تجمع الجزائريات المتأخرات في الحمل و أهلين بالتونسيات الغاليات

[جمانة نور]

أميين ياختي alma بصح وش بيكم كامل كارهين ومديقوتيين تفاءلو والله جبتولي احباط

[Nourelhouda]

اهلا الزينات واش راكم لاباس!؟!؟!
توحشتكم بزاف،،،، جيت نطلع المورال معاكم لقيتكم كامل مورالكم هابط هههههههههه و الله حكمني الضحك قلت رانا كامل في الهواء سوا ،،، واقيلا من الجو الكئيب
واش راكم لاباس!؟!؟! انا اليوم خدمت و كنت صايمة مازال ما فطرتش ،،،،،،، راني نستنى راجلي العزيز يجي باش نتعاشاو ديريكت،،،،، قعدلي 3 ايام تاع الدين و الحمد لله نكمل،،،،،،،، ربي يقدرني،،،،
سارة الزينة علاش تروحي ، خليك هنا ، هنا بلاصتك ما عندك وين تتحركي،،،،،، بالنسبة للاعشاب انا ضدهم نخاف كاشما نشرب ندير كاش حاجة في روحي سورتو مع دورك الغش راه بدون حساب،،،،،،،، انا راجلي هو اللي عندو المشكل و شرب العسل و طلع النخيل و المكسرات بصح بدون فائدة،،،،، و انا مسدتني بنت خالة عجوزتي،،،، و اعطاتني حب الرشاد نشربو مع الحليب كي الكاشي و الله غير سوفريت ضربت خمسة ايام ما دخلتش للتواليت " حاشاكم" حتى قريب متت و ليت نحس بلي " الفضلات حاشاكم" راح يخرجو من فمي،،،،،، اسمحولي قريب متت من تم حلفت على هذ الغزعبالات مانزيدش نشربهم،،،،،
ام عبد الرؤوف الدوفاستون منظم الدورة و يساعد على تثبيت الحمل اذا كنت حامل،،،،،، يعني اذا راكي بالحمل يثبتو باذن الله و اذا ماكنتيش على الاكثر من يوم ما حبيستيه الى عشرة ايام تجيك الدورة اذا فاتو عشرة ايام و ماجلتكش روحي حللي ،،،،،، انا استخدمتو ثلاثة اشهر بصح الدورة تاعي منتظمة، اعطاتهولي الطبيبة باش يثبتلي الحمل ، لان اجهضت مرة،،،،،،، و ان شاء الله تكوني حامل،،،،
ندى خيرها في غيرها،،،، صحتك اولا ربي يشافيك و يرزقك التوأم الصالح،،،،
مريومتي الزينة واش بيها العميرة تاعي،،،،،،، شدي في ربي هذو كامل الهرمونات واش يديرو هههههههه ماعليش ما قعدش بزاف،،،،،،
اسما ليال لاباس ،،،،، جومانة لاباس،،،،،،، سهام لاباس،،،،،،،،،، الما واش بيك غير الخير،،،، راه المورال صفر من الجو هذا،،،،عبير واش راكي لاباس!؟!؟!؟
توحشت كامل البنات ،،،،،، ارجعو نتلمو كيما كنا،،،،،،،

[جمانة نور]

Nourlhouda نورتي التجمع وصحة فطورك ربي يجعلك في كل لقمة بركة ربي يحفظك سقسيتي علينا بالوحدة ربي يفرحك وماتنسايش تدعيلنا كتفطري

[Nourelhouda]

نور اليقين واش راكي لاباس!؟!؟! ههههههه راكي ندبتي للبنات انا خفت نحلو ههههههههههه،،،،
توحشتك و توحشت حكاياتك،،،،،، ربي يجيب الشفاء لشيخك و كامل مرضى المسلمين امين،،،،،،،

[نور اليقين]

المشاركة الأصلية كتبت بواسطة nourelhouda

نور اليقين واش راكي لاباس!؟!؟! ههههههه راكي ندبتي للبنات انا خفت نحلو ههههههههههه،،،،
توحشتك و توحشت حكاياتك،،،،،، ربي يجيب الشفاء لشيخك و كامل مرضى المسلمين امين،،،،،،،

امين لباس راني انا قلت انا برك مسني نبكي دخلت القيت لبنات بلا ماتمسهم يبكيو هههههههههههههههه الحمد لله واش راكي واش راهو الكتكوت انتاع اتك وختك ياك لباس وصح فطورك ودعي لروحك ودعينا كتفطري

[مريم13]

اترج عمرك طويل ليوم برك هدرت عليك في التجمع

[مريم13]

[مريم13]

المشاركة الأصلية كتبت بواسطة نور اليقين

ههههههههههههههههههههههه يابختة رجالتنا بينا هههههههههههههمريم ماعليهش انا اليوم حرقت الغدا وانت العشا ماعليهش
نقولو عندهم نقص فالعدد وضعف فالحركة مانعرف منين رايحة الجيهم القوة واحنا قتلناهم بالشر هههههههههههههههه

انا فتلني بالغمة مالا حلال نقتلو بالشر

[اترج]

المشاركة الأصلية كتبت بواسطة مريم13

اترج عمرك طويل ليوم برك هدرت عليك في التجمع

يطول في عمرك و يحفظك و يسلك احوالك على خير ان شاء الله و تشوفي وليدك بين يديك يا رب

[alma021]

نور خلاص بكيت وفرغت قلبي ودرك راني نسمع فاناشيد فووووووووووور نتاع ماهر زين تعرفوه .....يانبي سلام عليك ......خلاص راني حاسة روحي بيان متعمريش راسك نور اليقين هديك الانشودة اللي حطيتيها كانت القطرة التي افاضت الكاس يعطيك الصحة وربي يفرحك فرغتيلي قلبي