تجمع امهات التوام حياكم

[زود الغلا]

سارة ....النومة ماتنتظم بسرعه انا لي الحين نومتهم متخربطة .
وبالنسبة لطلعة بناتي مراح اطلعهن لين يعرسن :) مافي دوجة وفرارة نوووووووووووووو نهي نهي .

محجبة ....انا مراح ادخلهم الاكل الا في بداية الخامس ومن الحين ببدي بس اذوقهم .

[سآره]

طيب بنات والترجيع من الخشم مالكم خبره فيه

زود يعني كلش ماراح تطلعينهم حتى لو وحده منهم انا ودي اطلع احس طفشت بس اكيد بطلع واحد واحد مو اثنينهم الا اذا رحت لاهلي او اهل زوجي

[زود الغلا]

المشاركة الأصلية كتبت بواسطة سآره

طيب بنات والترجيع من الخشم مالكم خبره فيه

زود يعني كلش ماراح تطلعينهم حتى لو وحده منهم انا ودي اطلع احس طفشت بس اكيد بطلع واحد واحد مو اثنينهم الا اذا رحت لاهلي او اهل زوجي

انا بناتي يرجعون ويطلع من خشمهم ومالي حل لهالحالة وخصوصا اذا شربوا حليب وعقبها على طول بدلت حفاظاتهم وانا قاعدة ابدل فجاة ما ادري الا وبنتي قاصة بالترجيع وطالع من خشمها ...وغير حلمات عيالك خليها قياس سمول لين ما يكبرون شوي .
والطلعه مراح اطلعهم الا اذا بزور اهلي وبطول اخذهم معاي بس لي الحين ماسيرت على اهلي لان امي الى الان عندي وابوي واخواني وخواتي اهم اللي يزورونا :).

[شازل]

السلام عليكم ورحمة الله وبركاته ... وبعد :
مرررررررررررررررررحبا إنقطعت عنكم بسبب إنقطاع النت عنا يمشي شوي ويقطع ... ممكن بسبب الرياح الشديدة .... والله يعد كل من فقدني ومن لم يذكرني ويبعد الهم عنه ....
المهم قبل اسبوعين أخذت عيالي للتطعيم للشهر الرابع والحمد لله صحتهم زينه ووزنهم أصبح 5وشوي ...
هالحين كبروا ويبوني دائم معهم ... أجلس وأسولف وألعب معهم ... والحمد لله عيالي الكبار مايقصرون ...
بدوا يطلعون أصوات ويصارخون ويبون أجلسهم وأحط وراهم شيء علشان يبدون يتعودون على الجلوس شوي شوي ...
نومهم الحمد لله ينامون 9ونصف أو عشر ويقومون الساعة عشر الصبح ... باليل يقومون شوي وأعطيهم اللهاية فيرجعون ينامون أو يقومون للرضعه فيخذونها وينامون ....
هالحين صار عمرهم 5 شهور وبإذن الله أبدأ أوكلهم شوي شوي بعد نصف شهر ... أبدأ بالرز ثم الخضار كالكوسا والبطاطا والجزر والقرع ما أحب أعطيهم سريلاك وهمومه ... هكذا كان جدولي مع جميع أبنائي ما بديتهم إلا بعد 5ونصف والحمد لله صحتهم ممتازة ...
ما أخباركم وأخبار توأمكم ؟؟؟وكم أعمارهم وماهي أوزانهم ؟؟؟ وكيف نظامكم معهم ؟؟؟ ومتى تبدأون الأكل وماذا تؤكلونهم ؟؟؟

الذوق لن أقول غير تمسكي بباب الله ولن تضيعي أبدا وكلي ربك جميع أمرك ...
الحمد لله لنا رب يساعد ويخفف عنا الكثير ...

[شازل]

نسيت أقول أنا مانب راعيت زيارات بس أطلع عيالي بالسيارة نتمشي برا وبعض المرات نتغدى على ساحل البحر ...
و إعذرون على الاستعجال والكلام المو مترابط بس أخاف ينقطع النت ...

[شازل]

أما نظامي مع أولادي اللي يدرسون ، هو واحد في أول إبتدائي ، أنومه بعد صلاة العشاء وإذا تأخر حتى الساعة 10 بس والفجر أقومه للصلاة ثم يلبس للمدرسة ويفطر ويوديه أبوه للمدرسة وإذا جاء 12ونصف يتغدى ويصلي ويحل واجباته ويحفظ شوية قران .. بعدين ساعة يشوف التلفاز بعده يقوم يلعب بالحوش هو وإخوانه الصغار الساعة ستة يجي أبوه ثم نتعشى ثم يروحون يصلون المغرب ويجون ويلعب كومبيوتر ثم يصلون العشاء وينامون ... وحملت وزملت وركبت حميرة وشنقلت ...
وهذا أيضا نظام الأولاد اللي ما يروحون للمدرسة بس يقومون 9ونصف أو 10 صباحا ثم يلعبون مع بعض ويشوفون طيور الجنة ويلعبوون مع التوام ...

[محجبه]

السلام
ساره الشرقات عااااادي صار عندي مناعه منهم وتعودت مع الايام بس وحده خفت له كم يوم عن الشرقات والثانيه للحين وزياده ماغير تتعصر وتئن مدري شفيها ومازادت الا قليل
الحمدلله غلقو ثلاث شهور وايام وطعمتهم تطعيمه شهرين وحده تعبت والثانيه ماجاها شي بحمدلله
وزن وحده اقل من اربع كيلو بشوي والثانيه اقل من ثلاث كيلو ويقول دكتور انها اقل درجات النمو بطيئه
والحمدلله نومهم مستقر الا انه بعض الاحيان تسهر علي وحده موكلهم يصير فيها مغص
اروشهم تقريبا يوميا واذا قامو الساعه 11ارضعهم وابدل لهم وبعده مويه تمر
والمغرب ينسون او شاي من الصيدليه البابونج
حفاضاتهم تركت بامبرز لانه يسرب بعد نص ساعه رحت لبيبي جوي مريح بمعنى الكلمه بس لازم ادهنم بزيت زيتون مانع للحرق
والحين بجرب بيبي فاين يمدحونه مدري اجزم ولا لا الحمدلله ان ربي حسن خلقهم هذي اكبر نعمه
وصح انهم متعبين بس والله اني لاتذكرت ان ربي معطيني هالهديه انبسطت وشكرته على النعمه اللي يتمناه كثير
شازل تورتي شلونك طيبه بسال ليش ماتبين السيريلاك ماتتوقعين يشبعهم لوملعقه صغنونه باليوم
يعني موب وجبه اش رايك لاني عندي وحده بسم ربي عليه احسها تجوع وكبرت والثانيه بصبر عليه لبعد شهر وبعد ازيدكم من الشعر بيت افكر بمويه رز مصري من شان انفخهم طبيعي موب صناعي

[زود الغلا]

السلاااااااااااااام عليكم
اخر اخبار بناتي حياتي
لحد الان ماتنظم نومهم ياااااااااااااااااارب تنظم نومتهم تعبت كل شي جربته ماكو فايدة يمشون على كيفهم الله يهديهم .
الاسبوع الجاي تطعيمهم ثلاث شهور ولي لحين ما دخلتلهم اي نوع من الاكل حليب فقط وودي اعطيهم تمر ..بسالكم شلون طريقتكم بالتمر كم تمرة تحطون ؟؟؟
وديت بناتي عشان بحطلهم حلق باذونهم ومارضى الدكتور يقولي اذونهم صغار يقولي انتظري عليهم شوي وهاذاني انتظر .

[زود الغلا]

شازل ........ماشالله تبارك الرحمن لاحول ولا قوة الا بالله ...شلون علمتي ولدك على الصلاة ويسمع كلمك ويقوم يصلي وما يعاندك ...انا نفسسسسسسسسسسي والله انه يصلي ولدي في عمر ولدك بس مستحيل واله اني بعد كل صلاة ادعي ربي اجعلني مقيم الصلاة ومن ذريتي ربنا وتقبل دعاء والله يهديه ...والله يخليلك عيالك ويصلحهم ويعافيهم ويفرحك فيهم اللهم امييييييييييييييييييييييين .

[نواعم النعومه]

هلا والله عسولاتي
اخباركم
والله خلودي ها الايام تعبان ما ادري وش فيه شكل فيه فزة عين حسبي الله ونعم الوكيل لانه بسم الله عليه دايم مبتسم طالع علي :)
ضايق صدري والله وديناه للمطوع يقرا عليه اليوم من يوم بدا معه وهو يصيح ثم جلسنا شوي صاحت غلاتي ......... صدق الناس ما تعطي خير

بنسبه للمغص شغاله اختي قالت لي عن دهان اندنوسي يباع في بقالاتهم زي الفكس بس سايل وخاص للاطفال تقول من يوم نولد في ديرتهم وهم المستشفى يصرفونه لهم عشان مغص الاطفال خلف الله علينا
وماشاء الله حلووووووووووو بالمرة ومريح لهم بس تدهنين منطقه السر واللي حولها بس من فوق لتحت مو العكس
واذا يستفرغ كثير منطقه العمود الفقري نفس الحركه من فوق لتحت
حبيت اعلمكم يا غاليات لان بيننا عيش وملح
ولاتنسوني وعيالي من دعواتكم وان الله يشافي خالد وغلا