تجمع الجزائريات المتأخرات في الحمل و أهلين بالتونسيات الغاليات

[Nourelhouda]

اهلا البنات لاباس!؟! رحت للطبيبة و جبت درت الفطور فطرت و درك جيت نهدر معاكم،،،،
المهم غير دخلت على الطبيبة و قلتلها دارتلي روطار 8 ايام فرحت قالتلي مليح و سقساتني درتي تست قولتلها لالا على خاطر جاتني و شوفي واش طاح مني،،، وريتلها الصورة قالتلي شوفي هذا فيه شك ماراهوش تاع دورة و سقساتني اسئلة و من بعد قالتلي احتمال كبير حمل، قلتلها راني خايفة الا كاش ماعندي كيس و الا فبروم دارتلي ايكو قالتلي راكي هايلة الحمد لله،،،، بصح زعفت مني قالتلي علاش ما درتيش تست و الا حيتي عندي كي دارتلك روطار، قلتلها حبيت نستنى حتى تكملي عشرة ايام و ندير التست، قالتلي كون درتي ثمانية ايام يبان،،،، المهم قالتلي قادرة نعطيك تحاليل الحمل، قالتلي بصح ماعندها حتى فايدة على خاطر حتى لو كنت حامل راه راح،،،،،، قالتلي و زيد هذك اللحمة كون جبتيهالي خير،،،،،، المهم راني مليحة، و كانت راح ديرلي ايكو داخلي قلتلها راني بالدم ولات قالتلي شوفي غير تصفاي ارواحيلي،،،،،، و زادت قالتلي قولي لراجلك يدير تحاليل و قالتلي ماعليش تكوني رفدتي و طرحتي هذا يعني بلي عندك امل ترفدي،،،،،، المهم الحمد لله على كل حال،،،،،،،

[Nourelhouda]

اهلا امة الرحمن الحمد لله اللي دخلتي تقلقت عليكككك،،،،،،
مبروك على خوك و ربي يزين سعدو ان شاء الله،،،،

[Nourelhouda]

هذيك نعيطولها في العاصمة شخشوخة الظفر ،،،،،،
و الاخرى اللي جي ورق نعيطولها شخشوخة البساكرة،،،،، و نديروها بزاف في العاصمة بنيييينننةةةة،
سهام حنا حبابنا سطايفية دارولنا شخشوخة تاعكم و دارو زوج مرقات ،،،، وحدة نورمال حمرة،،، و الاخرى حمرة و دارو فيها التمر و رحاوه،،،،، موالف ديروها!؟!؟!

[alma021]

اهلا نور الحمد لله على السلامة وان شاء الله الشهر الجاي تروحي تطمني على البيبيي يارب
رانا نحكيو على العيد ادا قريتي الارشيف معليش تحكيلنا كيفاش تفوتي نهار العيد نور وواش هي عاداتكم

[Nourelhouda]

ههههههه فكرتوني بروحي،،،،،
انا في دارنا غير ماما اللي تشوط و تنقي الدوارة ،،،، كي كنا في الاردن نهربولهم حتى لليل باش نرجعو انا و زوج خواتاتي و خويا،،،،، نخلو ماما و بابا وحدهم نفطرو و نتعاشاو برا ههههههههه و كي نرجعو مانمسوش لا فريجيدار لا والو نعيفوها كي يكون فيها الدوارة و بوزلوف ههههه،،،، ماما طيبو و تعرض الطلبة اللي كانو يقراو تماك جزائريين و صحاب بابا العزاب اللي كان يخدمو في السفارة و هما يتعشاو بالدوارة و بوزلوف بصحتهم،،،،،، و ثاني يو م نقعد انا الاولى مع الشواء ههههههه انا خويا و اخواتاتي مايكلوش اللهم غير المرحي و الجاج امالا نتمتع انا في بلاصتهم ههههههههه،،،،،
كنت بكري صغيرة لوكان نشوف الكبش يتذبح قدامي والله ما ناكول اللحم حتى مسكين جدي يشريلي حقي قبل العيد ستيكة و كوتلات ويخبوهملي في الفريجيدار ثاني يوم يشووهملي،،،، و درك ناكل نورمال و حتى دوارة و بوزلوف ماناكولهمش الي يومنا هذا،،،،،،

[alma021]

واش سهام خرجتي

[سهام فرنسا]

المشاركة الأصلية كتبت بواسطة alma021

واش سهام خرجتي

راني هنا رحت نحيت القش من الماشينة لافي و جيت
نور حنونة ربي يعوضك إن شاء الله و هكذا الحمد لله معنتها راجلك رتاح
و على الشخشوخة كاين اللي يحبو مرقتها حلوة بصح حنا مانديروهاش واحد ميحبها بصح ماشي الشخشوخة اللي جي حلوة الفارمسة و لا كيما يقولولها المسمن الشخشوخة دايما مرقتها حورا نورمال و بنييييييييييييييينة أأأأأأأأأأأأأأأأأأأأأأأأأأأاه جعت

[أسيرة زوجي]

[أمة الرحمان السلفية]

اهلا بيك نورالهدى انا ثاني البرح رحت لي طبيبة في البويرة قليلي واش من طبيبة لرحتي لها

[أمة الرحمان السلفية]

لبنات عجبني هذ بلاص والوحدة كتكون عيانة يروحلها تعب كرهنا من البطيمات دنيا يبسة