تجمع امهات التوام حياكم

[أم ياسمين]

قوه بنات او امهات اشلونكم:
ولدي كان وايد يرجع ووايد فيه غازات وكله متضايق من بطنه مسكين ينام و يقعد على صراخ لمن بديت اعطيه ماي غريب مثل ما قالو الخوات عجيب يريحه و شوي شوي بدا يرتاح و راحة غازاته مره من المرات وقفت الماي غريب يومين رد اعتفس و قام يرجع نافوره والحين ما اقطعه كلش لازم اعطيه بليل ماي غريب ووراه اشوية ماي لان الماي غريب وايد حالي.
بالنسبه للاكل اللي تحاتي وتخاف تدخل شي تجيك على خروج البيبي لاحظي الخروج على طول اهو اللي يوظح اذا الياهل تعبان من معدته والا في شي مرتاح والامتضايق اول ما تحسين ان الخروج بدا يصير ايبس على طول وقفي اللي تعطينه.
بالنسبه للامساك ماي دافي و قند وايد يريح البيبي و التمر بعد يطلع الي بالبطن و طبعا مع ماي الغريب.
الرضاعه طبعا الافضل الطبيعي لكن الصراحه تعب و انا من الناس اللي ما استحمل وايد ياثر على نفسيتي والدكتور صراحه قالي في الحالات الطبيعيه ننصح بالطبيعي لكن بالتوم ما انصحج لان وايد راح تتعبين و الصراحه نشفت حليبي و خليتني على الصناعبي و لا تحاولون تخلطون طبيعي و صناعي لاني جربت هالموضوع يزيد الغازات في بطن اليهال و يسويله لويه و عوار و يتضايق وايد وايد .
ومع الوقت راح تلاحظين ان الغازات تقل وتتظبط كل المسائل.
وفي شغله بعد من بعد ال40 تقدرين تبدين تظبطين نوم البيبيات اشوي اشوي لمن يتعودون على سستم معين مثلا وهذا لا تطبقونه على عيالكم كل بيبي له سستم معين لكن:
انا عيالي على الساعه 12 بليل اعطيهم اخر رضعه ويكون فيها اشوية بسكوت فارليز عشان يشبعون بعدها اعطيهم الماي غريب ووراه اشويه ماي واحطهم في السرير مع المصاصه تلقينهم ينامون لي صلاة الفجر او قبل الفجر بساعه يقعدون على طول اعطيهم رضعة حليب و يرجعون ينامون لي الساعه 8 او 8ونص بس على شرط ان من الساعه 8 او 9 بليل ما تنومينهم كل ما غفو تشيلينهم و ما تخلينهم ينامون وبس سوري ان طولت عليكم.

[سآره]

زود الغلا ممكن تكتبين اسم دواء المغص بالانجليزي بالظبط الله يعافيك

[أبجدية]

والله يا جماعة الخير أنا نفسي بالتوأم وربي يرزقني
بس ما عنا أحد عنده توأم
شلون أقدر أجيب توأم هل هناك حبوب أو منشطات ؟؟؟؟
وهل وحدة منكم جابت التوينز بالمنشطات ربي يسهل أمركم تكفوون جاوبوني

[زود الغلا]

ام ياسمين ....لك وحشة .. كم مل ماي غريب تعطينهم .
سارة ....اسم الدوا salinal سالينال ومدحوة البنات بالمنتدى يهببببل 5 نقط لضرورة 3 مرات باليوم ...انا بصراحة اعطيهم بس مرة باليوم لانهم يتحسنون بعجدة من اول مرة ...بس انت خلك على ماي غريب بس اذا حيييل تعبانين من المغص عطيهم سالينال .

[شازل]

السلام عليكم ورحمة الله وبركاته ... وبعد :
عدت والعود أحمد ... رفع الله قدر وأسعد اللي ذكرن خاصة واللي ما ذكرن ...
سبب غيابي ما فيه شيء غير إني بديت أستغل وقتي بالقراءة ، بس ما نسيتكم دايم أقرأ ردودكم ، وأستفيد منكم ، فلكم جزيل الشكر على ما تقدموه لنا ...
الزبدة ... وش حالكم مع التوائم وكيف أحوال التوائم معكم ..
أنا ولله الحمد توائمي بخير وعافية بدؤ يغاغون ويلتفتون على الاصوات وكبروا ولله الحمد وزاد وزنهم وأحس احسن حليب للاولاد الذكور هو بليميل مرة يكبرهم وتلاحظين صحتهم زينة ...أما الغازات فاكالعادة سالينال في بعض الاحيان ومرة أعطيهم منقوع الشمر أو الكراوية وأحليه بعسل أسود ... ورضعة لازم تكون من الماء مع كلكوز- سكر نبات -وفي الليل أمهدهم زين - يعني بالحبل - وأنومهم بعدما ياخذون رضعتهم الاخيرة ، ثم ينامون في بعض الاحيان يقومون باللليل فاعطيهم اللهاية وينامون أو أعطيهم بيبرونة فيها ماء حتى الفجر ثم أعطيهم حليبهم وفي الساعة 7 يقومون ويلعبون شوي ثم يبدون ياخذون قيلولات ...
أما الرضاعة الطبيعية فوقفتها ليومين فرفضوا بعدين ياخذون صدري فحولتهم إلى صناعي بليميل ...
أما السيارة فلازم أطلعهم حتى لو 3 مرات في الاسبوع أمهدهم زين وأحطهم تحت عند رجليني طبعا أبعد المقعد حق السيارة حنى آخر شيء وينامون بعد ما تمشي السيارة ونادرا يقومون يبون أشيلهم .. أما عيالي الباقين ركبنا لهم شاشات دي في دي ورى مقاعدنا يجلسون ويشوفون طيور الجنة أو بارني .. وكذا أكون مرتاحة أكثر ...
البنات اللي يعانون من الشرقات لتوائمهم شوفو حلمات البيبرونة كيف ينزل منها الحليب ؟؟ وهل هي مناسبة لهم لعمرهم ، أنا شريت حلمات جديدة ولاحظت إنهم يشرقون ويصبصب الحليب على طول غيرت الحلمة - أنا أحب حلمات بيجون - على حسب عمرهم ..
أما عن جسمي ولله الحمد راح ترهل كرشي وصارة مرة صغيرة المهم الترهل من كل جسمي راح وإنشد جسمي صح ما نزل الوزن بس المشكلة العظمى خفت وللخطوط على البطن استخدمي زيت الزيتون مع ماء الورد يشد البطن ويبيضه وينعمه ويخفف الخطوط مرة ... صح نسيت أقول لكم وش الله شد بطني الزبادي أحط فيه ملعقة شمر وملعقة نخالة وقبل كل وجبة أكله وأكل وجبتي عادي بس أحاول أبكر بالعشاء ..

