دردشة حوامل أهل الامارات - دردشة بنات الامارات - تجمع حوامل الامارات

ام صيصة · 10-27-2010, 02:49 PM

جاتنا ونورت كل المكان
قدومها اليوم للفرح عنوان
تقول للي انتظروها
انا وصلت اليوم هبه من المنان

اهداء لاختي اقصوصة

اقصوصه · 10-27-2010, 05:30 PM

ام صيصه الله يبارك فيج حبيبتي ومشكوره وايد ع الأهداء تسلمين وعقبالج يارب

عذب الجوارح · 10-27-2010, 07:41 PM

السلاام عليكم حبايبي
أنا أختكم من الشارجة أتمنى تقبلوني فتجمعكم ونكون خوااات استفدت منكم واايد واشتركت معاكم حتى أفيدكم باللي معاي تقبلوا فائق احترامي

اقصوصه · 10-27-2010, 07:52 PM

عذب الجوارح هلا فيج حبيبتي نورتي التجمع سعداء بإنضمامج وان شا الله تفيدين وتستفيدين وأي استفسارات عندك إحنا بالخدمه
بس ما قلتيلي انتي حامل باي شهر؟

سمو الأميره · 10-27-2010, 08:39 PM

مبرووووووك ماياج اقصوصة

وحمدلله ع سلامتج

يالله خبريني قصة ولادتج ترى ادخل اشوف ربيتي ولا لأ ؟؟

اقصوصه · 10-27-2010, 09:00 PM

هههههههه

هلا سمو الاميره

الله يبارك فيج حبيبتي

حبوه تدخلين عشان تعرفين ولدت والا لا ههههه

الله يسلمج انا قصتي بسيطه

بدا معا الطلق السبت فالليل بعد الساعه 12 تقريبا

طبعا كانت الطلقه تيني حوالي دقيقه وتروح

وبعد نص ساعه او ساعه ترجع تتكرر مره ثانيه

وع هالحال لين ثاني يوم

مع العلم أني فولاداتي السابقه طبقي حار

يعني بعد ما يبدى معاي الطلق ب6 ساعات تقريبا اربي

اما هالمره أستمر معاي الطلق 22 ساعه

طبعا الأحد الصبح ريلي ما داوم لانه شرثاشفني تعبانه وكان متوقع أني بولد بلي وقت وبعد ما راحوا العيال مدارسهم قالي يلا اوديج المستشفى طبعا انا رفضت لان الطلق كان بارد عندي
المهم أني تميت اقاوم لين 8 ونص في الليل حسيت الطلق بدا يحر فطلعت المستشفى كنت عندهم حوالي الساعه 9 وكان الرجم مفتوح بشكل كامل يوم وصلت
وه الساعه 10 الا ربع ربييييييت:)

اقصوصه · 10-28-2010, 07:16 AM

صباح الخيررر

MALAK2010 · 10-28-2010, 07:26 AM

اقصوصة: حمدالله على سلامتك يا جميل التجمع نور بيكى انتى وحور طبعا
عاملة ية طمنينا عليكى
وازاى البنوتة قوليلى عملتى اية اول ماشوفتيها وياترى شكلك ولا شكل مين
واحساس البنت مختلف عن احساس الولد ولا كلهم نفس الاحساس

اقصوصه · 10-28-2010, 07:49 AM

هلا والله ملاك

الله يسلمج ان شا الله

أنا بخير الحمدلله

والبنوته بدت صراع البقاء ههههه

يعني مغص ودموع ومعاناه ههههه

وانا طبعا أعيش التطورات اول باول معاها

والله البنوته ما احسها تشبهني

طالعه ع اهل أبوها وحتى فصيلة دمها نفس فصيلته

بس بشكل عام تشبه إخوانها الاثنين

انتي أخبارك وأخبار الحمل وياج

باي شهر الحين

وخفت أعراض الوحام عنج والا بعدها؟*

سمو الأميره · 10-28-2010, 04:10 PM

هلا اقصوصة

حمدلله ع سلامتج والحمدلله طلعت حور

عيبني الاسم ان شاء الله اذا يتني بنت اسميها حور

عاد اذا طاع بو شباب

يالله انا بسوي نفسج لين مااحس نفسي بيطلع البيبي بروح المستشفى

شو انطباعج عن مستشفى المفرق ؟؟ عيبج ؟؟ وشو الغرف والتعامل ؟؟؟