تصرفات دكتورتي سببتلي ازمه نفسيه

[جذور]

يارب تبشرينا بحملك قريب ان شاء الله

دعواتي لك يالغلا

..

[سوزان الرياض]

المشاركة الأصلية كتبت بواسطة خلف أشعة الشمس

يارب تبشرينا بحملك قريب ان شاء الله

دعواتي لك يالغلا

..

تسلمين حبيبتي
الله يهون عليك ويتمم عليك بخير

[درين]

الله يرزقك يارب بالقريب العاجل ويفرح قلبك وقلب زوجك اللهم امين

[سوزان الرياض]

المشاركة الأصلية كتبت بواسطة درين

الله يرزقك يارب بالقريب العاجل ويفرح قلبك وقلب زوجك اللهم امين

اميين
تسلمين حبيبتي

[طالبة انتساب]

الله يرزقك الذريه الصالحه

[فوضت امري اليك]

الله يصبرررررررر قلبي وقلبك ييييييييييييارب
ويرزقناااااااااا جميعا الحمل السليييييييييم المعافى


عليييييييينا بالاستغفارررررررررررررر

استغفرالله العظيييييييييم من ذنب ياخر حمليييييييييييييي

ياكريم ارزقني وارزق اختي سوزان الرياض من حيث لا نحتسب

[خوخهـ]

بعدين اذا انتي بالرياض
روحي لدكتور عبدالعزيز الشهراني بمركز بنون الطبي
دكتور فاهم وشاطر وكان بالتخصصي وفتح عياده خاصه له
من تزوجت اراجع عنده وحملت عنده بعد الله
لاتروحين لحريم ودكتورات ترى ماعندهم سالفه

[طفلة خذت قلبي]

لاتذكريني بمعاناتي انا كنت قبل الزواج رايحة انظم الدورة
قالت لي مافيج شي وكل شي تمام وكانتت امي رايحة معاي
وما تنظمت عندي الدورة بالعكس اختربت اكثر قامت ماتجيني الا بحبوب
ورحت اراجع عندها بداية زواجي على تنظيم الدورة
تركت مشكلة التنظيم وقالت لي لازم اعالجج علشان الحمال
قلت له انا وزوجي متفقين مانبي الحين
قالت لا لازم قلت لها مانبي يوم شافت مافيني فايدة عصبت علي
بعدين قالت لي عندج تكيس في المبايض
وطلعت لي مشاكل شكثرها انقهرت وقمت ابكي
وصارت نفسيتي حالتها حالة
بعدها قطعت عنها
ودورتي هونت ماتجيني
واذا ماجاتني 3 شهور ابلع حبوب تنزل الدورة
واذا جاتني اتعب من اول ماتجيني لين تخلص وبعد ماتخلص تجيني الام قوية
بعدها يوم صارلي من تزوجت سنة وشهر تركنا المانع
وماحملت بعدها رحت اراجع عند حكومي
قالت لي تبين انظم الدورة ولا تحملين على طول
قلت لها لا ابي احمل على طول
سوت لي تحاليل كاملة
قالت لي بس في خمول في المبايض وبعطيج منشط
وعطتني المنشط وعلى طول حملت
من اول شهر
بس تاخرت شوي يعني تميت 4 شهور وانا اراجع عندها
مو لان في مشاكل بس على ماطلعت التحاليل وكل موعد بعيد كثير عن الموعد اللي بعده
بس الحمد لله في النهاية طلعت بنتيجة حلوة
وللحين انا اتابع معاها حملي
وميتة عليها احسها فاهمتني كثير احسن بمليون مرة من الخاص
ياليت بعد هي اللي تولدني
بس حسافة هي مستوصف مو مستشفى

[طفلة خذت قلبي]

على فكرة انا كنت استعمل حبوب
هي تجي فيها 21 حبة نصهم بيضاء والنص الثاني بنية
تاخذينها وبس تخلصينها 4 ايام وتجيج الدورة
واذا بتاخذينهم الشهر اللي بعده تتمين بعد ماتخلص الدورة خامس يوم تاخذينهم مرة ثانية
انا كنت اخذهم وخذتهم علبة كاملة وانا حامل ولا كنت اعرف ويوم عرفت قالت الدكتورة
ان ماأثر فيني ولا شي هاذي صورته

اسمها حبوب climen
انا استفدت عليها كثير