¤ô§ô ~أحلى تجمع حوامل التوأم 2011~ ô§ô

رضاك ربي · 03-15-2011, 04:10 PM

ندوش الله يكرمك ولا يخيب املك واذا ربنا رايد بتتأكدين انه حمل اسأل الله العلي العظيم ان يحقق حلمك

قطرة ندى* · 03-15-2011, 04:18 PM

دموع الشوق الله يبارك فيك يارب ويقومج بالسلامة

رضاك ربي الله يبارك فيك وهونيها وتهون ولاتعصبي كثير مو زين

الييييياااااااااااااه الحمدلله ان ماطلع عندك سكر وان شاء الله باقي التحاليل سليمة

غروووووووووووووومة خلاص بروح المستشفى اسوي تحليل دم أضمن
وان شاء الله اذا جيت اخبركم باللي صار

قطرة ندى* · 03-15-2011, 04:21 PM

هيونة ان شاء الله يكون الحمل أكيد بروح اتأكد
والله يتمم لك ولي ولباقي الكروشات على خير

هيونه · 03-15-2011, 04:38 PM

اقتباس:

المشاركة الأصلية كتبت بواسطة قطرة ندى*

هيونة ان شاء الله يكون الحمل أكيد بروح اتأكد
والله يتمم لك ولي ولباقي الكروشات على خير

آمين يارب

الله يفرحك يارب ويسعدك ويرزق كل بنت تبي الحمل ولا يخب أملك يارب

الأمل @ · 03-15-2011, 04:41 PM

الياه
ياحبي لك والله
الله يهون عليك على هالدعوات الحلوه تسلمين
والحمد لله ماعندك سكر عقبال بقية التحاليل ان شاء الله تطلع تمام

وكلامك لساره عين العقل والله بس يبي لها شوية وقت عشان تجمع افكارها وتستوعب

قطوره
ننتظرك تبشرينا
الله يكتب لك الحمل السليم

هيونه
تحبك العافيه
الله يرزقك بنوته كيوت مثل جوري واشوفك تتشكــــــــين منها
اما التسريحات والله داايم ادور بالنت وشريت كتيب من جرير كله تسريحات حلوه>>>يازين القص بس
ومبروك دخلتي السادس ولا للحين ؟؟

رضاك ربي
هونيها وتهون ياقمر
ولا تتوترين وتوترين اللي حولك
وزوجك منطقي مو كل شئ نبغاه على طول يصير انتظري وطولي بالك
ومايصير الا اللي تبغينه ان شاء الله
واحيان بالهدوء تاخذين شئ ماتحلمين به وانتي متوتره

الفراشه الحنونه
ياهلا وغلا فيك >>>من ريحة اهلي
كيفكم يقولون عندكم مطر اليوم الله يستر

ديم الوفا · 03-15-2011, 05:53 PM

مساء الخيــــــــــــــــــــر

اخباركم ياحلواااات ؟؟

بسالكم شلون عنايتكم بالثديين ؟؟

عشمانة في ربنا · 03-15-2011, 06:48 PM

اقتباس:

المشاركة الأصلية كتبت بواسطة ديم الوفا

مساء الخيــــــــــــــــــــر

اخباركم ياحلواااات ؟؟

بسالكم شلون عنايتكم بالثديين ؟؟

حبيبتي
انا حاليا بناء علي كلام ماما بستعمل جلسرين من الصيدلية علي الثديين والحلمة بالاخص علشان ما يحصل تشققات بعد الولادة ان شاء الله

ديم الوفا · 03-15-2011, 07:09 PM

اقتباس:

المشاركة الأصلية كتبت بواسطة عشمانة في ربنا

حبيبتي
انا حاليا بناء علي كلام ماما بستعمل جلسرين من الصيدلية علي الثديين والحلمة بالاخص علشان ما يحصل تشققات بعد الولادة ان شاء الله

تقصدين الجلسرين الشفاف اللي علبته مثل الأدول ؟؟

اقتباس:

غروم وديوم
كيفكم بنات
حبيت أسألكم انتم واي كروشة تقدر تفيدني جزاكم الله كل خير
1 - حركة البيبي امس واليوم احسها ضعيفة جدا مدري هاي طبيعي ولا لا

عادي انا مرااااااات مااحس فيها ... يوم عن يوم يفرق ... والدكتورة اليوم قالت لي المكان
طبيعي مع زيادة حجمهم راح يضيق ... وجربي اشربي عصير حالي شوي او كاكاو علطول تحسين بحركتهم ... انا ياقلبي عليهم لا كنت جوعانه مستحيل يتحركون ... بس اكل يبدأون يرفسون ...

