حبيباتى سيدات ليبيا تفضلو لأعرف ما حالكم

[هدية الخالق]

المشاركة الأصلية كتبت بواسطة *ام فراس*

رد جمــيل .. بس سوسو عادي زوجكـ .. مثلا يخليك تردي ع شاااب


عندي زوجي هذا ليش كان مايفضلش المخالطه بالفيس

يعني قالي رد بالك ديما اول مازوجنا ... قتله نا مانحبش بكل وماخشليش راس الفيس بوك

رغم ان صديقاتي من عشاقه ,, ويبني اندير حساب فيه بس هك ماحبيتش

نحس فيه موقع قصقصه ع قول دكتورة صديقه وحاليا ع قول زوجي قعد يحرض ع فتنة بين بعض المناطق ف ليبيا وجو هذا..

حتي راجلي زي راجلك فروسه ميحبش حاجة اسمها فيس أبدا قال دوة فاضيه وحتي أني ماندورش فيه رغم إنه دارلي صفحة أول ماجينا علشان خالي عنده فيس وندردش معاه مرات لكن والله كان تشوفيها صفحتي فاضيه تضحك ما كاتبه فيها حتي كلمة هكي معنديش جو ليه ومره ندردش مع خالي مشي راجلي بالصدفة شاف واحد بعتلي طلب صداقة قالي كان تسكريها الصفحة وتفكينا منها مش خير ههههه رغم إنه دايرلي اسمي حرفين بالنجليزي ومش معروف اسم ولد ولا بنت ومواليدي دايرني في السبعينات ههههه
وفي صفحة عالفيس اسمها المطبخ الليبي في كندا مراااات نخش عليها ونشوف في اكلات ودايرتلها لايك علي أساس تنزلي الأكلات الجديده علي صفحتي وهذا هو الباقي الصفحة ناصعة البياض كان تذكرت وخشيت عليها مره في الشهر كثر خيري

[هدية الخالق]

المشاركة الأصلية كتبت بواسطة أمل ليبيا

السلام عليكم
شموسه ام فروسي سوسو اوشي اثري اجنادين جي جي هدوشه ام نوزة
كيف حالكم حبايبي ان شاء الله تكونو بالف خير


اه فروسي وهدية وشموسه ان شاء الله لاباس عليكم ياغاليات ربي يحفظكم


شموسه ان شاء الله ربي يتمملك ع خير وان شاء الله احساسك يصدق ونجيب مستعععععععجله ههه



اني الحمد لله بس نحس الطاقه متع جسمي بدت تنفذ!
جسمي من تحت مكسر ماعرفتش السبب قصدي الحوض ورجليا وطبعا بنا اني ماخديتش حبوب حديد وفوليك من بداية الحمل وسيبت الحليب والزبادي ف نحس جسمي الي مخزنه قبل كله خداته بنوتي ان شاء الله بالصحه عليها لكن ماما خلاص بدت عزوزة ههههخخ

الحمدلله الحمدلله الحمدلله المهم تجيني بالسلامه وفرحانه دكتورتي روحت من الحج ولبست الحجاب ماشاء الله بدت تهبل وخديت معاها اقرب موعد وهو هذا نستنا وخلاص

الله لا يوريك باس أموله تسلمي يارب
إن شاء الله ربي يسهل عليك ياااارب وينوضك بالسلامة

[هدية الخالق]

المشاركة الأصلية كتبت بواسطة شموسه 88

والله مانحكيلك عل اظهري مانعرفش قالتلي اظهرك مفتوح "لدرجة قالتلي شن رافعه" وظهر المفتوح قالتلي خطير جدا مع الحمل اومانقدرش نعطيكي أي علاج له الا الراحه التااااااااااامه طووول فترة الحمل
لو انتي ياسوسو مش حامل عليك او الحجامه واجد ينصحو بيها

إن شاء الله لاباس عليك شموسه وماتديري شي أهم حاجة صحتك وصحة البيبي اللي تقدري عليه ديريه والي ماتقدريشي خليه عادي اكيد عذرك معاك لين تشدي حيلك وتتعدى فترة الخطر بعدين ساهل

[هدية الخالق]

المشاركة الأصلية كتبت بواسطة *ام فراس*

عكسكم في شنو ؟ ههههههه

الحجاج اربع عائلات من المتزوجين

واتوا زوجي عدا لاول شاااب عازب حاج ... وحتي بالمره بيعزمه

ع غدا الجمعه



طبعا قبل اليوم بندير البطاطا بس روحت تعبانة من السنتر فجأه دخت دوخه قوية


تغدينا وروحنا.. وماكملناش يومنااا



وكرعيا بكل شكلها الدورة بدت من جديد




بكرة بنديرها ه ونوع اخر وف الليلي بنقرض خضرة العصبان




لان الوقت ف نهار للظهر مش ح يسدني الا للوجبه والسلطات


وخصيصا ان مش عزومه رجاله بس يعني العروس ح تقعد معايا ف صاله جوا


ولازم نوتي حاجتي بسرعه للضيافه

ربي يعاونك فروسه وفي ميزان حسناتكم
والله إلا صعبه العزومه للي عنده صغار وخصوصا في عمر لولي سلامتها كل شويه تلقيها تحتك في المطبخ لا وزيادة في مرة بتجي معناها بتكمل فيسع وبتوتي روحك ربي يكون في عونك وتجي عزومتك ترفع الرأس وزي ماتبي وأحسن

[هدية الخالق]

المشاركة الأصلية كتبت بواسطة أم أجنادين 80

اثري مبارك علي بنيه خوك وأكيد طلعتي حليوه
هديه شن اخبارك حبوبه
انا ننصحك هديه لو خاطرك في تغيير لوك
ديري بروحك وتعلمي قصدي الفتله والشمعه
مش محتاجه لمزين انتي كل مره بحاجه ديريها
ومره مع مره تتعلمي والصبغه شوفي وحده من جاراتك
اديرلك ولو شعرك غامق مانفتحيه مره وحده فتحيه
درجه وحده اكثر من شعرك حتي مايستغرب فيه زوجك
وشعرك قصي قصتك بروحك لو ماتعرفيش تعلمي من يواسي
ًبالنسبه للدراسه مش شرط تقرئ زي ماقلتي ظرفك ماسمحلك
وربي أعطاك احلي سوما
وحتي انا لو ربي رزقني قبل مرات كنت مانفكروش نكمل دراسه

الله يسلمك جنوده شن اخبارك إنتي إن شاء الله ربي يعاونك في دراستك ويرزقك باحلى بنوته او وليد عاجلا غير أجلا يا رب ويعطيك علي قيس نيتك
وصحيتي عالافكار تو نحاول نطبق المشكله والله عارفة روحي مانعرف ندير حاجة نبي الوتي وخلاص لكن مفيش هل مضطره نجرب ونحاول وان شاء الله خير

[sosolibya]

مساء الخير..

المشاركة الأصلية كتبت بواسطة *ام فراس*

كنا في ديبنهاااام .. وقعدت نذكر في اثري فيه.. الله يعطيها الخير

خصيصا ان مدير تخفيضات حلوهـ.. وجبنا حاجات منوعه من ضمينهن الة الكابتشينو من ديلونقي الماركة

طبعا هذينا ل ليبيا مش هنا

بالله عليك قوليلي كيف خاطري فيها يعني يجي كابتشينو ملح زي متع القهاوي...

المشاركة الأصلية كتبت بواسطة *ام فراس*

سوسو بس مرات تحكمي علينا غلط هههههه


او تحكمي ع الامور من نظرتك او قناعتك انتي وهي العكس تكووون


او مش هكي بكل

ايي صار كلكم جيتو ضدي

أنا يللي بنحرج توا....

وعارفة ممكن انت تضايقتي لما علقت على حفلتك صح ..

