دردشة بنات العراق, دردشة حوامل العراق , تجمع بنات العراق

[شعور الامومة]

شلونكم بنات شخبار سراوي وتارة حبي شلونج
مراوي كنتي رفيقة الصباح هسة حتى متسألين تحياتي الج ام نورة
ميوش حبيبة قلبي مشتاقين
ام سحلول ام كوكة زنوبة قمورة ام جمانة جمجم ليلي روز والبنات الجدد بعدني محافظة اسمائكم وكل البنات

[الكاردينيا]

ياهلاااااا رقااوي منوووورة حبي ليش ممجاوبة لازم ملتهية بالانشطة السيكو بيكو ههههههههههههههههههههههه

وبالنسبة للصيديلة تدرين حدايق وين نروح هههههه


ام جوقي نورتي ويااارب يسهلها عليج وطبيعي الالم بالسابع لان النونو كبر ومادام الحركة طبيعية اتحملي
ويارب يسهلها عليج وافضل متاخذين اي علاج الة الدكتورة دكلج اخذي

[شعور الامومة]

المشاركة الأصلية كتبت بواسطة الكاردينيا

ياهلاااااا رقااوي منوووورة حبي ليش ممجاوبة لازم ملتهية بالانشطة السيكو بيكو ههههههههههههههههههههههه

وبالنسبة للصيديلة تدرين حدايق وين نروح هههههه


ام جوقي نورتي ويااارب يسهلها عليج وطبيعي الالم بالسابع لان النونو كبر ومادام الحركة طبيعية اتحملي
ويارب يسهلها عليج وافضل متاخذين اي علاج الة الدكتورة دكلج اخذي

ياسيكو يابيكو كلشي ماكو بس مريضة شوية وهسة راح اروح صخنت وراسي ديوجعني باااااااااااي وسلامي للكل

[الكاردينيا]

سلاااااامتج حبي ماعندج غير العافية ياااارب الله وياج

[o فرح عمريo]

صباااح الورد والعااااااااافيه ع عيونكم الحلووواااااااات
شخبار الكل يارب بخير
طبعا اني اليوم مرتاحه نفسيا لأن المديره كالت لتجون ماكو شي لأن السبت امتحانات
انتو شخباركم شكوش ماكوش

[o فرح عمريo]

هلووو سموره شخبارج حياتي وشخبار النونو يارب بخير

تاره عمري اني بخير اسأل عنج حياتي انتي شخبارج وشخبار النونو ؟؟

مراوي ام نور شلونج عمري شخبارج ويه كعدة البيت مرتاحه ان شاء الله
لا ولله ماماخذه اي لقاح وكالت ميصير الا تكملين الرابع وتدخلين بالخامس بعد ماادري ؟؟

ام جوقي سلامتج عمري ومية هلا بيج ويانه واعتقد الالام طبيعيه بالسابع بس حاولي تريحين نفسج وبالنسبه للعلاج ماعندي خبره بس انصحج لتاخذين اي شي بدون وصفه الدكتوره

رقاوي سلامتج حبي مابيج غير العافيه

زنوبه ماكو صوره اهئ اهئ حاولي فدوه ولله مشتاقيلها لكوكي

باقي البنات وحه وحده شلونكم يارب بخير

[بشارة]

ورجعنالكم ثاااني

بنات حبيبااتي اني تواجدي ذيج الفتره قليل لان اني مريضه
ومدا اقره الصفحات الا ماندر يعني من اكدر افتح عيني هههههههه ومن مشكلله عندي كحه وافلاونزا اصلا نت ما افتح مو بس عيني هههههههههههه واكثر الاوقات افتح نت من التلفون و الشاشه ماتساعد استرسل بالكلام و التلفون اللمس مزعج كلسع اغلط بالاملاء

لذلك يمكن دتلاحظون حتى من اسلم ما اكتب اسماء ...اسلم عالكل قاطبة و اكول شلونكم اخباركم ان شاء الله بخير ... لان اسم الله عليكم وجع الي بيه ما اتمناه حتى لعدوي
فماريد احد يزعل مني لان كلكم عزيزات

المشاركة الأصلية كتبت بواسطة شمعه امل

هلالامروووة حبيبتي انت شلوونك ونورة شلونه الله يخليك طمنتيني كنت موهسه من دوا الالام الدوفيلان وفعلا الحبوب اسمها فيرو فوليك اعتقد صناعتها امريكية بوقت مصطفى كانت حبوب بيها الوان متل الي وصفته فرح وسمر
وكتبتلي كالسيوم الفوار اقراص لان عظمي دياذيني كالت انو بش 4 نبتدي ناخده الله يسهل لنا يارب وكلنا نولد بيبي بالسلامة يارب

مبتديتي بجهاز نورة لانك دخلتي السابع يارب تمي حملك بالسلامة وتجيكي احلى نورر

توته حياتي والله مشتاقتلج كومه تسلميلي على دعواتك الحلوه ربي يسهل عالجميع حملهم و ولاداتهم ويفرحوون باولادتهم امين يارب
و الله بالنسبه للجهاز فأن شاء الله كمل ..ماما كالت من توصلين لشهر الثامن اتجيبلياه لبيتي هههههههه ماتقبل تنطينياه هسه

بالنسبه ياعمري للحبوب... هذه الحبوب من دخلت الشهر الرابع بديت اخذها اتصير كبسوله لونيين لون شفاف ولون اخضر وبداخلها خرز ملونه ...مفيده هذه كلها معادن

المشاركة الأصلية كتبت بواسطة الكاردينيا

والله سألت الدكتورة كالت بالحمل الثاني ماكو لقاح لان بالاول اخذت 3 لقاحات

واخت زوجي بالحمل الثاني راحت للرعاية كالولها ماكو لقاح بالثاني من تولدين ينطوج لقاح

اااااااااااااااه هذا السؤال هوايه بي شرح هههههههههههههههه يكلفج حبي

شوفي حبحب
اذا كان هذا اول حمل الج فيؤخذ لقاح الكزاز كالتالي
لما تعبري نصف الشهر الرابع عالاقل وممكن ايضا تاخذيه في نهايته ... لما توصلين هذه المرحله تروحيين للرعايه تفتحين جدول لقاح وتاخذين الجرعه الاولى ... وبعد شهر على موعد اخذ الجرعه الاولى تاخذين الجرعه الثانيه .... وتتوقفي.... بعد شهر ونصف على ولادتك يعني بعد ماتكملين النفاس ان شاء الله تاخذين الجرعه الثالثه ..... وبعد ستة اشهر على الولاده تاخذين الجرعه الرابعه .... وبعد ستة سنوات تاخذين اخر جرعه منشطه في حياتك لمرض الكزاز
فيما لو اهملتي جرعات مابعد الولاده راح تضطريين في كل حمل اخذ جرعتيين ...
وعلى شنو .. كملي لقاحاتج و خلصي لان هذا اللقاح مزعج بالحمل ... اتصخنيين و يصير عندج خمول ونحول بالجسم و الايد اتورم لفتره يعني مزعج بشكل ... اني افضل اتكمليها حتى هاهيه ... وهو شي ماتنسيه لان مرافق للقاحات الننوش مالتج ان شاء الله

يالله حبي صارلي ساعه اكتب هههههههههه جيبي خمسه

المشاركة الأصلية كتبت بواسطة ام جوقي

مرحبا بنات اني حامل بشهر السابع وصار يومين عندي الم يضرب من ظهري على بطني اسفلها والالم مو طبيعي حتى الادرار (البول) قليل ومااعرف شنو السبب والطفل الحمد لله يتحرك بس الالم ماينوصف الي عدها معلومات خلي تفيدني لان تعبت وبالنسبة للحبوب الملينه هل هي مضره للحامل في حال الامساك وشنو اشرب اعشاب او حبوب تطرد الغازات مني تعبت ساااااااااااااااااعدوني

هلو ام جوقي نورتي

عزيزتي الالم طبيعي لا تخافيين ,, حجم النونو ديكبر ويضغط على كلشي هههههههههه
بالنسبه للادرار ... اذا كنتي ماتشربيين سوائل هوايه فهذه مشكله ... اول شي يصير عندج جفاف وهذا شي مو زين عالنونو اسم الله .. وثانيا يسبب التهاب مجاري بوليه وبالتالي ينزل الادرار متقطع يعني ينزل قليل و بالاقساط ههههههه
وثالثا يصير عندج امساك و انتي الاثنين عندج يمكن ....... تين الموصل ابو الخيط
بالنسبه للقضاء على الامساك .. انصحج ... تاكلين عالريك تين مجفف
او تاكلين مشمش مجفف ..اقصد بيها الطرشانه اللينه كلش مفيده
واي شي يسبب الامساك حاولي من تاكليه تضيفيله شويه زيت الزيتون يعني مثلا اللبن اذا كنتي تاكلين لبن شويه حطي قطرات من زيت الزيتون وتره طيب والله لاتخافين
وبالنسبه للغازات هههههههههههه فأطلقي لها العنان لان ماكو غير حل

والله يكومج بالسلامه و يجعل ولادتك سهله و يكون النونو بخير
انتي لان اول مره مراح اخذ منج فلوس

المشاركة الأصلية كتبت بواسطة شعور الامومة

شلونكم بنات شخبار سراوي وتارة حبي شلونج
مراوي كنتي رفيقة الصباح هسة حتى متسألين تحياتي الج ام نورة
ميوش حبيبة قلبي مشتاقين
ام سحلول ام كوكة زنوبة قمورة ام جمانة جمجم ليلي روز والبنات الجدد بعدني محافظة اسمائكم وكل البنات

هههههههههههه هلو رقاوي
رفيقة الصباح صارت حديقه معترف بيها بالبيت لان استقاليت خلص بعد مدا اكدر اداوم
و اني اسال عالكل لكن اسماء مااكتب ..ادخل اسلم واطلع
وانتم في القلب جميعا

قبلاتي

[شمعه امل]

والله مروة يابلاش كشفيتك جدااااااا رخيصه ههههههههههههه

مبروووووك جهاز نوره يارب ملبوس الهنا وتلبسه بالعافية
وبالنسبه للغازات هههههههههههه فأطلقي لها العنان لان ماكو غير حل

طبعا جملتك هاي موتتني ضحك فعلا بالحمل الغازاتـــــــ مزعجة وماله حل هههههههههههه

[بشارة]

المشاركة الأصلية كتبت بواسطة o فرح عمريo

مراوي ام نور شلونج عمري شخبارج ويه كعدة البيت مرتاحه ان شاء الله
لا ولله ماماخذه اي لقاح وكالت ميصير الا تكملين الرابع وتدخلين بالخامس بعد ماادري ؟؟

هلااااااو حبي كيفيييك و النونو شلونه ان شاء الله بخير
والله الكاعده بالبيت ملكه ههههههههههههههه هسه افسد وبعد ما اداوم

المشكله انه اني ضد كعدة البيت للمريه
لان احسها تنسحك ويه الوكت هههههههههه
يعني شويه شويه يبدي اهتمامها بنفسها يقل وياخذها شغل البيت وتهمل روحها
لكن الموظفه تبقى دائما تعتني بنفسها بحكم الشغل و الطلعه خارج البيت
و الاهم من هذا كلها ... الراتب مهم ..ينطي للمريه خصوصيه وحريييييييييييييه بالصرف

ان شاء الله ارجع للشغل بالوقت المناسب بس هالمره ادور تعيين حكومي حتى لو بعقد الى ان تفرج ويه هالبلد التعبان .. صارلي اربع سنين من تخرجت ولحد الان اقدم عالحكومي وما يطلعلي شي
حرامات درست وتعبت

[شمعه امل]

المشاركة الأصلية كتبت بواسطة شعور الامومة

هلوووووووووو شلونكم يا حواملنا الحلوات اليوم امتحنت ومجاوبت
سمر تارة ياعضاء حزب الحدايق شنو هذا الحوار البينكم صيدلية خوما صيدلية

وي ليش مجاوبتي لازم مقريتي بشنو ملتهيه
شفتي حواراتنا مسلية ههههههههههههه اكيد الحدايق هيك