2 - عندي الم شديد في ضلعي اسفل صدري اليمين

والله عشمانه اليوم سألت الدكتوره بعد لاني صرت احس بضيق بالنفس قالت اكيد لان الرحم قاعد يضغط على الصدر والحجاب الحاجز ... وعطتني مسكن للشد باسفل البطن لانه بسبب تمدد الرحم ولالام الورك والرجلين ...
3 - حاسة بالم في المنطقة الحساسة زي ما يكون التهاب وبيزيد لما بدخل الحمام

انصحك تسوين تحليل بول عند خاص وتطلع لك النتيجه بسرعه طبعا مو دكتورك الا ول لالالالالالالا ,,, روحي اي مستشفى ثاني
انا احس بهالالم وطلع عندي صديد في البول بس تقول نسبه بسيطه
عطتني مضاد حيوي ووصتني اشرب ماء كثيييييييييير مايقل عن 8 اكواب

بنات افيدوني جزاكم الله موعدي في الحكومي لسة بعد اسبوع ودكتوري الخاص بطلت اروحله
ان شاء الله افدتك وماتشوفين شر ...

الياه · 03-15-2011, 08:01 PM

رضاك ربي

حصل خير وتصير في كل بيت ، نسميها
بهارات الحياة الزوجية
طيبي خاطر ريلج بكلمتين
ووسعي صدرج
وما ضاقت إلا فرجت
وأنت أدري الإجارات نار في دبي
أذا ما حتوتيه وفهمتيه
منو له؟؟؟

والماما أكيد بتعذرج
لأنج آخر العنقود وسكر معقود

بس لا تزيدين في دلعج
حليلها ماماتج وهي تاج فوق الراس
الله يحفظها لج

قطرة ندى

بشرينا بنتيجة التحليل
ننتظرج بأحلى خبر أن شاءالله

الأمل

تسلمين الغالية على كلماتج الحلوة اللي تقطر
عسل، ويحبي لكم جميع

ديم الوفا

شخبارج عساج بخير
هذا أول حمل لج؟؟؟

صراحه مالي خص أبد بالعناية
مع أني شكثر تعبت من ألم الرضاعة
أنواع الألم والعذاب
في بنتي البكر ما عندي خلفية عن الموضوع
بس فكرة الصناعي عندي مرفوضه رفضا تاما
خاصة في أول الأشهر
أنا من انصار الرضاعة الطبيعية
والحمدلله تحملت ورضعتها لين 8 شهور
فطمتها لأني حملت بولدي
وولدي رضعته سنة
وكانت الألام أخف
دايما البكر تعاني من الرضاعة
عشان جذي الأغلب يتحجج بأنه مافي حليب
وما يصبرووون على عيالهم
مافيهم على التعب والألم
ويحاتون يخترب رونق جسمهم!!!!!
والله يقدرني وارضع التوينز طبيعي أن شاءالله
وبس

أول غرام

الله يقومج بالسلامة ، وترجعين لبيتج أحلى عروس
وتعشين العمر كله عسل في عسل
إللي يعرفج ما يعافج
ويابخت ريلج فيه
لو يلف الدنيا مابيلقى وحده مثلج
وخلج واثقة من نفسج

وأن شاءالله تربين قبل الأسبوع الياي وبالأثنين
يكون موعد طلعتج من المستشفى أنت والتوينز
قولي آآآآآميــــــــــــن

الياه · 03-15-2011, 08:14 PM

عشووووم
سلامتج ما تشوفين شر
البنات ما قصروا عليج بالردود
شوفي دكتورة في الخاص
بس مب اللي بالي بالج

بنــــات

مب قادرة أشوف الحروووف جدامي
السبب الأول أمس راقدة 2:30 الفجر
وداومت وما قيلت الظهر

والسبب الثاني حاسة بألم فظيع

الله يسلمكم الاسبوع اللي طاف كان عندي موعد
وطلع عندي التهاب في البول وأنتم بكرامة
بس ما عطوني دوا كالعادة حكومي
وأنا ماعرفت من الدكتورة!!
سألت الممرضة
وهي قالت لي
وكثرت من شرب الماي وأكل التبولة
عشان يخف الالتهاب
بس بديت احس بحرقان وصار عندي
افرازات
وأمس طول اليوم وأنا عندي اسهال
وأنتم بكرامة
وعزمت اليوم اشوف دكتورتي بالخاص
بس تفلسفت امس وكلت زبادي والحمدلله مسك بطني
وتكاسلت اسير للدكتورة
لأني بعد دوامي سرت المختبر ومالي خاطر
أطلع مكان
والحين تحت من جهة اليسار عند المبايض
حاسة بشد وألم فظيع
ومب عارفة شو السبب
بس ان شاءالله يكون شد مثل ماقالت ديم الوفا
لعشمانه
ومايكون التهاب حاد
والله يعني على الألم

سمحولي ما اقدر أطول اكثر
دعواتكم

تمسون على خير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM