]

حرم المالكي ;

بالمبارك زادوا المشاركات بالدردشه
الله يحفظهم و يزيد و يبارك 


-

اي والله الحمدلله الحين كملنا الشهر
الله يعينا و نخلص 10 الباقي و يهونها
و يكبر حبيبي علي ان شاءالله و يهدئ يَ رب 

-

الله يهون عليج حبيبتي 
مابقى شي ع التاسع تمر الشهور بسرعه ان شاءالله
و تولدين بالسلامه و نجيج انا و علي 

[Mss Hassan]

شوكولاطه ؛

ولكمو سويتي وحياج الله بينا نورتي 
مراحب ياهلا حبوبه
الحمدلله بخير شخبارج انتي ؟


الله يعين حبوبتي الوقت صار يركض ولا تحسين فيه
الحمدلله الحين شاركتي ان شاءالله تحصلين وقت و تتواصلين معانا و تستمتعين 
-

الله يهون عليج و يتمم حملج يَ رب 
مثل حرم المالكي ربي يسهل عليكم
و تقومون لنا بالسلامه 

انا كنت حامل و ولدت قبل شهر الحمدلله اول بيبي لي
كنت اراجع في العمادي بالشهر الثامن رحت مستشفى حمد
ابي افتح ملف و ادخل على الدكتوره بس كان زحمة مواعيد و سالفه
وتمللت و لا دخلت ع الدكتوره تميت اراجع بالعمادي
و ولدت في حمد بس ماعجبتني ولادتهم يعني من الناحيه النفسيه تعبوني صراحه
مالله رزقني بِ نيرسات عدلين 
فـ تأزمت لكن الحمدلله على كل حال
بس في وايد ناس يمدحون على ولادتهم ويقولون على حسب النيرسات
لكن هذا الي صار معاي والله يرزقج ينيرسات عدلين يَ رب 
والتسهيل من رب العالمين



وحياج الله حبوبتي اي استفسار انا هووني 

[حرم المالكي]

صبحكم الله بالخيـــر.. برووووووووودة هاليومين ماشاءالله..

ولكم بالكروشات الجداد.. اي جذي فديتكم شاركونا و خلنفيد و نستفيد..

مس حسن انا اتابع في عيادة خاصه بس افكر اولد بالعمادي من كثر مانسمع من

التعامل الزفت و الزززززززحمة الزايدة الفترة الاخيرة في حمد..

انتي كنتي تتابعين مع من في العمادي؟ افكر اروح افتح ملف عندهم.؟

[حرم المالكي]

الولادة في مستشفى حمد حظوووظ و سهالات من رب العالمين ..اما تحصلين لج ناس يفتحون

النفس او ناس يكرهونج في عيشتج.

[Mss Hassan]

صباح النور و السرور اي والله صاجه برد
كله متدفين انا و صغيري 

انا اراجع عند دكتوره رفا علي عراقيه
تهبل تريح نفسيتج تعاملها وايد حلو ماشاءالله
وانا كان بخاطري اولد عندها حتى تعطيج رقم جوالها
اذا تبين تولدين عندها وجاتج الولاده مو في وقت الدوام
تكلمينها وتجيج تقول بيتها قريب من المستشفى
وكل شي تبين تسألين عنه تجاوب
روحي لهم يوم شوفي معاملتها وان شاءالله بتعجبج و بترتاحين منها 

[حرم المالكي]

صباحكم خير..

مس حسن .. وايد مدحوا لي هالدكتورة و بعد وحده ثانية اسمها نجلاء..

الله ييسر ان شاء الله ..

[Mss Hassan]

صباح النور فديتج

اي صح حتى انا امدحولي نجلاء بعد

بس ماجربتها


الله يسهل الامور ان شاءالله 


و شخبارج مع التجهيزات ؟

[حرم المالكي]

هلا و الله صباحو..

بديت اجهز .. خدت لي جلابيات خفاف حق النفاس من بانتين .. و خذت لي

قميصين استقبال من الحسا..

و خدت حق البيبي اشياء بسيطة .. احس اني ضايعه في الوردي

يالله الله يسهــل ان شاءالله..