فضفضة مجهضآت ..(

[جنون الحب]

السلآم عليكم :)

مبـآرك عليكم الشهر الكريم ..إن شاء لله من عواده

موضوعكم حلو يخفف على الوحده مشكوره صاحبة الموضوع مـآقصرتي ^^

أنـآ لي ثلاث شهور ونص من ولدت ولأده مبكره بأول الخامس

أمممم السبب مجهول قالولي يمكن ألتهاب بول عزكم الله و دكتوره ثانيه تقول يمكن لأن الرحم ذو قرنين

مع ان ثلاث أطباء شاطرين قالولي بسيط ومـآيأثر فـ أنـآ مستبعده انه يكون شبب بالولآده المبكره عندي لأن سيحان الله ناس بنص رحم وتحمل وتولد عادي ^^ أقول يمكن من الألتهابات لأنها تظر ولأن كان عندي نزيف يالشهور الأولى ربي مو كاتبه لنا
كنت محافظه على حالي بس لمـآ أستقرت حالتي الدكتوره اللي اراجع عندها الله يسامحها فجأه قطعت عني كل شي الأبر المثبته والحبوب وحتى الفوليك وماصرت اخذ غير الحديد ومو بشكل منتظم <_<
وقبل الاجهاض بيوم زوجي كان تعبان مره وكنت مو قادره انام ولا ارتاح وقمت ارتب بالبيت وشغلات تنظيف وسالفه وحسيت ظهري انقص من التعب وبعدها بيوم تعبت >< وكان طبيعي وأحس بحركته الصباح وفجأه بعد العشـآ ألم ومقص ماكنت عارفته انه ألم الطلق لأني بكريه و مـآ هان علي الألم الا بعد ما انكب ماي الجنين ><
ياربي كـآن يوم مأساوي ربي لا يعيده علي ولا يوريه اي وحده :(
والحمدلله على كل حال مـآأفكر أحمل قبل لا أكمل الستة شهور قالتلي الدكتوره أفضل
دعواتكم لي بالحمل السهل اليسير والدكتوره أعطتني موعد تصوير لتتأكد من حالة الرحم في شهر 10 >< مواعيد المستشفيات الحكوميه مره بعيده الله يعين وتقول يمكن تحتاجي أشعه صبغيه بس متردده وزوجي رافض مو راضي يقول توكلي على الله لا تخلينهم يلعبو فيك حملتي مره والحمدلله ماتأخرتي يعني فيه امل للحمل مره ثانيه لا يقعدو يخبصو فيك ,,خايفه حيل تتكرر معي القصه مره ثانيه لاسمح الله
الله يعين :)