اهلا باهل الجود والكرم **اهلا بسيدات ليبيا**

[اوشي]

هيا نتلاقو بعدين ..

سلااااااااااام توة ..

تصبحن علي الف خير

[جوهرة ليبيا]

السلام عليكم ورحمه الله وبركاته

يااااااارب اتكونوا بخير

فروسه وهدهد واثري وفيفي واوشي وسوسو وشموسه وام نوزه وام معاذ وخوله وام وسونه وجنوده

هدهد ان شاء الله جهازك اتصلح

اوشي ماشاء الله عالسفر الحلوه وسلم ايدياتك

اني تعبانه شوي من عيوني امس التهيت ومادرتش رقيه صبحوا حااااله مش قادره نفتحهم اعذروني نكتب وعيوني شبه مغمضه

ربي يشفيني ويشفي مرضي المسلمين وانعاين وايقولولي تمام ومجرد ارهاق بسيط والحمد لله علي كل حال


سلام للجميع استاحشتكم هللللللللللبه


وتصبحوا علي الف خير

[اوشي]

صباح .. قصدي قايلة الخير


اول مرة نفتح التجمع صباحا هههههههههههه

[اوشي]

سوسو ..

ماشاء الله قال جاتوه ايهبل سلم يدياتك

[اوشي]

جيجي ..

الف لاباس عليك طهور ان شاء الله وربي يشفيك ويشفيني ويشفي جميع مرضى المسلمين

راك تستهوني بالعين والحسد ..

واخطر شي انك تكون مصاب بحسد وما تتبع رقية مناسبة

وكيف ماقال الرسول ..

اكثر من يموت من امتي بالعين ولو اكان اكثر شي اسرع من القدر لكان العين

والعين اتحط الجمال في القدور والرجال في القبور

اللهم احفظنا جميعا واهلنا واولادنا

[اوشي]

توة سلااااااام

ماشية زرررررررررررررردة

[dr.loly]

السلام عليكم ورحمة الله وبركاته


جيجي الف لاباس ع عويناااتك..ديري بالك ع روحك
وانا مع كلام اوشتي ..


اوشتي صحة الكيكة ماتوقعتش تشيز كيك لان ماشفتش طبقة تشيز
نحسابه طريقه اخري او اختراااع من ابداعتك

وماشاء الله ع السفرررره ..والزرادي والجو السمح


...

سوسو صحة الجاتووه بس مافهمتش كاتبه ف موضوع طنجره ماطنجره...؟

[dr.loly]

هدوووو وينك
شكله مازال لاب توبك ماصلح..؟
امتي عيد ميلاد الاموررره؟؟ قرب صح...



....

[dr.loly]

وينكن يابنات كنه التجمع يعمه الكساااااد؟

[هدية الخالق]

السلام عليكم ورحمة الله وبركاته كيف حالكم كلكم ان شاء الله تمام
جيجي ان شاء الله لاباس عليك ياروحي قاعدات عويناتك ان شاء الله بالشفي ننصحك كان متأكدة انه المراة اللي لاقيتيها عند الناس اللي مشيتيلهم هيا اللي عطتهلك عوينة استغفر الله إنك تحاولي تاخدي اثر وضوئها بطريقة غير مباشرة من حد قريب ليها وحتي كان اضطريتي بطريقة مباشرة عادي والله مايهمك ولا تتحشمي اهم حاجة عويناتك وكانهي زي ماقلتي مشهورة انها معينة مسكينة مفروض تتفهم الموضوع هيا او حد من اقاربها
خطر عليا موقف جيران اختي عندهم وليد صغير شعره ماشاء الله تبارك الله يحسدوا فيه عليه النساء المهم عندهم جار شيباني مشهور بالعين مسكين ديما يهربوا منا جيرانه امشي بالصدفة تلاقي هو والولد الصغير وبوه مروحين من الصلاة في الجامع امشي سلم عليهم وحط ايده علي راس الوليد وقاله وين ماشي بهالشعر حتي مراة ماحصلاته قالك سبحان الله الولد هذيك الليلة مارقدش مسكين يعيط ويحك في راسه والشعر يطيح خصلات علي طولهم واخت الوليد تقرأ مع بنت الراجل المعين في الجامعة مشتلها في الجامعة ونادتها بروحها علي جنب وقالتلها قولي لبوك يعطينا أثر وضوئه البنت رقالها قالتلها باهي بدون نفس ومشت وسيبتها هههههه قالت خلها تحمق شن بينفعنا رضاها اهم حاجة اوخيي يولوله شعيراته واصلا الراجل مشهور كل ماحد في شارعهم ينصاب بالعين والنفس طول يمشوا يطلبوا منا اثر وضوئه
ربي يحفظنا وخلاص
سوسو صحة التورته تسلم ايديك وحلوة فكرة الطنجرة عليك دماغ كلا انتي .باهي الطنجرة ماصارلها شي من الكوشة لانه الطواجين عادة يكونوا مخصصات لحرارة الكوشة لكن الطناجر مجازفة باهي نجحت معاك صحة علي ايدك المراة الفالحة ماتحيرش يقولك المثل ماتموتش في الشيشة والرشادة في ايدك
وعلي فكرة سامحيني لقيتك باعتيلي عالفيس تبيني نخبر البنات انه جهازك فاسد وفروسه تاخدلك اذن والله العظيم ماشفتها غير امس بس فتحت عالفيس من تيليفوني وضحكت في خاطري قلت مالقيتها لروحي حتي اني جهازي فاسد
اوشي صحتين التشيز كيك والصفر الحلوة ماشاء الله عليك وحتي اني زي فروسة مانحساباش تشيز كيك لانه ماشفتش طبقة تشيز عموما نستنوا في الطريقة
فروسة كيف الحال وكيف حال لولي شن مدايرة معاك في السهر هيا وخوها ان شاء الله تعدل نومهم وسألتيني علي عيد ميلاد سما ان شاء الله في هاليومين يوم 22 لكن مش مدايريلها ما نحتفلوش باعياد الميلاد حتي عندنا جارنا مصري بهدلنا ليه شهر يسأل امتا عيد ميلادها يبي يجيبلها هدية راجلي. قاله مانحتفلوش بيه امشي جابلها الاسبوع اللي فات هدية لعبة علي شكل ساعة وتغني وتقول في الحروف الانجليزية وكرت بقيمة 25دولار من محل اطفال
وبالنسبة لجهازي مازال ماجبناشي من المحل علي اساس يجهز الويكند هذا لكن زوجي قال ماانظنيش نقدر نمشي نجيبه لانه مش فاضي الويكند هذا جاي راجل من الخمس بيستقبله من المطار وبيدورله حوش وبيوريه الجامعة وبيمشي هو واياه للسوق بياخدله قضية وبضاعة للحوش قلتله هلبة نقعد بلا الجهاز للاسبوع الجاي قالي نحاول نمشيله كان حصلت فكة وتوا خاشة بالتيليفون دوخلي راسي الكتابة تلصق في بعضها نمسح ونعاود قداش مرة وراجلي علقلي الاكس بوكس عالنت ونتفرج علي اي حاجة نبيها من اليوتيوب نفوت في الكساد عليه بين ما صلح الجهاز وخلاص
فيفي واثري وخولة وشموسة وجنودة وامولة وام نوزةكيف حالكم ليكم وحشة