تجمع حــوامل التوائم

[لينا 3]

المشاركة الأصلية كتبت بواسطة سآره

هلا بنات اخباركم...؟؟؟

بنات انا تعبت نفسيا من الوسواس والمحاتاة

ياربي متى اولد بالسلامه في الشهر التاسع ويتطمن قلبي

اعوذ بالله من الوسواس

والله ان تجيني فزات في الليل المس بطني اشوف موجود ولالا

احس اني خبله

تعوذي من ابليس حبيبتي والله انه نفس الاحساس ولابعد اذا ما حسيت بحركتهم اقوم
واجلس افرك فيهم الين يصحون واحس بااي حركه صرت اخاف تعبي كل هل شهور يروح لاكن الله سبحانه هو الحامي والحافظ لهم وكلي امرك الى الله فهو خير الحافضين اختي الغاليه . والله يحفظ لك الغاليه امك والله اني بعيده عن اهلي وامي كبيره في السن وتعبانه ومالها حيل تسمع شكاوينا عشان كذا ابو الشباب ماخذ راحته
ومافكر فيني ولافي الي في بطني لاكن ان شاء الله ربي يعوضني خير يارب ,

[لينا 3]

المشاركة الأصلية كتبت بواسطة ورودمن نور

مساااء الخير للجميع
يابنات مالنا الاالصبر والزم ماعلينا صحتنا وصحة اجنتا ولاحقين على اكتئاب مابعد الولاده
انا امس كنت بحاله مايعلمهاالا لله نفسيتي تعبانه مره من موضوع تافه والله ان اثر علي وعلى صحتي بشكل مو طبيعي جلست اليوم من ساعه 8ونص الصباح على الالام مثل الم الدوره وضغط من تحت خفت اني اولد بس مع الراحه خفيت الحمدالله
محد راح يفيدنا الزم ماعلينا صحتنا ,,,,,,,,,,,,,شعارنا من اليوم يابنات

صحيح كلامك اختي ورود ولاكن الانسان من لحم ودم وين الاحساس ببعض ولاهو كلام بس وانا والله اتهنى للي بارده ماتحس وتاخذ الامور ببرود احسهم هم الي عايشين
والمصيبه تلاقين البارده ماخذه انسان حار وذرب يبيها تحس وهي يانار كوني برد وسلام يعني المعادله دائما خسرانه لاكن الله يرزقنا الحكمه والحلم والصبر واخاف اصير يوم من الايام حكيمه زماني ........

[(سوسو)]

مساء الخير على الجميع
زود الغلا... اليوم جاني الم بظهري ما خفت الصراحه مليت ودي اولد بداية التاسع بالعاده اكل بندول لكن الالم جاني وراح لوحده
لينا... هونيها وتهون يالغاليه الحال من بعضه لكن الشكوى لله
الله يصلحه لك ويهديه

[(سوسو)]

بنت الشهر الثامن سؤال
انتو مثلي تمشون زي البطريق والمفاصل كلها تالم واذا جلستو على الارض يالله تقومون والورك وانتو نايمين على اليمين او اليسار الم فضيع في جوانب الحوض انتو كذا ولا وش السالفه ؟
بنات الي ماتولد الا بعد ماتكمل الشهر التاسع بطلق صناعي هل كل الولادات كلها راح تكون كذا؟ ادوختكم بأسألتي

[معراج]

السلام عليكم ان شاء الله رح اكون فرد من التجمع انا حامل وبكريه في الشهر الثاني وان شاء الله قالولي تؤم بس كيس كبير والثاني حجمه صغيرادعوووولي ان ربي يحفظهم والكيس الثاني يستمر ما يضمر

[معراج]

حابه اسئلكم وان شاء الله تجاوبوني اعطتني الدكتوره 5اباري تثبيت للجنيم بالرغم ان الوضع تمام اخدتهن والحمد لله وامس لما رحتلها اعطتنى اباري تثبيت مره ثانيه 5اباري سالتها ليه قالت ان الوضع تمام مفيش خوف عليهم بس للاحتياط شششششو رايكم انا متردده اخدهن او فيهن مضره

[محجبه]

سوسو

انا كذا امشي مثل البطريق ووكي متفكك واشد شي بليل اصرخ ومااحس لوانقلب من جنب لجنب
والارض مستحيل اجلس لاني جلست مره وزعقت لانه وركي متفكك لايضيق صدرك
ومااتوقع ان اللي تولد بطلق صناعي ان تستمر كذا الوضع بالتوام مختلف ومايقاس

