¤ô§ô ~أحلى تجمع حوامل التوأم 2011~ ô§ô

[دموع الشوق]

اهلين ام رضوي وأم جومانه كيفكم وينكم ماتدخلو دايما؟

[ام سولي]

السلام عليكم سارة
سلامة عيالك ما يشوفون شر يارب
سارة لعن الله كل شيطان مو خالتك ترى جت موجبتك وما ظنيت انها بتحسدك الله اعلم ؟
انتي اقرأي المعودات والفاتحة واخر سورة البقرة واية الكرسي وما يشوفون شر ابد ؟
تدرين انا عيالي صابتهم عين وما احد شافهم حتى جدتهم لأن كانو بالعنايةوالعين تصيب بمجرد الخبر إدا شهق الواحد عافانا الله ما وقفت على الشوفة وشوفي حتى لو العين من خالتك خدي من اثرها وروشيهم به بس لا تشربيهم ادحري ابليس لا يفرق شملكم انتبهي تقولين لأحد وترا الحريم بيوصلون الحكي لخالتك حسبي الله عليهم وبتقولين قلتلك؟؟
لك سارة ولجميع الحلوات انتبهو ترا العين تصيب اللي يخاف لأن الجن بسم الله علينا يعرفون الخايف من القوي واللي يخاف يتسلطون عليه ويضرونة حبيباتي انتبهو تو ادري انا ؟؟ كلنا متوكلين على الله ومن قوة التوكل المفروض ما نخاف التحرص زين بس مو نقول الشي اللي مو زين قصد رد العين ..
انا ياعمري ياسويرة صارلي مثل ماقلتي جوني حريم وانا اصيح قالو ماتو اثنين احمدي ربي بقت البنت يازين البنات وهم شلة بنات وعيال ومن هالحكي وقف شعر راسي خفت يضروني وتعودت من الشيطان ورقيت بنيتي والله يابنات ثم الله كنت اقرا عليها رقية السدحان وهي بالقزازة ترفع رجولها ويدينها شي يروع قال الدكتور استمري بس وكلت قلبي باللي خلقني وقلت لله الامر من قبل ومن بعد (وما هم بضارين به من احد الابإدن الله ) وربي ان جتني فرج من الله ورؤيا تبشرني بسلامة بنتي شفتها لا بسة فستان وبيضا ووجهها بالحلم زي بنتي الحين وتلعب هي وبنت صغيرة كنهم بحضانة والحمد لله بشرني الشيخ بأنها ستحيا نقول نوكل امرنا لله وزي ماقلتلك لا تدارون حسبي الله على الحريم ملكعات صارو يعرفون الخايف من العين احسن شي نطمهم به نقول الحمد لله لا يقدرون يمدحون ولا يسبون ايه بعض الناس بسم الله ياسارة شره طوييييييييل بس يتقصد العين وهو من بعيد يلا خليها على ربي وبقولك ياحبيبتي كلنا تحت رحمة الرحمن الرحيم الله يحفظ بنتي وعيالك يارب بس تقوي سارة وخليهم ينكتمون لا تطلعين لا ايجابيات ولا سلبيات لهم بس الحمد لله واللي ما ترتاحين لها خدي فنجاله وواغسليه بماي وسبحي الصغار والحمد لله ويارب يخليهم لك؟
سويييييييييييييييييييييرة وين الاكشن وهل ولدتي طبيعي او عملية لا يكون خايفة من عيونا بعد ههههههههههههههههههههههههههههههههههههههههههههههه؟؟؟

[الوان الحياة]

كيفكم كروو ووشااااات اناااا الحمد الله بخير
يؤيؤ بدت احس بالثقل الحمد الله على كل شي
ساارررة يااقلبي استودعي ربك عياااالك والله هوووو الحااافظ واقري عليه وحصنيهم وثقي وتاااااكدي بانك استودعتيهم ربهم مااارح يصير لهم شي
هاااااا لاتطولين بالاكشن واي اسبوووووع ولدتي

[الياه]

مســــاكم خير يا وجوه الخير

شخباركم يا حلوين

في حد موجود ولا هاجرين التجمع
يا كروشاااات؟؟؟؟؟

[الياه]

