تجمع = ( الأمل بالله عزوجل) الخليجيات أمهات المستقبل

[سوسو الحلوا]

بنات كل وحده عندها خاتم التسبيح نستخدمه اليوم ونستغفر أكثر من عشرة الآف مره
انا نويتها اليوم لان موعد دورتي بكره وماابيها تجي ابي اكون

[حياتي توأمي]

المشاركة الأصلية كتبت بواسطة سوسو الحلوا

بنات كل وحده عندها خاتم التسبيح نستخدمه اليوم ونستغفر أكثر من عشرة الآف مره
انا نويتها اليوم لان موعد دورتي بكره وماابيها تجي ابي اكون

افضل شيء تسوينه

الاستغفار
عن تجربه

اقصد عن تجاااارب ناس كثيره

وطبعا تجربتي مع الاستغفار نتيجتها مذهله استمري حبيبتي

[سوسو الحلوا]

حامل بإذن الله تعالى
ياجبار القلوب ياجبار القلوب ياجبار القلوب اجبر قلبي هذا الشهر فقد ضاق صدري وتحيرت في امري وانت العالم سبحانك بسري وجهري القادر على تفريج عسري أسالك بكل اسم هو لك سميت به نفسك او أنزلته ف كتابك او استاثرته ف علم الغيب عندك يامن اذا دعي أجاب واذا *سؤل *اعطى واذا استرحم رحم ارجوك ياربي ان ترزقني الحمل السليم الثابت . عاجلا غير اجل هذا الشهر ياارحم الرحمين انا وجميع أخواتي ف هذا التجمع وخارجه

[سمآيل]

فديتك بنات
و الله صدق خوات توي مسجله امس و فقدتكم اليوم

اول شئ حبيباتي ادعولي ان ربي يوفقني عندي اختبار اليوم لأني مأخذه صيفي



......
الفجر صليت و دعيت لكم كلكم و الله
الله يرزقكم الذريه الصالحه يااااارب

آليوم ان شاء الله بروح المستشفى عند دكتوره يمدحونها
و بإذن الله أقلكم وش صار


..............

سالفة الصياح كلنا و الله ننعزل و نبكي و نصيح
لكن ما عمري بينت لحد ضعفي و ان ودي باطفال

مع ان الكل يدق بالكلام
قبل فتره قالتلي وحده انتي لسا ما جبتي عيال
زوجك عادي روحي تعالجي انا بنتي جابت بنت و انتي لسسا تقرا زوجك بيطلقك
كيف جاتني قوه ارد ما ادري بس قلتلها انا لسسا ما أبي حتى اخلص دراسه و زوجي الحمد لله يحبني و شايلني من الأرض و لا عمره قالي احملي او ضغط علي
و هربت غرفه. ثانيه و جلست أصيح

يا بنات و الله الحين بنتها في مشاكل و بتتطلق ... و يعلم الله اني ما ابيلها هالشي و ادعيلها بكل خير


اسأل الله ان يرزقني توأم ،
صراحه ودي اخلص دراسه من هنا و أولد من هنا
و ربي قادر ع كل شئ في معجزات كثير سمعناها او شفناها

انا اعرف حرمه ٢٠ سنه متزوجة و لا انجبت
و الحين ماشاء الله عندها ولد
تدرون كيف علاجها ؟

كانت تقرأ سورة البقره يومياً بنية الحمل
و كانوا الناس يقولولها خلاص انتي عقيم مافي أمل
بس ربي قادر

طولت صح بس تراني ثرثاره و ما افتح مع احد هالسالفه و انتم خواتي اللي تحسون فيني

[جمانة نور]

سمايل الله يرزقنا وإياك وكل المحرومين ويجبر خاطرنا بتوأم سالمين معافين حافظون لكتاب الله توكلي على الله حق توكل وخذي بالأسباب وبأذن الله رح تفرحي بحملك ياااااااارب يا كريم

[أم تميم1]

ياحبيبتي حياتي تؤامي ربي يتقبل منك ويستجيب دعواتك ولك بالمثل ياارب ويتمم عليك بخير
بنات من جد زعلانه عليكن ليش كذا ليش البكاء والزعل
شكلي بقول قصه حياتي قبل الزواج وبعد الزواج علشان تهون عليكن همومكن
بس ماابي ازيد عليكن كلن عنده هم لانقول الا الحمد لله على كل حال
رضينا بقضائك وقدرك يارحمان رضينا بحكمتك فلك الحمد اولا واخيراً
حبيباتي تعالن كل وحده تقول نصائح مهمه علشان كلن نبدأ نطبقها ونسوي جدول لازم الكل يمشي عليه وبإذن الله
ربي راح يسهل وييسر حملنا عاجلا غير اجل

[أم تميم1]

بسم الله نبدأ النصائح لازم تكون دينيه وطبيه وغذائيه وعشبيه
 حلوه عشبيه تجي او ماتجي
وكل وحده من تجربتها وخبرتها ولو بسيطه لازم تنزل النصائح والفائده علشان كلنا نطبقها
ماندري وين تكون البركه وباي سبب راح ينفعنا به ربي بحملنا

من تجربة اختي خمس سنوات ماحملت ولما جمعت بين الطب والرقيه والعلاج بالاعشاب قصدي وقت الدورة ربي رزقها بالذريه ربي يحفظهم لها

