تجمع حوامل المدينة المنورة

[الاموره رغد]

رشة عطر مشكوره ياقلبي واليوم بديت اخذ ابر الحديد وانشالله تجيب فايده ويتحسن يااااااااااارب

[مدام الهام]

السلام عليكم ورحمة اللة وبركاتة مرحبا لكل بنات المدينة الموجدات رشة عطر ضناني الشوق رغد الامورة ملكة المشاعر ام رسيل ام اثير بنات تفتكروني ولدت ههههههههانا لسى باول التاسع الضاهر كمان حادخل بالعاشر كمان انا غبت عن التجمع لاني ذابحني النوم ناازل علي نوم اللة لايوريكم بس اكل وارجع انام تخيلو زوجي واولادي يصحوني للغداوكمان مافضى واللة كل يوم اخرج اكمل الناقص من اغراضي واشتري ملابس الصيف لاولادي واللة متخلص المشتريات كل يوم طالعتلي حاجة ناقصة اللة يعين ويسهل عاالجميع

[مدام الهام]

الامورة رغد سلامتك ماتشوفي شر تعرفي محل اسمة\\ سوبيا طيبة\\ يبيع عصير زبيب يمني مرة ممتاز اشترية واشربي منة كل يوم اربع كاساتاو اللي تقدري علية وشوفي كيف نسبة دمك راح تتحسن بسرعة

[عطر الانسام]

السلام عليكم ورحمة الله وبركاته
كيفكم كروشآآت اهلين مدام الهام والله كنت افتكرك ولدتي ههههه
بس ان شاء الله قريب يارب تقومي بسلامه
انا لي با الثامن اسبوعين واحس بطني تتحجر فجاااء ويجيني مغص خفيف ويروح
هذا هو الطلق الكاذب على قولتلهم؟؟
امووت واعرف وشو الطلق
وصح يابنات لازم امشي من الثامن ولا كيف لان الدكتوره قالت امشي لو ربع ساعه واخاف امشي واولد ولو ولدت با الثامن هل هو خطير ولا لا

[عطر الانسام]

صح مدام الهام دام لكي سوابق في الولادات ماشاء الله
دحين لو فرضأ الدكتوره تبي تعرف الرحم مفتوح ولا لا دخل يدها ولا بجهاز تعرف ان الرحم مفتوح؟؟؟
وكيف يعرفو لو فيكي طلق برضو جهاز ولا يدها <<< خايفه من سالفة اليد هذي
وثالثا شي متى تقيس الحوض اذا ينفع تولدي طبيعي ولا قيصرري
وهل برضو تقسيو بيدها ولا جهآآز ...
والله احس اني ماني داريه عن شي بولد وبس

[مدام الهام]

وعليكم السلام ورحمةا للة ياهلا بعطر الانسام فينك وين الغيبة خلاص نسيتينا لا انا ماولدت استنى الفرج مكتومة من الحمل ومن الجو الغبار شايفة كيف \\اتوقع المغص اللي فيك مو طلق بس انتي لازم تروحي للطبيبتك تشوفك مو كويس الولادة بالتامن وخايفة من الكشف ايوة تقيس بيدها تدخل اصباعين وتشوف كم سانتي مفتوح بس اهم شي لاتشدين نفسك خليك مسترخية وهادية عشان ماتتالمي والطلق فية جهاز يحطوة على بطنك ويشوفو الطلق وقياس الحوض بالسونار وربي يتمم لك على خير وتقومي بالسلامة يارب

[عطر الانسام]

والله ياقلبي مانسيتكم بس تعرفي الحمل والله اني ودي اولد اليوم وارتاح الله يعدي الفتره دي على خيرر يآرب
ويتمم لك انتي على خير يا قلبي واذا زاد الالم معايا ان شاء الله اروح العصر لدكتوره
بس بسالك المويه الدافئه تضرر؟ لاني اتحمم بمويه دافئه دائما يعني اعبي البانيو
وادخل جو هههه مع المويه

[مدام الهام]

الموية الدافية ماتضر بس بالدش يعني تاخذيلك شور وانتي واقفة دايم اسمع انو ممنوع الحامل تستحم في البانيو وهي جالسة في الموية انا في بكري من هبالتي اعبي الموية واحط فيها رغاوي وانسدح واسترخي مسوية جو الاخت واشوف بعدها الالتهابات والام الضهر وولدت بدري اتوقع مو كويس خليها لاولدتي عبي البانيو واجلسي على كيفك

[عاطفة العقل]

صباااااااحاااااااات الخير


كيفكم وحشتووووووني....

مدام الهام ايش هذي الغيبة مو مسموح تطولي لازم تطمنينا عليك
الله يسعدك ويسهلك ....
جالسه اعد الايام استنى اولد واروح امشي نص ساعة بالقوة تخيلي مشيت اليوم الصباح في الممشى
والجو غبـــــار بس عارفه لما تخرجي كانو ضباب مااثر عليا الحمدلله بس مضطره امشي وفيه نااااااس يمشو قلت اشوى مو لوحدي..


اللهم اني استودعك جنيني الذي في رحمي عندك يامن لا تضيع ودائعك يارب ارزقني بولادة طبيعية سهلة ميسرة من عندك ياذو الجلال والأكرام لي ولجميييييييع اخواتي المسلمين يااااااااااااارب

[مدام الهام]

اللة يسلمك عاطفة العقل واللة انا مرة مكسلة وتعبانة واللة مارتاح من ضهري مقدر انا طول اليل اتقلب عشان كدا بس نايمة بالسرير واللة حتى طبخ ما اطبخ ومكتومة عالاخر من الحمل والغبار الاكيف قدرتي تمشي بالغبار ياللة انا ببيتي وجالسة اكح وحاطة كمامة مبللتها بموية وانتي بالاسبوع كم بالتاسع