لينا

حبيبتي اغلب الرجال كذا وصدقيني يبغاك زي اول تعطينه وجه يوم شافك مبتلشه بروحك صار يطلع لانه اغلب الرجال مايطيق الحرمه التعبانه ودايم اسمع من امهاتنا مثل يقولون الرجل ماله الا الزين يعني يبغاك دايم مافيك الا العافيه وفيه حريم يحسون بالشعوروهالمواقف اذا صارت بالنفاس يصير ماله نفس للبيت
وسعي صدرك اهم شي عافيتك واللي ببطنك ونفسيتك اهم منه وصدقين انك غاليه عليه بس تعود على خدمتك دايم له ويبغاك زي اول انتي قولي له انه موب شعورك وان الحرمه لازم تصير نفسيتها بالحمل كذا بس بشرط اذاشفتيه مرتاح وسوي روحك انك مخطئه وتاسفي وشوفي شيصير ولاتنتضرين خدمته لك مستحييييييل لان اغلب الرجال فيه كبرياء يس تحملي ومافيه بيت مرتاحه والبيوت مليانه مشاكل بس حاولي اذا جيتي تعصبين انك تفتحين القران وينشرح صدرك
معراج
حياك الله معنا بصف البطاريق نتمنى لك الخير دوما وبشرينا

[ام عدي آل الشيخ]

المشاركة الأصلية كتبت بواسطة لينا 3

الله يمسيك بلخير نور الهدى انا من زمان اشوف اسمي في قائمه الاسماء وانا اضحك لاني باقي في الاسبوع ال21 وانا مطوفه كثير والحين داخله الاسبوع 28 الله يسعد قلبك يانور الهدى اتمنى تعدلي
تاريخي لاني صرت اشوفه يجيني احباط ودي تمشي الايام والاسابيع بسرعه الله يتمم لنا بكل خير والله احس النفسيه مره زفت وخاصه اني مره حساسه واي شي يضايقني والله اني صرت ابكي يوميا
كله واصرخ عى عيالي وزوجي احسه مره تغير وصار يكره البيت ويبعد عني ومايصدق بمشكله
عشان ازعل واتركه باالاسابيع مااكلمه وانا من جوه كاره هل وضع والله اني صرت احس انه كاره حملي حسبي الله ونعم الوكيل نكد عليه وانا في امس الحاجه للمسه حنان وكلمه طيبه ووقفه بجنبي لاني ماخبرت احد بحملي انه توائم الاهو كنت احسبه بيراعيني ويشيل عني همي لاكن فعلا الرجل يوم يحس انك محتاجه له ووحيده يقوم يتخلى ويتركك لوحدك تصارعي الهم والالم والمرض
وانا عندي سكر ويبيلي اهتمام نفسي اكثر من الاهتمام الجسدي والله يبنات اني ما فضفضت الالكم
لان امي كبيره في السن وابويه متوفي واخواتي بعيدات عني وملتهيات بحياتهم ومالي الاالله ثم انتم حتى اني فكرت اروح اولد عند امي في ديرتها واتركه هو وعياله بس هم في المدرسه ومحتاجيني جنبهم بس هو مايستاهل الصبر ولاالتضحيه لانه انسان لايحمل هم المسئوليه وتفكيره جدا سطحي ويقارن بيني وبين حريم زملاه يقول انتي نقاقه ومهمله ونكديه وبس دايما تطلبي والله العظيم يابنات اني صرت فعلا احس بتذبذب في شخصيتي والحال هذا من رمضان حتى الاعياد مرت عليه
بنكد وهم بسبه اهماله لي ولعياله والزم ماعليه خرجاته وسمراته والشارع وانا وعياله اخر شئ يحس انه هم وثقل عليه ... اخواتي الغاليات شورو عليه وش السوات معاه والصبر نفذ وانعكست على نفسيتي وعلى حملي لاكن مااقول غير الله يصبرني ويعوضني خير يارب العالمين واسفه على الاطاله بس والله اني كنت متضايقه حيل وحبيت افضفض لكم اخواتي الغاليات واتمنى تدعون لي بصلاح النيه والذريه وان يصلح حاله لنا يارب .

هلا حبيبتي ..اسأل الله القدير رب العرش العظيم انه يحنن قلب زوجك عليكي وعلى عياله وما يشوف الا انتم وتصيرون شغله الشاغل آميييييييييييين يارب العالمين
وانتي يالغالية اصبري واحتسبي الاجر عند رب العالمين ..واستغفري كثير وادعي ربك على طول وان شاء الله لن يردك رب العباد خائبة ..لكي الود والتقدير.

[(سوسو)]

معراج
الله يحفظلك اجنتك
ابر التثبيت عادي تاخذينها لاكن عددها ما ادري عنه

[(سوسو)]

محجبه الله يعطيك العافيه ويخفف عنك الم الورك
تصدقين انها زادت علي من الاسبوع هذا بشكل مستمر والارض توبه ماعد اجلس عليها