دردشة حوامل أهل الامارات - دردشة بنات الامارات - تجمع حوامل الامارات

[اقصوصه]

الله برده لج بالسلامه يا وب

وان شا الله ما تربين الا وهو موجود

[اقصوصه]

صباح الخيررر

[عذب الجوارح]

صباح النور حبيبي

[اقصوصه]

انا مواصله من امس

يالسه ارضع بنتي واطالع فيلم عربي

تريقتي؟

[عذب الجوارح]

وانا رقدت لي كم من ساعة بعد ما سافر ريلي عندي موعد فالمستشفى اليوم
الحمد لله تريقت رطب مجفف وقهوة هههههه مع انه عندي تحليل سكر ما ادري ليش عادوا مرة ثانية بس ما فيني أسويه اليوم بسويه على راحتي بعدين تعرفين المستشفيات وغصتها

[عذب الجوارح]

اقول بنوتي الصغيرة طاحت مرتين أمس وطاح نص سنها اللي من جدام حرررااام قلبي عورني من كثر ما نزفت وأسنانها كانت جميييلة والله والكل يقولي بسمتها حلوة ماأتخيل شكلها كيف صاير بس شفايفها وايد مورمة كيف اخففه عنها ولا أوديها المستشفى؟؟؟

[اقصوصه]

انا ريلي بيداوم في العين هاليومين
يعني بتم بروحي مع العيال
الله يعيني عليهم عاد وع حشرتهم ومسؤليتهم
انا بعدني ما تريقت
مليت من الأكل كله ما اعرف شو اكل

[اقصوصه]

انا ولدي الكبير 4 من اسنانه اللي جدام انكسرت بهالطريقه

دوم انتي عندج موعد مستشفى يعني رايحه رايحه وديها وياج

[عذب الجوارح]

حبيبتي مو بزين لازم تاكلين لحتى ترضعين الصغيرونة انت ترضعيها طبيعي صح؟
بعدين سبحان الله أنا ما أتوهق إلا لمن يروح ريلي كل شي يصير مرة وحدة ما اعرف اتصرف؟؟؟

[اقصوصه]

انتي تسوقين؟

هيه ارضعها طبيعي