دردشة حوامل أهل الامارات - دردشة بنات الامارات - تجمع حوامل الامارات

[اقصوصه]

ايوه زرت مصر من سنه ونص تقريبا في الشتا

رحت الفييوم والهرم والحسين وخان الخليل والقاهره :)

بس ما رحت المنصوره ، كانت سفريه سريعه 5 ايام

يقولون بنات المنصوره حلوات صح ")

[ام منصور]

مساء الخير ّّّّ مساء الكوفي للرايقين



شحالكم يا حلواات

اسوووم...يا سلام يا سلام على اللي بيروحون العرس اليوم
تحملي لا ترقصين عن تنسين انج حامل
يالله تردين بالسلامه يا حلوه
اقصوصه...زين احسن لج الرحبه بعد انتي مجربتنهم الله ييسر امورج يالغاليه
لييييوونه ...نحنا كل يوم موجودين حبوبه انتي لاتقطعينا
ملاااااك...كلنا رايحين مصر من قبل ماخلينا مكان فيها
انا رحت لها في الصيف من كم سنه كنت اتوحم يييييييع ماتهنيت فيها
لا وتوحمت على شووو >> خيار وروووب خخخخ<<
ودور بومنصور عند اللي يبيعون الخضار ويابه عقب ماطلعت روحه خيار ذااااوي ههههههه وقلت شو هااا مالقيت مثل الخيار اللي عندنا ماشاء الله مربرب
الودود ..ويييين عسى المانع خير الغاليه

[الودود]

هلا ومرحبا بالغاليات إن شاء الله تكون بخير وسلامة ،ام منصورشكرا يالغالية ماقصرتي ، انا بخير الحمد لله بس تعبت شويا لأن الدكتورة خبرتني إني عندي قفر دم ولازم أخد إبر حديد وأخدت والحمد لله الان أنا بخير،

تحياتي لكل العضوات الغاليات .

[سمو الأميره]

مسااااااااااااؤؤؤؤؤؤؤؤ

شو الاخبار ...تعبانه من بناتي مزعجات ومشاغبات

الله المستعان

اخباركووووووون

اقصوصة ادعي ربج يسهل عليج ولادتج وسيري الرحبة لو مب مرتاحة للكورنيش

انا لين الحين مافتحت ملف وماعرف شو فيني

ام منصور شحالج انا ادرس علوم اعشق التدريس بس من يابوا الاجانب احس بنوع

من الاحباط لانهم بيحتلون مكانا وبروح مدارس ثانية ومناهج يديدة وكل شي بيكون يديد علينا

ع فكرة الأجانب اللي عندنا مب شي وجودهم شكل الله ياخذهم واليداد مال هالسنه مشاكل ورقص

وضرب للعيال والبنات يطلعون من مرحلة لا ثقافة رياضيات ولا علوم ولغة الانجليزي تعبانه

الله يعينا ع القوانين ...

ملاك الله يوفقج ان شاء الله وسلمينا ع مصر والمنصورة ...وترجعين حامل بإذن الله

اسوم خلاص ...من اليوم ماشاء الله تسوي عمليات تجميل وتنظيف لا تنسي البيت

تغيرين فيه والحمام ...ألله يهني سعيد بسعيده


خواتي خبروني من وين افصل مفرش للنفاس واسوي توزيعات يستفيدون الناس منها

مو تنعق يعني ماريد براويز او تحف ...خبرويني بتجهيزاتكم

اشوفكم ع خيييييييير

[الودود]

.::ورود أغرسها بداخلك لتسعد::.

الوردة الأولى
تذكر ان ربك يغفر لمن يستغفر
ويتوب على من تاب
ويقبل من عاد

الوردة الثانية
أرحم الضعفاء تسعد
وأعط المحتاجين تُشافى
ولا تحمل البغضاء تُعافى

الوردة الثالثة
تفاءل
فالله معك
والملائكة يستغفرون لك
والجنة تنتظرك

الوردة الرابعة
امسح دموعك
بحسن الظن بربك
واطرد همومك
بتذكر نعم الله عليك

الوردة الخامسة
لا تظن بأن الدنيا كملت لأحد
فليس على ظهر الأرض
من حصل له كل مطلوب
وسلِم من كل كدر

الوردة السادسة
كن كالنخلة عالية الهمة
بعيدة عن الأذى
إذا رُميت بالحجارة
القت رُطبها

الوردة السابعة
هل سمعت أن
الحزن يعيد ما فات!
وأن الهم يصلح الخطأ!
فلماذا الحزن والهم؟!

الوردة الثامنة
لا تنتظر المحن والفتن
بل انتظر الأمن والسلام والعافية
إن شاء الله

الوردة التاسعة
أطفئ نار الحقد من صدرك
بعفو عام
عن كل من أساء لك من الناس




الوردة العاشرة
القرآن
والذكر
والاستغفار
أدوية ناجحة
لكل كدر وضيق

لانك تقرأ رسائلي

تذكـــــــر أن تبدأ يومك بـابتســــامه

[ام منصور]

ماتشوفين شر وحمد لله عالسلامه يالغاليه
انزين ارتاحي واكلي خضروات وااايد وكثري من الجرجير وعصير البرتقال والكيوي

[ام منصور]

اهلا اهلا سمو الاميره
الله يعينج صدقج والله انا شفتهم من سنتين في المدرسه والله انهم منظر ومدرساتنا مسكينات يتعبن ويهلكن ويحضرن ويسون برامج وهن يوقع اساميهن عليهن اونه تدريبهم وهم مناااك الله يعزج ويعز الجيمع ( بقر ) لاحول ولا قوة الابالله
انزييين عيل ادرسين علوووم اي مرحله .. اكيد اولى

[am shoooq]

السلام عليكم ورحمة الله وبركاته
هلا حبوبات
أنا عضوه يديده اتمنى ان تتقبلوني اخت لكم الصراحه قريت بعض مواضيع والردود المهم انا حامل ف الشهر الخامس يارب يتمم حملي ع خير لانه كانت لي اجهاضات متكرره حول اربع مرات ادعولي يابنات يارب يثبت حملي وحمل كل حامل ويرزقنا بجنين معافا وبصحه واول مره اكتب ف منتدى..

[اقصوصه]

ام منصور : بعدني اشاور عمري يا الرحبه والا النور اللي فشارع المطار بشوف :)

الودود : الحمدلله ع سلامتج عزيزتي ديري بالج ع عمرج واهتمي بأكلج وحاولي تاخذين الحبوب اليل وصفتلج اياها الدكتوره يوميا واشربي حليب وايد :)

سمو الاميره : والله بعدني ما استقريت ع رايي ، محد موافق اربي في الرحبه يقولون لي بعيد علينا اونه يوم بنزورج هههههههه لازم تفتحين ملف لا تترين اكر من جيه @@

ام شوق : هلا عزيزتي ، نور المنتدى بإنضمامج ، يا مرحبا بج ان شا الله الله يثبت حملج ع خير وتربين بالسلامه يا رب ، وعساها تكون ذريه صالحه ، من اي اماره انتي ؟

[am shoooq]

هلا اقصوصه
مشكوره ع الترحيب الحلو والله يسمع منج ان شاء الله
من بوظبي يالغاليه