تجمع سيدات ليبيا الغاليات..

[أثري في مدادي]

المشاركة الأصلية كتبت بواسطة هدية الخالق

كنا نقولوا للضيف أهلا بيك في أي وقت ...
بدينا نقولوا اتصل قبل ما تجي !!!

إممممممممممممممممم
الحقيقة أنا في هذه
أفضل أن يتصل قبل أن يأتي
لكي أسعد بزيارته
ولا يكون سببا في إرباكي وحوستي بالرغم من مدى عمق علاقتي به

كنا نقولوا تأنسونا والصغير قبل الكبير ...
بدينا نقولوا جنة الأطفال منازلهم !!!
كنا نقولوا الجار قبل الدار ...
بدينا نقولوا صباح الخير يا جاري إنت في دارك واني في داري !!!
كنا نقولوا الأقارب عزوة ...
بدينا نقولوا الأقارب عقارب !!!
كنا نقولوا مسلم وكافر ...
بدينا نقولوا سلفي واخواني وليبرالي وعلماني !!!

إمممممممممممممممممممممممممممممم
في هذه أيضا لي رأي آخر
فتقسيم الأمة إلى " سلفي وإخواني وصوفي وشيعي ،،،،،" أمر قد تنبأ به الرسول صلى الله عليه وسلم حين ذكر افتراق اليهود والنصارى إلى فرق عديدة
فقال "... وستفترق أمتي ___ يعني المسلمين ___ إلى ثلاث وسبعين فرقة ؛ كلها في النار إلا واحدة !! قالوا : ومن هي يا رسول الله ، قال : ما أنا عليه وأصحابي "
فلفظ " سلفي " ما ظهر إلا حينما تفتقت هذه الفرق المتنبأ بهم
ومعنى السلفية هي ماكان عليه السلف الصالح ~~~
ومن هم السلف الصالح هم ما كان عليه الرسول صلى الله عليه وسلم والصحابة والتابعين
أي أنهم ليسوا بمتحزبين لشخص ولا لحزب ولا مبدأ
وإنما
الكتاب
والسنة
بفهم السلف الصالح
فانتشار هذه الألفاظ هو أمر متوقع ولكن ،،،، الأهم التمسك بالصحيح ونبذ الضعيف
التمسك بالسنن وترك البدع
والكلام لايزال لدي يطول ،،،
ولكنني سأكتفي بهذا

كنا نجتمعوا يوميا ونسألوا عالغايب ...
بدينا نجتمعوا للتهنئة وأحيانا للتعزية فقط !!!
كنا نبدع ونفكر ونكتب ...
بدينا مانرسلوا إلا للي يرسل !!!
مش الدنيا اللي تغيرت ......قلوب الناس هيا اللي تغيرت !!!!

المشاركة الأصلية كتبت بواسطة اوشي

الســــــــــلاااااام عليــــــكم ورحمــــــــــة اللـــــــــه وبـركاتــه

وعليكم السلام ورحمة الله وبركاته
أهلا بغزالة جبلنا الشرقـــــــــــــــــــــي

[أثري في مدادي]

فرج الله الكرررررررررررررررررررررررررررررررررررررررررررب
حفظك الله ياسوسو
أينما كنت
أنت وعائلتك
وكل
ليبيا
ياااااااااااااااااااااااااااااااااااااااارب

[اوشي]

كيف حالكم خياتي ..

والله اشتقت لكن واااااجد وربي العالم بمعزتكن في قلبي

وكل الشكر لكل من سأل عني

[اوشي]

[color="rgb(153, 50, 204)"]ومبــــــــــــاركـــــــ الحــــــوش الجديد

عتبة خير علي ليبيا وعلينا ان شاء الله[/color]

[اوشي]

[color="rgb(153, 50, 204)"]هلا اثــــورة ..

كيف حالك والاولاد وبوهم وامك الطيبة ربي يطول في عمرها ويعطيها صحتها[/color]

[اوشي]

انا الايام اللي فاتن مش قلت الكم روى مريضة وحتى وانا

بعدها في الليل يبدا عصومي وعليوة حرااااااااااااارة مابتش تنزل

عليوة 40 وعصومي 39

وانا حالة بينهم وبين روى وانا بروحي مريضة

شلناهم لدكتورة اوكرانية شاطرة عطتهم دواء وقالت عندهم احتقان

بس الحرارة مانزلتش وهمدت وافتكيت منها الا يمكن 3 يوم الحمد لله

وانا بريت وبعدها انتكست وجتني المرضة اشد

ومازلت نقاوم

[هدية الخالق]

المشاركة الأصلية كتبت بواسطة اوشي

انا الايام اللي فاتن مش قلت الكم روى مريضة وحتى وانا

بعدها في الليل يبدا عصومي وعليوة حرااااااااااااارة مابتش تنزل

عليوة 40 وعصومي 39

وانا حالة بينهم وبين روى وانا بروحي مريضة

شلناهم لدكتورة اوكرانية شاطرة عطتهم دواء وقالت عندهم احتقان

بس الحرارة مانزلتش وهمدت وافتكيت منها الا يمكن 3 يوم الحمد لله

وانا بريت وبعدها انتكست وجتني المرضة اشد

ومازلت نقاوم

اهلين أوشي سلامات إن شاء الله لاباس عليك وعالصغار مابعدك والله إلا صعبه جربت حتي أني مرضت أني وسما جميع معاش تعرفي تعانيها ولا تعاني روحك
والحمد لله انهم تحسنوا وعقبالك إنتي إن شاء الله ربي يمن عليك بالشفاء العاجل

[أثري في مدادي]

لابأس طهوووووووووووووووووووور
عليك
وعلى الأولاد
وكيف حالهم توااااااااااااااااا
وأنت أخذت مضاد ولا لا ؟؟؟

[أثري في مدادي]

عويلة نستأذن
لأن
عيوووووووووووووووووووووووووووووني
بيتغمضوا

السلام عليكم

[جوهرة ليبيا]

ام وسونه ياغاليه ليش فهمتيني انك تتشفعي من بنوتك والله ماهذا قصدي

نقصد ان العيل العياط والواعر وووووو مش لازم ندوا

عليه لان الناس حتقعد في سيرته بنت فلانه وولد فلانه وفي النهايه مايتعب ويصبر وووو غير الام وقلتلك عن تجربه

توا بنتي هادي نومها بالهون ووووووو لكن اللي يسال انقول الحمد لله وللي ماتكتفيش بالاجابه انكرر الحمد لله

نتمني فهمتيني

والاكاونت هو في الاصل امتاع راجلي ومايستعملش فيه وتوا خديته ولازم نساله عالاضافه قبل وغدوه ان شاء الله انرد عليك