الغاليات بنات فلسطين اتفضلو هون.....

[كبريآء أنثى ـآ]

ههههههههههه فعلا برمنا ما بخلص خلص بشوفك بعد الساعة 2 الظهر ان شاء الله
بنكون مخلصين شغلنا ومستريحين هع هع وبتكون أجت الكهربا عندك
والله راح أشتاقلك يا عسل ..
بس ماحكتيلي من أي بلد إنتي ؟؟
والله اتسليت كتييير معك

[نور العمر]

الله يكون بالعون

وحالة حماتك صعبه خصوصي لما تكون حاله نفسيه وتعويض نقص

بدك تسايريهااا ربك بطلعو الك ب اولادك واجر وثواب

[كبريآء أنثى ـآ]

ان شاء الله ربنا بفرجها
خلص روحي نامي وأنا كمان بدي أنام
تصبحي على خير ياعسل

[نور العمر]

وانتي بخيررر

بشوفك بكره ...

[كبريآء أنثى ـآ]

صبآآآآآآآآآآآآآآآآآآآآآح الخير
شايفة يا نور طفينا ع 3 ونمت ع طول وهي الست صحتني ع 10 والله ميتة نعس
يلا بنام بعد العصر

[كبريآء أنثى ـآ]

شووووووو وين الصبايا ؟؟
صارلي كاتبة الرد من 10 وهلا الساعة 1 ونص مافي حد رد بعدي ؟؟؟؟؟
ممممم ع العموم انا رايحة كمان ساعة ع بيت اهلي بشوفكم بس اروح او اذا فتت من عند اهلي

[حواء مثالية]

يسعد اوقاتكم يا حلوات كيفكم يارب تكونو بخير

ام اسيد منوورة ياقلبي حبيبتي انتي " والجبنه الي حكيت عنها غير الجبنه الصفرا هيك اسمها جبنة كشكوان ذوقييها ما رح تندمي

ام مروان ونور العمر سهرتكم كانت حلوه لو عرفت اجيت ابقو نادو علي

بالنسبة لحماتي انا مو سهلة ابدا بس كمان انا ما بخليها تدخل فينا وبحياتنا بحترمها بقوم بواجبها وما بقصر معها

وبالنسبة للشغل يا ام مروان هي ساكنه بشقة جنبي الباب بالباب ما بعمل معها اشي الا بالمناسبات ومرات انا من نفسي بلاقيها حايسة بساعدها ووقت ما يكون عندي شغل طبعا

كانت تعمل قصص ومشاكل على هالموضوع خصوصا لما يجن بناتها يزورنها ليش كنتك ما بسوي معك هي احنا حمواتنا كلشي بنسوي الهن ومن هالحكي بتقلب يوم يومين وبعدها بترجع عادي ماشاء الله صحتها منيحه وقادرة تشتغل وعندها بنت بيت

يعني الواحد باخد بنت الناس ليستعبدها انا كمان بهالموضوع زوجي بوقف معي بحكي انا ما بحب مرتي تتعب وبكفيها شغل بيتها واولادها

لما اجت سلفتي قبل اربع شهور تزوج سلفي بنتها لحماتي بتحكي انه كل واحده بدها تجي يوم تشتغل لامي شغل البيت وتعمل معها كلشي طول النهار رد حمايه بحكيلها انتي شو دخلك بهيك قصص انتي بتجي ضيفه هون وهاد الحكي ما الك في من يومها ما عاد انفتح الموضوع

مممممممم بتصفي انه كيف انتي بتكون علاقتك مع حماتك حتى لو كنتي انتي كنتها الي معها بالبيت المفروض تشاركك بكل شغل البيت بعدين انتي المفروض تعملي كلشي لبنتك وبعدين تشوفي شغل البيت جربي هيك مره خلصي كل امور البنت من الصبح ولما تجي تقلك لي ما تشتغلي احكيلها بلشي انتي لوقت ما اخلص للبنت وبجي بساعدك وبنكمل مع بعض هيك مره على مره بتتعود وبتصير تساعدك او انتي رتبي البيت وخلي الجلي احكيلها ما لحقت البنت بتضل تبكي يعني هاد الشي بايدك

لانه بكرا راح تشوفي قدي راح تتذايقي لما سلفتك تجي ضيفه ما تشيل كاسة معك لانها ساكنه لحالها وتكوني انتي الكنه الي حامله كلشي على راسها

[ام عبدالله لولو]

مساء الخير يا صبايا
ام مروان يسعد مساكي ان الله بتتهني عند اهلك بتنوري باي وقت
حواء هلا فيكي يا عسل هههههههههههه والله ضحكتيني من قلبي انا ما بعرف اعمل هيك ههههههههههه بخاف ما عندي قلب اعمل هيك انتي قووووية هههههه بتاخدي حقك شايفة منيح الي انا مش ساكنة عند حماية بروح زي الضيفة وبروح ههههههههه

[نور العمر]

مين هووووووووون........

[نور العمر]

حواء وام عبدالله وهدوء والله السهره امبارح كانت ناقصتكم .... المهم كيفكم وشو اخباركم ...

كلام حواء صح بالنسبه لحماة ام مروان انا مابقول انه ماتساعدها بالمره بس لازم يكون فيه شوية تعاون زي ماحكت حواء

بس اذا شغلت كم شهر وطالعه من عندهم اتحملي هالكم شهر بعين الله ...

ام مروان كيف اصبحتي نيالك والله صحيتي ع ال10 انا صحيت 6 صبح ولهلء صاحيه خخخخ

هدوء ربنا يقومك بالسلامه وتشوفي محمد بصحه وعافيه ...