تجمع امهات التوام حياكم

[زود الغلا]

كاتمة الاحزان الله يخليهم لك يعني انت اللحين خبرة عطينينا من نصايحك وملاحظاتك وشلون طريقتهم اذا مرضوا اسم الله عليهم الثانية تلحقها وتمرض وشلون تتصرفين معهم ...توامك متشابه او مختلف ,

[نـــــــارا]

الله يبارك فيج حبيبتي.. ما بحني شعرهم كنت اقصد بستخدم حنة الشعر ليدهم ورجلهم بس ريلي متهدد فيني ودي احنيهم وهو ما يحب الحنة

[maha8181]

سلام شخباركم شفيه التجمع نايم نوم مو طبيعي
شخباركم جميعا
ساااااارونه وينك من زمان ماسيرتي علينا

[زود الغلا]

السلاااااااااااااااااااااام
شلونكم مع الحويين ؟؟
اخر خباري يناتي جاهم امساك مو طبيعي ما ادري ليش ...تتوقعون لاني بديت ادخلهم الدجاج والحوم بالاكل هل هذا السبب ؟؟؟؟؟؟؟؟؟؟؟؟؟؟؟؟؟
يكسرون الخاطر يا قلبي عليهم ...لي الحين بناتي ما يقعدون بروحهم ما ادري احسهم طولوا حييل كل شي عندهم متاخر .
نارا ....انصحك بحنة الايد تهببببببببببببببببببل انا استنست عليها ...المرة الجاية بحنيهم حق العيد .
بروح اشتري لبناتي ذهب باخذلهم كف ما ادري تعرفونة او لا وباخذهم سلسلة صغيرة وعندي بروشات ذهب من قبل جاييني هدايا والتراكي اخاف اطلع اللي باذنهم ويتسكر الفتحة يمكن ما اشتري تراكي لانه تراكيهم حلوة .
هذا صورة الكف بس انا ابية انعم من كذي شرايكم .

[فوفو الاموره]

مسسسسسسسساء الخخخخخخخخخخخير
صحيييييح عبت عنكم فترررررره طويله لكن قلبي مغاكم
والله مافي وقت ادخخخل تو من ولدت امسك الاب توب حققي الله يعين بس
حبايبي انا امس طعمت عيالي شهرين وامورهم طيبه الخمدلله بس دايم يرحعوون الحليب وصفلي الطبيب حليب بيبيلاك للترجيع فيه احد جربه كووويس او لا

[الفراشة الجميلة]

اهلين يا امهات كيفكم جميعا وينكم اختفيتوا مررره وحده كلكم عسى المانع خير ياليت يرجع القسم زي اول ونتبادل خبرات بعض
حبايبي ودي اسألكم ودي اشتري لعيالي عربية التوام بس مالقيت شي حلو انا ابي الي وراء بعض والي في مذركير وشيكو جنب بعض وانا ماابي جنب بعض انتم ايش شريتوا ومن وين
والي تعرف موقع يقدر يجيب لي عربيه من امريكا لا تبخلون علي بليز
ودمتم بحفظ الله

[نـــــــارا]

اللي جنب بعض افضل من ورا بعض برأيي

زود الذهب غالي وايد هالايام وودي اخذ لهم حجول
بناتي دخل عليهم كف بخاتم واحد والاسوارة مكتوب عليها ما شاء الله

[maha8181]

هلا ياامهات يامجاهدات شخباركم والله يعدي اليوم ولا احس فيه فجاه اشوف الساعه 11باليل شلون ماادري الله يعينا طول اليوم وانا اراكض وراهم
المهم شخباركم زود سلامة الحلوين بس مو بدري على الدجاج واللحم يقولون لازم بعد السنه
الفراشه الجميله لاتسوين غلطتي وتاخذين اللي ورا بعض انا شريتها وتوهقت لانها ماتنام يعني اللي قدام ماينام كامل ووحده صديقاتي تقولي بس يكبرون اللي يقعد ورا بس يصيح ويبي يقوم يطالع انصحك باللي جمب بعض بس الله يعينك على عيون الناس
بس انتي خلاص نويتي تطلعينهم انا لسه قلت بعد العيد

فوفو شخبارك يالغاليه وسلامه عيالك والله مااعرف هذا الحليب ان شاء الله يفيدونك البنات

[maha8181]

يا احلى امهات
كل عام وانتو بالف خير ورمضان مبارك للجميع الله يعوده علينا والمسلمين بصحه وعافيه
قلت ابارك قبل الزحمه

[زود الغلا]

نارا .... انا حييييييييل خاطري اشتريلهم ذهب لانة الذهب شكله مراح ينزل سعرة كل ماله بالطالع .
مها ....الدكتور يقولي دخليلهم لحوم وصفار بيض عشان فيتامين د ...ووديتهم الطبيب عشان الامساك حيييييييييييل بناتي يعانون وقت الخروج تصدقون ماعطاني الا ماي غريب وقالي لالاتعبنهم بالملينات لا تعطينهم ملينات واذا تعبوا حيل اعطيهم نص تحميلة جلسرين وقالي هذا السن اغلب الاطفال تجيهم هالحاله وبعدين تتعدل من تلقاء نفسها وهذا انا صابرة معاهم الله يعين .