مشكلتي صعبه

[Um sara1]

نجاة من اسمك حسيت انك انسانه حنونه وحساسه كثير

الله يشفي زوجك والسكر يسبب العصبية لا اراديا فتقبلي الوضع

اما من ناحية اهله عادة الرجل تجيه فترات لما يمرض او يمر بظروف يحس انه مقصر مع اهله ويحاول يعوضهم

دورك مايبدأ الان بيجي وقت ويرجع لك زي الطفل انتي لاتتعاملي معاه بنوع من الحرص الزايد خليه براحته هالفتره وتعدي

اذا كنتي تحبينه تحملي عصبيته وامزحي وشاكسيه ولا تاخذي اي كلمه يقولها بحساسية

ابويا لما جاه السكر كان توه باول الثلاثين وظل مع الناس شخصية محبوبه يمزح وبنفس الطيبة المعهودة

بس لما يرجع البيت يعصب ويفرغ زعله بامي فديتها سنه سنتين تاقلمت بس طيبته وحرصه وحنيته تظهر بالمواقف الله لايحرمنا منه

وخلاص اذا شفناه عصب كثير نعرف انه السكر وكلنا نتحاشى النقاش او نخفف وتيرة الموضوع

[fofa21]

اذا انتي تحبينه لاتحسسيه انك متضايقه
يمكن اول ماعرفتي وتفاجأتي حس انه ناقص عندك
قوليله انا احبك زي ما انت وبضل واقفه معك بالفرح والحزن و الله لايجيب الاحزان
والسكري والضغط مرضين خطيرين على الانسان اذا عاش عيشه نكديه ومشاكل
كل مايدخل البيت احضنيه وابتسميله عيشيه جو الحب حسسيه بالاحتواء
سويله اكلات تناسب مرضه
والضغط والسكر فيه امل يروحون لمن الشخص يتخلي عن العصبيه
اضغطي ع نفسك شوي عشان يرجعلك زوجك
يمكن زعلان وحاسس نفسه ضعيف عندك بس هو مب كذا
وهذا انتي قلتي طيب حاولي ماتخسرين حبه
وين تلاقين واحد طيب بالزمن هذا؟؟؟
انتي بمرحله اختبار من زواجكم هل بتقررين بالفشل ام النجاح؟؟؟
وعلي فكره زوجي قرب من السكري ولاني اخاف عليه احاول قد ما اقدر يخفف عصبيه وماشاءالله في تحسن انا سويت مثل ماكتبتلك

[Um Rosan]

شكرا لردودكم والله ارتاح قلبي من قريتها لان ما احب اتكلم بمشاكلي امام اهلي تسلمون والله يشافي جميع مرضاكم ودعولي الله يهدي زوجي ويشفيه امين يارب