اهلا باهل الجود والكرم **اهلا بسيدات ليبيا**

[خوله 2014]

المشاركة الأصلية كتبت بواسطة أم أجنادين 80

خولة انتي في ليبيا ولا مسافرة

ان شاء الله ربي يسهل ولادتك واديري لمتك علي خير

الله يبارك فيك اختي ام اجنادين وان شاءالله من فمك لباب السماء يا اختي واني مسافرة

[خوله 2014]

المشاركة الأصلية كتبت بواسطة أم أجنادين 80

الحمد لله زوجي كويس واهلي حتي هما

قرايتي ماشية كويس كانت فترة الضغط المده الفاتت ليمن نقول شن درت في نفسي

عالمعموم حصلت قبول من جامعتين لشهر 5 الاكاديمي

ومزالت فترة اللغة مزال

والله محتارة نكمل اللغة او نبدا في الاكاديمي

نبي استشارة منكم

شن تنصحوني

اكيد بالنسبة ليا اللغة اسهل بهلبة من الاكاديمي

لان الاكاديمي هوا المصيري نجاح او رسوب في المواد وضغط تقارير ونصفيات وغيره

وانا لما نقرا معادش نهتم باي شي ثاني

فكرت اني نكمل مدة اللغة ونستغلها في العلاج زي ماانتم عارفين علاش

حتي لو صار تعب تكون في اللغة مش هديكا المشكلة حتي لو غبت من الدراسة بالعكس من المحاضرات

شن تنصحوني نكمل اللغة ونبدا العلاج ونستغل الوقت

او نبدا اكاديمي للعلم اني هكي عندي فرصة نكمل بكري لو بديت في 5

والله يا اختي لو تسمعي نصيحتي بناء علي تجربتنا من الافضل انك تكملي مدة اللغة شهر شهر اولا باش اتكون عندك بيسك جدا ممتاز من ناحية الغه وايضا هدا ياتر علي الاكاديمي وتانيا بناد علي كلامك علاج وما علاج وان شاءالله لا باس من الافضل تستغليه توا لان اللغة تعتبر فتره نقاهة مقارنه بالاكاديمي ومهما انضغطي توا مش زي وردي بالك تفكري انكمل بكري والاتالي انتي حاولي انك تستغلي المنحة اي المدة كامله بدون ما تفرطي في ولا شهر ولكن في حاله انك في اللغة ممتازه ممكن بس الافضل دائما اتكملي الغه لانها هده هيا الفتره الي بتبدي بيها تتعودي علي روتينهم الدراسي وبالشوي بالشوي درجة درجة لين اتمي وان شاااااءالله ربي يوفقكك

[خوله 2014]

المشاركة الأصلية كتبت بواسطة هدية الخالق

السلام عليكم ورحمة الله وبركاته
إنا لله وإنا إليه راجعون
أول امس وصلني خبر وفاة أخي اشبيب في عز عمره مواليد تسعين متوفي ليه سنة ونص بحادث سيارة بعيد عنكم واني ماعنديش علم إلا تو وربي عالم بحالتي بالله ادعوا معاي ربي يرحم اخي ويغفرله ويصبرني عليه ويجمعنا في الجنة

الله يا هدية اوخيك سنه ونص متوفي وما تعلميش عظم الله اجرك ونسال الله له المغفرة والرحمة يا رب والله اترتي فيا ربي يصبرك

[sosolibya]

صباح الخير,, كيف ححالكم عزيزاتي ,,,شن
أخباركم..

أنا توا ندير في بسبوسة القالقسي بطريقة اوشي وأم وسونة

ويللي مستغرباته أنه بدون دقيق

[sosolibya]

حبيبتي الغالية هدهد..

وعزيزتي وقلبي أنت..


الحق الموضوع صدمني ,,جدا يللي حكيتيه كأنه كذب ,, مش قصدي بس بصدق مايتصدقش ..

أه حبيبتي هدهد بالله عليك أصبري وربي يعينك,,

والله صدمة صعبة ومانبيش نزيد عليك.. بس على ألأقل تعال إشكينا وفضفضي ,,

المهم عزيزتي ربي يصبرك يااااااااااارب ويهون عليك حبيبتي ,,

بس بجد مهما كان السبب معقولة قدروا يدسو طول هذا الوقت ..

ربي يعنك ويكون زوجك أحسن رفيق ليك بصراحة البكاء في حضن زوجك غيييييييييييير ويريحك ويخفف عليك مسحت دموعك بيده بالدنيا ومافيها ..




وخوك أفرحيله بإذن الله مكانه الجنة وحور العين وجنات النعيم بإذن الله ,, وبدل كل دمعة إدعيله دعوة حلوة ,,

وربي يصبرك عزيزتي ياااااااااااارب ,,

كلنا لها حبيبتي ماتزعليش روحك عارفة أنه صعب ,,

بس هذا قضاء الله وقدره ,,
والله غالب ..

ربي يرحم أخوك ويجعل مثواه الجنة ويصبرك ويسعدكم حبيبتي

وبجد أبدي فكري في موضوع الحمل بطريقة جدية وخلي ينسيك الحمل والبوبو شوية,,

ربي يسعدك ويهنيكم يارب,,


وياريت تحكيلي وتشكيلي وحتلقي أخت حبيبة وتسمع فيك وكلي أذان صاغية ,,

وتفضلي فضفضيلينا في أي وقت ..

[اوشي]

السلام عليكم ورحمة الله وبركاته

[اوشي]

هدهد اختي الحبيبة...

عظم الله اجرك والبركة براس امك وبوك وراسك ياحبيبة ...

صعيبة والله عليك ربي يكون في عونك .. وربي يغفر لخيك ويسامحه ويسكنه

فسيح جناته ... يالله ذكرتيني كيف يكون قلب الاخت حزين علي خيها لما خوي

الكبير مواليد 78 اشتبهو فيه مرض دموعي ماوقفن ابدا وتلقيني راسي عالسجادة

نبكي وندعيله من اعماقي حتى الليل مانرقده لين الحمد الله طلع كله كذب المرض



كتبتلك ياحبيبة عشان بس نوريك اني فعلا حسيت بيك وبشدة ... ربي يصبرك

ويصبر امك وبوك ويلهمكم ربي السلوان

[اوشي]

[اوشي]

[اوشي]