تجمع حوامل المدينة المنورة

[مدام الهام]

عطر الانسام بطلي كسل لسا انتي بالسابع اذا متحركتي دحين متى بتتحركي اتنشطي شوي واخرجي شوي شوي لما تصيري ماتفسخي العباية مثلي ههههههههه انا كل يوم اخرج واتسوق واعزم ما اجلس فاضية ابدا احسن ياشيخة للصحة عالاقل ادخلي التجمع حقنا بس لاتكسلي عالاخرشوشو الف الف مبروك البنوتة تتربى بعزك ان شاءاللة ام رسيل عشان كدا تقولك احتمال تؤام بس ايش المشكلة اللي عندك اللي استدعت تاخدي منشط انا اخد منشط بسبب عندي تكيس اللة يشفيني منة بس اخدة بجرعة بسيطة عشان ما احمل بتؤام الحمل بتؤام مرررررة متعب والوحم عندك لسى بالبداية اللة يعينك نسمة بحر الاخت ام رسيل ماقصرت

[مدام الهام]

دلع فينك يادلع لاتقلقينا عليك مرة تانية يارب غيابك خير

[رشة عطر]

يعطيك العافية شوشو وماقصرتي
وينكم كروشات المدينة وراكم نايمين

[أم تالا]

السلام عليكم
كيفكم حوامل المدينة
بصراحه لما شفت التجمع سجلت علطول
أنا حامل في الشهر الأول وماني عارفه اتابع عند مين
وكمان ولادتي الأولى كانت قيصري تتوقعون أقدر أولد طبيعي

[مدام الهام]

وعليكم السلام ورحمة اللة ام تالا اهلافيك في تجمعنا نورتي اللة يتمم لك حملك بخير وسلامة الولادة الطبيعية بعد القيصري تعتمد ليش ولادتك الاولى قيصيرية اذا كان الحوض ضيق راح كمان تولدي هادي المرة قيصرية لاكن كل حمل لة حالة خاصة واعرف ناس ولدو قيصرية بعدين التانية طبيعية عادي جدا وتبغي تراجعي اررشحلك الدكتورة فوزية وامل في الاحمدي والدكتورة ماجدة في المواساة وانتي شوفي اللي ترتاحيلها

[أم تالا]

تسلمي الهام على الرد
أما بالنسبه لولادتي الأولى كانت قيصري لأن موية الجنين نزلت وماجاني طلق والرحم ماانفتح
وطبعا كانت في مستشفى الولادة

[رشة عطر]

مرحبا للجميع كيفكم وكيف الحمل معاكم
انقطعت يومين لاني سافرت من عند اهلي لبيتي بس من جد التجمع خااااامل وش فيكم ؟

[دلع]

الحمدلله على سلامتك شوشو تتربى بعزك ان شالله
الحمدلله على السلامه عطر
اهلين الهام
تسلمي عالسؤال انا جلست عند امي اربع ايام وطلعت شايله المودم لان اخواني مايذاكروا اذا عندهم نت ورفضت تطلعه لي طلعت ماامون عليها هههههه
كيفك انتي ان شالله بتولدي في المواساه ..
انا كنت ابغى اسألك ماتدرين عن الولاده بدون الم عندهم بالكمامه ولا الابره ويعطوها بس للبكريه ولا عادي اي حامل..
انا زميلتي ولدت فيه تقول روعه ماحسيت بالولاده بالمره اعطوها الكمامه ونامت على طول بس انا كان عندي موعد الاربعاء عند ماجده وتكلمت مع وحده فـ الانتظار قالت لي الكمامه بس للبكريه الصراحه خفت انا ودي اولد بالكمامه..وكمان تقولي ان ماجده بس تسوي عمليات..وكنت ابسألك عن الجناح الملكي تعرفي كم سعره..والغرفه العاديه كم سعرها..يعطيك العافيه حبيبتي وتسلمي عالسؤال ....

[رشة عطر]

هلا وغلا بدلع كيفك انتي ؟
هههههههههههههههههههاي اجل امك شايلة المودم عنك

[مدام الهام]

ام تالا عشان كدا ولدوك قيصري اتوقع المرة هادي ان شاءاللة تولدي طبيعي اذا ماكان عندك مانع صحي رشة عطر الحمدللة على سلامتك وخاملين عشان الربوع والخميس نشرد عند اهلنا مانجلس ابد بالبيتناخد عفشنا ونروح والجمعة نرجع لبيوتنا دلع بصراحة قلقت عليك لاتطولي غيابك مرة تانية سؤالك عن الكمامة اكيد اذا طلبتيها بيعطونك هيا مو انتي والدة عندهم بفلوسك اللي تبغية يصلحونة لك وعلى فكرة الطبيبة المناوبة وقت ولادتك هي اللي تولدك وعاد انتي وحضك وسعر الجناح العادي 2500 الي 3000 اتوقع والملكي من 5000 الى 6000 انتي اذا رحتي موعدك اسالي الاستقبال وانتي دحين باي شهر اللة يتمملك بخير يارب