هنا تجمع حوامل الشهر (السابع والثامن والتاسع)

[الحزينه 2]

اااااااااااامين اقصوصه الله يتقبل منك

انا فيه 2 دكتووره حرمه تقول ولادتك لازم قيصيري ولازم بس تاخذي من التاسع كم يوم عشان مايجيك الطلق ولايمر على الجنين ويصير مضاعفات

وفيه دكتور رجال قال نفس كلامهم قال تاخر الحمل 7 سنوات كافي بحد ذاته انه نولدك قيصيري عشان مايصير مضاعفات عند الولاده


فيه دكتوره رابعه تقول تعالي عندي وخليك معاي وواولدك طبيعي ماعليك من كلام بقيه الدكاتره..

والله يختار لي الله فيه الخير والصلاح لي وللي في رحمي


التفكير ذبحني في هالموضوع ولكن متوكله على واحد احد..


دعواتكم لي باللي خير فيه لي وللي في رحمي.

[اقصوصه]

انا نفسي ولدي الصغير عمره حاليا خمس سنوات

يعني بين ولادتي الاخيره وبين هالولاده خمس سنوات وكم يوم

وعادي بولد طبيعي شو المشكله يعني؟

انا انصحج بالولاده الطبيعيه

روحي عند اتلدكتور اليل قالج اولدي طبيعي

ولو في مجال بعد تسالين دكتور رابع وخامس يكون احسن

كل ما استشرتي اكثر كل ما كان عندج إلمام بحالتج اكثر

وكل ما قدرتي تفهمين شو المناسب لج اكثر

والله يوفقج يا رب ويتمملج ع خير

وتولدين بالسلامه

[أم ياسمين]

يحليلكم بنات ويحليل سوالفكم:
حزينه لا تتسرعين ترى اغلب الدكاتره هالايام بفكون نفسهم يمشون و يشقون دوريلج دكتوره تنطر عليج لي الاخير بعدين اذا اهي شافت ان مافي امل بالطبيعي تولدج قيصري مو على طول او ل ما قالولج قيصري.

[أم ياسمين]

(بوح المشاعر: اهم شي ان ذو الحجه يصادف مدرييييي خخخخخخخخخخخخخ)
الحج شهر 11 نوفمبر - و هلا فبراير شهر 2

[أم ياسمين]

كدوشه:تقفين حطي صورة بنتج و انتي صابغه شعرها وردي

[بوح المشاعر]

هلا بجميع الكروشااااااااات

وربي يهووون على الجميع


الحزينه أهم شي الاستخااااره بس من تدخلي التاسع استخيري الله
واكثري من قراءة القران والاستغفااااار

ان شاء الله ربي يكون معك ويسهل عليك وعلينا جميعا

[سموة الشوق]

1ذي الحجة يصادف 7نوفمبر

الله يولدكن بالسلامةحبيباتي

[علولة عمر]

انا توووي داخله الثامن بنات تكفون وش تنصحووووني بهالفتره ..

[اقصوصه]

علولة عمر : عن نفسي انصحج ما تعصبين ابدا لان انا حاليا خلصت نص الثامن واليوم عصبت لان وقع خلاف بيني وبين زوجي وكانت النتيجه اني تنومت في الطواري 3 ساعات وبعد ما سوولي فحص لنبض الجنين قالولي ان عندي اعراض ولاده مبكره وتقلصات كل خمس دقايق:( وحولوني لمستشفى متخصص بحالات الولاده المبكره ببس انا ما رحت على امل اراقب وضعي بالساعات القادمه وان شا الله يتحسن ولو ما تحسن اكيد برجع اروح، مع ان قلبي يعورني ع الببيبي حرام ينولد قبل موعده بشهر ونص بس يلا الله يكتب اللي فيه الخير
انصحك بعد انك تداومين الحبوب اللي يعطوك ااياها المستشفى وما تتركينها ابدا لانها تنفع كثير خاصه بالشهور الاخيره، بالاضافه للامتناع عن الوقوف لساعات طويله، وحاولي وانتي جالسه دايما تخلي رجليكي مفروده عشان الدوره الدمويه تتحرك عدل وحتى تتجنبي ورم القدمين المرافق للشهور الاخيره، وتولدين بالسلامه يا رب عزيزتي :)

[كدوشه]

مرحبا يا رشيقات << عشم ابليس في الجنه خخخخخخ

الله يسهل علينا كلنا يارب وتقوموا بالسلامه ونجي هنا ندور اشياء تنحف بعد مانولد

اقصوصه سلامتك ياقمر وانتبهي على نفسك

ام ياسمين لا عاد مابصبغ شعرها صدقتي بس يمكن البسها باروكه خخخخخخ