تجمع الشهور الاخيره

[حروف الحب]

المشاركة الأصلية كتبت بواسطة أم فطامي

الله يعينك عزيزتي بالفعل يوم كان ابني بالعرض كان الالم والتعب أكثر


وطبعا انا بولدي ماسويت الا التمارين اللي قالوا عليها ومالف وولدت قيصري


بس بحملي هذا رحت لطبيبة تعرف تلف الاجنة ولفيت بنوتي والحمد لله الحين راسها تحت انتي لو تعرفي طبيبة مختصة بالامور هذي روحي لها قبل ما تدخلين التاسع وإن شاء الله بتتيسر أمورك

غناتي عطتني تمارين الدكتوره اعملها وقالت ان شاء الله يعتدل وضعه وهذاني مواظبه عليها التمارين ونصحتني الدكتوره مااروح الى اي احد يلمس الجنين مانصحتني نهائيا قالت ليي بس اعمل التمارين والله كريم ان شاء الله بهالتمارين يعتدل وضعه متعب لحده ماقدر اتحرك نهائيا خلاص ابى اولد اتعبت من الالام

[رؤوم]

كيفكم كروشات
مافي اخبار عن بنت النور

يارب تدخل و تطمنا عليها

انا فتح الرحم عندي قبل ٣ اسابيع ٢ ونص سم
عشان جاني مغص كلوي

وقبل كم يوم كشفت علي الدكتوره وكان مقفل
( مغلق الرجاء عدم الازعاج) البيبي يقول. >.<

الظاهر الجلسة جوا تعجبهم

[Wasan,]

هههههه .. يا الله هانت رؤووم قربتي وبتتركينا ... الله يسهل عليج حبيبتي

[رؤوم]

الله يسلمك وسن
وكلها تساهيل من رب العالمين

الله يسهل الولادة لنا اجمعين

[ام شهد&]

انا على حساب الدوره خلصت الاسبوع 40
وحساب الاشعه هذا الاسبوع الاربعين
قالت الدكتوره بنسوي لك اشعه صوتيه مره ثانيه نتأكد انتي بأي اسبوع
الاشعه يوم الاثنين ان شاءالله
ولا في اي بوادر للولاده
الله يسهل ويعجل بولادتنا يارب

[جنون بيبي]

رؤوم ان شاء الله انها هانت وقربتي بإذن الله

ام شهد الله يهون عليك بارب

[حنونة المشاعر]

وانا بخلص ال40 ومافي ولادة


تكفووون ادعوولي اولد بصحة وسلامة انا والبيبي


تعببببت ولله الحمد

[احلا نغم]

حروف
الله يعينك ي قلبي ان شاء الله يتعدل باقي معك وقت كثييير

رؤوم
ههههههههههههه
اي شكلهم مسوين اضراب ما احد يبي يطلع منهم ههههههه

ام شهد
ي عمري الله يسهل عليك يارب
و علينااا


حنوونه الله يسهل لك قريب يارب


هاانت مابقى الا القليل

[حلا 1985]

صباح الخير

كيفكم كروشات .. السبت الصبح رحت مراجعتي وسوت لي الدكتورة تخطيط وراحت سوت عملية حق وحده حامل ولما الممرضات شافوا التخطيط قالوا ماما هذا ولاده ولاده وارتبكوا قالوا مافيه روح انتظري الدكتورة تطلع من العملية مع ان دوامها انتهى .. وفعلا نزلت للعياده شافتني الدكتورة وكشفت تقول يادوب فاتح 1 سم << واخيرا فتح ابدا ماتوقعت بيفتح ربي لك الحمد

والالم مشتد معي .. طلق ..واحس المنطقه الي فوق العانة بالضبط على الخط لي بين البطن والعانة شي يعور ويفرك بقوة تقول امي هذي الالم توسع عنق الرحم .. قالت الدكتورة موعد ولادتك راح ننتظر على السبت الجاي ان شاء الله .. احتمال دام الرحم فتح وانتي بكرية باي لحظة تجي مويا الراس اذا جات تعالي لنا على طول

[حلا 1985]

وحشونا مناير وبنت النور .. مدري وش صار عليها