**أملي بالله**

هلا أختي ، الله يسر أمرج ويطمنج على التوينز
وهذا جدول الأوزان بالاسابيع
وما قصرت ماء المسك حاطتنه في أول صفحه في التجمع

*الوزن بالجرام:
الاسبوع 11 = 7
الاسبوع 12 = 14
الاسبوع 13 = 23
الاسبوع 14 = 40
الاسبوع 15 = 70
الاسبوع 16 = 100
الاسبوع 17 = 140
الاسبوع 18 = 190
الاسبوع 19 = 240
الاسبوع 20 = 300
الاسبوع 21 = 360
الاسبوع 22 = 430
الاسبوع 23 = 501
الاسبوع 24 = 600
الاسبوع 25 = 660
الاسبوع 26 = 760
الاسبوع 27 = 875
الاسبوع 28 = 1005
الاسبوع 29 = 1153
الاسبوع 30 = 1319
الاسبوع 31 = 1502
الاسبوع 32 = 1702
الاسبوع 33 = 1918
الاسبوع 34 = 2146
الاسبوع 35 = 2383
الاسبوع 36 = 2622
الاسبوع 37 = 2859
الاسبوع 38 = 3083
الاسبوع 39 = 3288
الاسبوع 40 = 3462
الاسبوع 41 = 3597

(الله يوصلنا لهالاسابيع الاخيره على خير إن شاء الله )

طمنينا عليج باجر بإذن الله

[الياه]

بروفكشن

هلا والله ، يسرج الحال، طمنينا عليج وعلى النونوات
الله يحفظهم وياج من كل شر

بسألج بروفكشن استخدمتي مثبتات في حملج؟؟
ومتى وقفتيها؟؟؟
وكانت ولادتج في أي أسبوع؟؟

سوري وايد أسئلتي بس أسأل مجرب ولا تسأل طبيب

[الياه]

سارة

الله يحفظج وأجنتج من أعين الأنس وأنفس الجن
سبحان الله الناس ما تذكر الرحمن
وعينها في كل صغيرة وكبيرة
حصنيهم صبح ومسا وقبل لا حد يشوفهم
وحاولي تعذرين بإي شي ولا تطلعينهم
لأي حد،
والله يحفظهم ويبلغج أياهم وهم معاريس

أول غرام

الله يخفف ثقل هالأشهر عليج، ويسر أمرج، ويهون الطلق
في البداية بتحتاجين مساعدة
ماشاءالله توينز وأحنا واحد ويتعبنا وين أثنين
وولدج بروحه يباله رعاية بسم الله عليه صغير

أنا أفكر أييب مربية متخصصة" بس وين بلقاها؟؟؟؟"
الحمد لله عندي خدامتين بس وحده فيهم بتسير عقب ماربي بفتره، وأبى اييب حده يعتمد عليها
ومتخصصه في تربية الأطفال
خاصة أني بداوم عقب شهرين من الولادة
وأمي ما بتقدر على أثنين
والله يعينا على تربيتهم
التربية الصالحه

قال تعالى:
"لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ "

[**أملي بالله**]

السلام عليكم ورحمة الله وبركاته.....
ألف سلامه على الأخت سارة وأبنائها ...
سؤال للكروشات الحلوات : بكرة بإذن الله أكون في الأسبوع27 كم راح تكون أوزان البيبيات في الأسبوع هذا بإذن الله؟
الله يسعدكم

[بروفكشن]

مساء الخير بناات

يااقلبي عليك ساروونه قلت لكم انا والله عيون النااس ماترحم

اعووذ بالله كل شي يطالعون فيه مايقولون الوحده شنو عانت في ولادتها في حملها

واذا قلتي لهم تعبت في الولاده اي جابت اثنين مره وحده

المهم سارونه لاتطلعينهم اذا جا احد ولا تحط سريرين

اهم شي عيالك والله واهم بالطقاايق خل يزعلوون

واقرى عليهم المعوذااات وبخريهم كل يوم في المغرب

والله راح يحفظهم لك

[بروفكشن]

غرووومه

شخبارك مع التعب والثقل


ان شااء الله احسن يلا هانت راح الكثير مابقى الا القليل


وترتاحين والله يسهل عليك ان شااء الله


ويااغرووم العيال يبيلهم يعني لازم تعتمدين على امك ماراح تقدرين لحالك اصلا غصبن عنك والله