أما إذا تعبت فالتجأ إلى الله واسولف معه على كيف كيفي ولا أحد يردن بعده يخف الحمل ويزول التعب وأرجع نشيطة ... ما حاولت ألتجأء لآحد ثاني لإن ما راح يفهمني أو يفهم معاناتي أحد ... وربي جربوها طقي سواليف أنواع وأشكال مع ربك وشوفي كيف يرتاح قلبك وكيف يتربون إعيالك على الصح وكيف تترتب حياتك وكيف وكيف ...
جومانا أنا سمعت إن سيميلاك فيه يرقات خنافس وقريت عنه في المنتدى برضوا .. والله أعلم

[محجبه]

ياحبيلك شااااااازل ربي يطلعك على قد نيتك صراحه ترتفع همتي للثريا اذا كتبتي ربي يرزقك برهم انتي عندك احد ماتعلم الحمام غير التوام ربي يعينك ولا بس التوام لانه اذا حسيت بتعب تذكرتك وقلت الحمد لله معي احد
والله ودي اطلع عن البيت احس مليت منه لكن عجزت دايم تعبانه وودي اتلين بالجلوس
افكر اشري عربه لتنقلاتهم بالبيت صراحه ظهري منفك ملع ولااقدر ازممهم

[محجبه]

الحاله لي شهرين والده وكرشتي مازالت تدتدلل قدامي وانواع الشقوق واسمع قرقعة مصاريني واخذت اشاعه قالو غازات بالامعاء واذني توجعني ويارب لك الحمد والشكر

[الفراشة الجميلة]

اهلين يا حلوين عقبال ماجتمع معكم في هذ التجمع ان شاء الله
اخواتي حبيت اسالكم بخصوص ابرة الرئه الي اخذتها منكم متى اخذتها وكم جرعه وفاعليتها كم مدتها وتنصحوني اخذها او لا والله يجزاكم خير

[~ L o l a]

المشاركة الأصلية كتبت بواسطة الفراشة الجميلة

اهلين يا حلوين عقبال ماجتمع معكم في هذ التجمع ان شاء الله
اخواتي حبيت اسالكم بخصوص ابرة الرئه الي اخذتها منكم متى اخذتها وكم جرعه وفاعليتها كم مدتها وتنصحوني اخذها او لا والله يجزاكم خير

أكيد أكيد أكيد لازم تأخذينها

التوأم مو مضمون متى ولادتهم ياكثرهم ألحين ولادة مبكرة أكثر شي يواجهه البيبي الخديج مشاكل الرئة

أنا أخذتها في السادس مع أنه بيبي واحد بس كنت معرضة للولادة المبكرة

أخذت ثنتين بينهم 12 ساعة وتقريبا تاخذ أسبوعين ويبدا مفعولها تمام

[أم ياسمين]

قوه امهات:
زود الغلا : حياتي اشلون عيالج؟ الماي غريب اعطيهم 2 و نص مل بس اللي ينرفزني ان ولدي ما يحب الماي غريب و لا يحب الماي فمعاناة على ما اشربه ينكت منه اشوي يطلعه بره يتفله مادري شنو يسوي.
الفراشه الجميله:انا خذيت ابرة الرئه بالشهر السابع بس ما اذكر اي اسبوع بالضبط يمكن 25 عطوني جرعتين بينهم 12 ساعه.
واللي كانت تسأل على المنشطات انا خذيت ابرة منشط لان معاي تكيسات بس انا عندي توم من جهة امي و من جهة ابوي و من جهة زوجي الصراحه اذا تبين انا انصحج اذا تراجعين عند دكتور شاطر انشالله الامر سهل و مافي اي صعوبه ولا مخاطر بس تتحملين ثقل الحمال و التعب و الله يرزقج يا رب.
شازل: الله يسهل علينا التربيه و يطرح فيهم البركه يا رب الاجر ما يظيع و فعلا محد يحس فيج لازم تشتكين بس لربج عشان لا يضيع الاجر و مشكوره على طرحج لتجربتج.