المشاركة الأصلية كتبت بواسطة *ام فراس*

رد جمــيل .. بس سوسو عادي زوجكـ .. مثلا يخليك تردي ع شاااب


عندي زوجي هذا ليش كان مايفضلش المخالطه بالفيس

يعني قالي رد بالك ديما اول مازوجنا ... قتله نا مانحبش بكل وماخشليش راس الفيس بوك

رغم ان صديقاتي من عشاقه ,, ويبني اندير حساب فيه بس هك ماحبيتش

نحس فيه موقع قصقصه ع قول دكتورة صديقه وحاليا ع قول زوجي قعد يحرض ع فتنة بين بعض المناطق ف ليبيا وجو هذا..

لا يافروسة أنا مانردش على الشباب

بس مرات في كل فترة تطلعلك صفحة لشخص أنت مش ضايفاتها أصلا وحاط كلام

كصفحة عامة أو شىء

وأنت تقدري تردي عليه بدون ما اضيفيهفهمتي

وبصراحة الكلام وجعني وماقدرتش مانردش..

المشاركة الأصلية كتبت بواسطة *ام فراس*

عكسكم في شنو ؟ ههههههه


الصبية عندكم الكمتزوجة وإحنا الصبية يللي قاعدة ما تزوجتش

الحجاج اربع عائلات من المتزوجين

واتوا زوجي عدا لاول شاااب عازب حاج ... وحتي بالمره بيعزمه

ع غدا الجمعه



طبعا قبل اليوم بندير البطاطا بس روحت تعبانة من السنتر فجأه دخت دوخه قوية


تغدينا وروحنا.. وماكملناش يومنااا



وكرعيا بكل شكلها الدورة بدت من جديد




بكرة بنديرها ه ونوع اخر وف الليلي بنقرض خضرة العصبان




لان الوقت ف نهار للظهر مش ح يسدني الا للوجبه والسلطات


وخصيصا ان مش عزومه رجاله بس يعني العروس ح تقعد معايا ف صاله جوا


ولازم نوتي حاجتي بسرعه للضيافه

ماشاء الله صار كبرت العزومة

ربي يعاونك متعبة والله وخصوصا انك بتقسمي ألأعمال وكل يوم تعب لغاية يوم العزمة

بس سهفتييييني لما قلتي بتجي العروس وهكي

نعشق الجو هذا ونحب الناس

بس أحيانا زيكم تفهموني غلط؟....

الله غالب

ربي يعاونك فروسة

وهذ1ا علاش انا قلتلك فروسة بما انك بديري حاجات حارة ديري رز بلاو أحسن من المبوخ..

[أم أجنادين 80]

حتي انا من رأي سوسو
لو كنت في مكانك ام فروسي المسقي يكفي
بس انتي وراحتك
وبالنسبه الفيس مفيش مره واجهتني مشكله
كل صفحات اللي مشاركه فيهم بنات او مدامات
وحتي القروبات
ممكن بابنات ماجربتوا الفيس لكنتوا أدمنتوا عليه
خصوصا الطبخ استفدت منه هلبه
وبعض المحلات مدايرين صفحات تشوفي البضاعه
وانتي مرتاحه
وفعلا احيانا تجيك تعليقات من صفحه مش مدايرتلها إعجاب
وانتي براحتك تردي او تناقشي او لااااا
فالفيس مش معناه انك مضطره تكلمي شباب

[جوهرة ليبيا]

السلام عليكم ورحمه الله وبركاته

[جوهرة ليبيا]

يااااااااااااااااااااااااااارب انجيب هاليومين بالسلامه


خلاااااااص تعبت ياااارب اكتبلي الاجر وانشوف بنوتاتي جنبي الزوز وهما بالف خير

[sosolibya]

ماشاء الله شكله في ناس سهرانة..

أنا كيف بنوض ..

كيف حالكم توا جنودة كيف نضتو صح


جيجي خشتيله الموضوع