دردشة بنات ليبيا , دردشة حوامل ليبيا , تجمع بنات ليبيا

[dr.loly]

طلعنا من السكوير بعدها وخشينا محلات لقيت حاجات روعه وخيال بس للاسف الجسم لايسمح لان المقاسات يادوب يخشن ف باربي خخخخخخخخخخخ.. هذا بالنسبه لقطع المناسبات والافراح يتسمن بالرقي والبساطه ..

خشينا بعدها لتيسكو مارك هذا متاع خضروات وفواكه ومواد غدائيه كامل عاجب زوجي شرينا منه مستلزمات غدائيه
نا عجبي ويلكينسون مارك افضل منه لان فيه قسم خاص بمستلزمات البيبي شفته بطلعتي الاحد جبت منه شامبو للعيال وعضاضه وبودرة ... اليوم جبت منه طاقم اكل لفراس ولوشن ومرطب واميـــــــــــــــــــــــــــــــــة غريب الاصليه ماصدقتش عيوني بعد شفتها لان اللي عندنا مصريه والحق ماعطيتهش لهم... لان الاء عندا غازات ومغص هالايام بالك يريجها


عموما كانت تدهويرة وشوبنق نايس بكل وقالي زوجي ماتخافي دام جتنا الكروسه والقرايه مازال الاثنين تبدا كل يوم اطلووووع

[dr.loly]

يوم الاحد 16 6 فاذرز دي... عيد الاب عرفته منهم دايرين دعايات عليه ف كل مكان وف محلات كاتبين ف هدايا واشياء مميزة يوم الاب وهو جاي في عطلتهم بالويك اند ... يوم الاحد الجاي..

[dr.loly]

روحنا جري جري... لان موعد الدكتورة قرباللي بتجينا عشان يسجلوا العيال ونا عند المراكز الخاصه .. نحن يادوب خشينا ورنوا علينا الفندق الاستقبال تحت انه جت نزل زوجي جابها وجت وكانت لطيفه بكل... وشرحتلنا ع الخريطه اقرب مستشفيات وعيادات خاصات للاطقال من موقع سكنا اللي حصلناه امس..

عليك اهتمام عندهم بجد.... سألته ع التطعيمات قالتلي في الهيلت فيستور أي زوار الصحه يجوك كل شهر يشوفوا العيال ويديرولهم جدول خاص بنموهم وتطورهم و وزنهم وطولهم واكلهم ... ومشاكل التسنين عندهم هنا بحثت فيا واضحكت قالت والا هذي انتي مش محتاجتيها عشان انتي دكتورة اسنان...
عموما قالت هم اللي يعطوا التطعيمه ياخدو الموعد امتي ويجوك لعندك بالبيت عند موعد التطعيمه



وسألت عليا بالتفصيل عن صحتي وامراض النساء وموانع الحمل وكذا اشياء قالتلي تبي طبيبه اتباعك قتلها ياريت هههههه


وبعدها قالتلي امتي اخري صورة درتيها للرقبه والعمود الفقري قتلها مادرتش استغربت ههههههههههه استكت

قالت كيف .. قتلها كيف قالت هنا النساء من سن 23 الي 64 لازم يديرو هالصورة كشف مجاني طبعا كل 3 شهور اقل شئ وحسب رغبتك اهم شئ ماتمرش سنه الا وانتي داريتيها قتلها لا مافش هالشئ ببلدنا ...



اه اسم الله علينا مع ان مفروض الليبيات يديرنها نحن اللي نضموا ونديروا ف شغل البيت ونكنسوا ونغسلوا هم صبايهم رياضه واهتمام ومش هذكا التعب ف البيت كيفنا... منين بيجيهن الغضروف ومشاكل العمود الفقري والظهر وغيره

[dr.loly]

[dr.loly]

تـــوما نورتي اخـــتي ... واشكرك ع تلبية دوتي للتجمع ... كلك ذووق

[شموسه 88]

ماشالله ام فروسي امتاعتيني ابجد بشوبق امتاعك عيشتيني امعاك لحضه ابلحضه

ربي ايخليلك زوجك وايهنيكي

[شموسه 88]

ام فروسي في سوبر ماركت عالمي اسمه اس ام اسالي عليه اكيده عندكم منا حتى هوا ابداع وايجيبوا في لحم الحلال والخبر العربيه

[dr.loly]

المشاركة الأصلية كتبت بواسطة شموسه 88

ام فروسي في سوبر ماركت عالمي اسمه اس ام اسالي عليه اكيده عندكم منا حتى هوا ابداع وايجيبوا في لحم الحلال والخبر العربيه

ماقابلنش واصلا مازلنا نكتشفوا ف البلاد... والخبزة يجيب فيها شبيه بخبزتنا ف محلات خاصه بها بالفردة يبعيوا تقريبا تساوي 500 درهم بعملتنا الفرده

[شموسه 88]

من قبل لما كنت في الصين لما نمشي لشوبنق لما نلقا كلمت (حلال)عل اي حاجه الله نفرح نمشيلها جري

[dr.loly]

الحلال لحم ودجاج مازلنا ماقابلنا بعد ننتقلو للشقه اكيد حيدور زوجي... بس توا اكل حلال جاهز ناخدو فيه ديلفري من مطعم اسمه الباشا........... صاحبه فلسطيني