-اهم نقطه المحافظه عالصلاة بوقتها
-سورة البقرة مهمة مهمة مهمة اختي استمرت ست شهور وبعدها حملت وزميلتي استمرت فتره بسيطه وبعدها حملت ببركه سورة البقرة
- القهوة ممنوعه عن جميع من تفكر بالحمل حاولي بالبيت تسوي قهوة الشعير تروحي للعطار وتجيبي منه لكن بدون اضافاته خوذي شعير مطحون بدون اضافات
- الاكثار من الماء والفواكه والخضروات مهمه
- طبياً كل وحده منا لازم تحلل عن فيتامين د وهرمون البروجسترون وغيره من الهرمونات
وليش ذكرت اهم شي فيتامين د لانه راح يفيدك جسديا قبل الحمل علشان بالحمل ماتتعبي وهرمون البروجسترون يسمى هرمون الحمل اذا قل عن الطبيعي اخر الحمل او اذا صار حمل وصار فيه نقص سبب اجهاض
طبيا ايضا فيه جل اللي سالت حياتي توامي وجمانه عنه اللي لم يسبق احد منكن جربته لازم تجربه ايام التبويض
ايضا الصدقه لاننساها
ايضا حسن الظن بالله والثقه به اهم شي
وايضا طبيا اللي اسنانها تعبانه تبدأ تشتغل فيهن الحين قبل ماتحمل علشان ماتتعب
وننتظر نصائح الجميع وتجاربهم *

[أم تميم1]

وايضا بحثت عن تجارب كثير من البنات في لصقه الظهر اللي تحط باسفل الظهر اخر ايام الدور وتساعد على الحمل
وخلطه الرويس للحمل
ووالبردقوش مع الميراميه وحدة من زميلاتي كانت تستخدمها علشان التنحيف وحملت بسببها
نقطه مهمه جدا جدا جداً
لازم كل وحده تصير طبيبه لنفسها يعني كيف طبيبه يعني ماتستخدم اس شي وبعدين يضرها تعرف وش اللي يضرها وينفعها
يعني انا ودي اجرب البردقوش والميراميه بس مااقدر السبب لاني دايم تتكون عندي اكياس لذا ممنوع استخدمها لانها منشطه وحالتي مايصلح لها
لي تسع شهور اعالج اكياس المبايض ومارضت تروح والسبب لانه ماعرفت اتعامل مع حالتي زين
المفروض اول شهر تروح فيه استخدم ابرة التفجيريه لانها راح تساعد البويضه تخرج بدون مايتكون كيس وسبب تكون الاكياس ان البويضه تكبر وتكبر وماتنفجر
المهم الحين عرفت السبب والمشكله ولازم مااخبص بالاشياء اللي تضرني
نجي لمن تعاني من نقص هرمون البروجسترون من خلال حالتي اقدر اشرح لكم كيف تعرفين اللي تنزل كدرة بنيه قبل دورتها اكثر من خمس ايام هذا عندها نقص ولازم تروحي تتاكدي لانه اذا صارت حالتك نفسي لازم دايم تاخذي الدفاستون قبل الدورة وخبري طبيبتك تصرفه لك كل شهر ومتى تبدين تستخدميه قبل الدورة
لانه لو قدر الله وحملتي احتمال كثير يصير لك اجهاض او حمل ضعيف والسبب نقص هذا الهرمون
وافضل كلنا نبدأ باخذ فيتامينات لتقويه اجسامنا قبل الحمل
و*

[حياتي توأمي]

سمايل

حبيبتي الله يوفقج يارب بالاختبار وبتفوق ان شاء الله

حبيت اضيف نقطه على كلامك الطيب اللي يبث بالأمل

انا خالتي ظلت 18 سنه بدون عيال ويوم زوجها قرر يزوج عليها طلعت حامل سبحان الله وزوجها ماتزوج عليها
شفتوا ربكم كريم ماينسى احد من عباده

استغلوا الفرص استغلوا هالايام المباركه المفتوحه لأبواب الرحمه وتصدقوا ولو بالقليل بنيه الحمل وشوفوا الفرج بإذن الله
والاستغفار
الاستفغار
الاستغفار

موفقين جميعاً يارب

[حياتي توأمي]

كرووشه متفاءله

ياقلبي جزاج الله خير على هالكلام الطيب
والنصائح الذهبيه والروح المعنويه العاليه
انا قبل حملي كانت روحي المعنويه مثلك بالظبط لازعل ولاشيء بالعكس كنت اقول متأكده ربي بيرزقني وكنت سبحان الله متفاءله مع ان دايما بعد علاج المنشطات اتفاءل بالحمل واتفاجأ بالدورة تشرف لكن شوفوا كرم الله لأني ايقنت ووثقت واحسنت الظن بربي انه راح يكرمني اهم شيء يابنات تكونون واثقين الله بيرزقكم وتحسنوا الظن فيه
يقول الحق سبحانه وتعالى : "أنا عند ظن عبدي بي إن ظن خيرًا فله وإن ظن شرًا فله".. رواه مسلم، وهذا الحديث يدفعنا إلى أن نفهم ونحن نتعامل مع الله في البلاء بالخير أو البلاء بالشر كيف نتعامل معه ونعلم أن ما نظنه فيه سنجده بإذن الله تعالى


بنات كل أمر من الله فهو خير لنا فالحمد لله على كل حال

اسأل الله ان يرزقكم يارب من واسع فضله وكرمه اللهم آآآآآآآآآآآمين