دردشة بنات العراق, دردشة حوامل العراق , تجمع بنات العراق

~~شعور الامومة~~ · 12-23-2012, 09:06 AM

صباح الخير شلونكم مشتاقتلكم
الف سلامة عليج حبي سمر اهم شي تقرين قران قبل متنامين وانشاء الله ماكو شي هاي من كثرة التفكير
ميوشة قليبي شلونج اخبارج
فروحة سلامات حبي هذا الحمل صدك صعب الله يعينج حبيبتي
سرواي يابعد عمري عبوسي انشاء الله مابي الا العافية والله يتمملج على خير وتشوفين عبوسي كدام عينج
ملوكة اشتاقيتلج مكانج خالي ام السحلول
مراوي وتارة وميسم وزنوبة وكل البنات
والبنات الجدد ام قبس وبنت الاعظمية نورتو واهلابيكم

بشارة · 12-23-2012, 09:52 AM

صباح الخير بنااااات حبيباااتي شلووونكم

صباح الورد على عيوون النونوات كلهم الجاي للدنيا و البعده مجاي هههههههههه
الله يحفظهم النه و يجعلهم من الباريين الصالحيين

اقتباس:

المشاركة الأصلية كتبت بواسطة المغتربه المتفائله

هلوووووووو حبيباتي شلوونكم

اني اليوم رحت للمراجعه وسويت تحاليل وطلعت نتائجه طبيعيه
وكلت للدكتوره على حركه الطفل خلتني على جهاز يقيس نبض الطفل
ويعد حركته خلال عشرين دقيقه الطبيعي لازم عشر حركات
والنونو مالتي بس 4حركات حسيت بيه و3سجلهم الجهاز خفيفات
كالت تعبان شوي ولازم كل 5ايام اروح اسوي هاذه التخطيط
وعلى الايام الجايه نشوف شنو يصير بنات بعدني ما مرتاحه
وخايفه عليه ادعوولي الله يخليكم محتاجته لدعائكم

صباحوووو عمري شلونج
عمري انتي ان مع العسر يسر .. الله يكومج و يكووم عبوسي بالسلامه ونفرح بيكم .. لا اتوهسيين كولي يالله و الله شكاتب حنشوف
امييين يارب

اقتباس:

المشاركة الأصلية كتبت بواسطة gardynya

هههههههههه صحيح حقكم معرفت عن نفسي عمري 27 متزوجه وعندي 3 اطفال وساكنه بالسليمانيه وهنا ضوجه كلش لان بس اني وزوجي اهنا يعني اهله واهلي ابغداد وو اني جدا اسفه لان سجلت لقبي باسم كاردينيا لان واضح انه اكوصديقه قبلي مسجله بنفس الاسم فحتى متخربطون بيناتنا سموني ام قبس وتسلمين حبيبتي ام حمودي ع الترحيب h

مية هلا بيج ام قبس نورتي التجمع
اني اسمي مروه من بغداد ... وساكنه بالوزيريه .. وحامل بأول طفل ان شاء الله تجي بالسلامه ...طلعت بنوته و ان شاء الله اسميها نور ... فصيحيلي ام نور هههههههههههه

اقتباس:

المشاركة الأصلية كتبت بواسطة بنت ألاعظمية

السلام عليكم بنات شلون الصحة
اني عراقية جديدة ممكن انظم لدردشتكم

تحياتي للجميع .

مية هلا ببنت الاعظمية نورتي التجمع عزيزتي ... ماشاء الله صرنه هوايه ... الله يثخن لبننه هههههههههههه

ام حمودي عمري شلونج وحمدمد شلونه... الف مبروك دخولج الشهر الثامن الله يتمملك و يتمم للكل على خير امين يارب

ام جمانه عمري الف الحمد لله على سلامتكم الله لايشوفكم شر ويحفظكم و يستر عليكم وعلى الجميع

تاره حياتي شلووووووووووووووونج مشتاقون جدا ... النونو شلونه فدوه لعمره

رقاااوي رفيقة الصباح شلوونج عمري شو الاخبار ..؟؟

وبقية البنات حبيبااتي شلونكم يارب تكونون كلكم بخير وسلامه ...ام مهدي عمري مشتاقيلج طمنينه عليج

اليوم اني مزاجي برتقالي لان والحمد لله بعد مااحجي ويه الموظفه الويايه ..اييييييييييييييييييييي .... واخيرا خلصت شكد ثقيله
واني شلون طبع عندي ... الما احبه ماكدر اتعامل وياه

~~شعور الامومة~~ · 12-23-2012, 11:09 AM

ياهلا و100 هلا بمراوي ام نور حبيبتي شخبارج شكو ماكو مشتاقين يارفيقة دربي

بشارة · 12-23-2012, 11:21 AM

هلاااااو رقاوي عمري كيف الحال و الاحول ؟؟

والله اني الحمد لله بخير ماشيه الامور الله يتمم على خير ان شاء الله

انتي شلونج؟

المغتربه المتفائله · 12-23-2012, 12:47 PM

هلووو بنات شلووووونكم

قمورره سمر تاره ام حمودي مراوووي رقروق كل السألت عني حبيباتي تسلمولي الله يسعدكم ياررب واني الحمد لله زينه والنونو مالتي بعد حركته قليله بس شوي احسن ادعولي حبيباتي محتاجه الكم

شهوووده حبيبتي ورفيقه درربي منووره شلوونج والنونو شلونه ان شاء الله بخيرر

بنت الاعضميه وام قبس منوووورات كل الهلا بيكم

بشارة · 12-23-2012, 01:28 PM

ياهلا بأم عبوسي ... شونج عمري ؟؟.. وحبيب خالته شلونه يمه فدوه لعمره شوكت يجي و ينور الدنيا الله يجعله من ابناء السلامه

بشارة · 12-23-2012, 01:41 PM

من البارحه بالليل عندي حركة بمعدتي ... ااااااخ مادري احسها حاره وتحركني

هسه اني كملت والحمد لله اسبوعين بالسادس ... هاي عادي حركة المعده بهيج مرحله ؟؟ اني ماصدكت خلصت من الوحام

اااخ ماما تعاليلي

~~شعور الامومة~~ · 12-23-2012, 01:50 PM

اليوم لود شنو هسة يلة خلصت
مراوي احسن شي المتكدرين تتعاملين وياه تخلين علاقتج بيه رسمية

~~شعور الامومة~~ · 12-23-2012, 01:52 PM

يلة بنات سلامي الكم كلكم لان ولاوحدة موجودة

شمعه امل · 12-23-2012, 01:58 PM

اقتباس:

المشاركة الأصلية كتبت بواسطة بشارة

من البارحه بالليل عندي حركة بمعدتي ... ااااااخ مادري احسها حاره وتحركني

هسه اني كملت والحمد لله اسبوعين بالسادس ... هاي عادي حركة المعده بهيج مرحله ؟؟ اني ماصدكت خلصت من الوحام

اااخ ماما تعاليلي

هلو مروووه شلونك البيبي شلووونه الله يتمم بالخير وتولدي بالسلامة
اخدي حب رينيه فرنسي الدكتورة كالت مسموح للحامل تاكل حبتين باليوم عند الحاجه مريح ويهدي الحرقة بالمعده طبعا هو يتاكل مو بلع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM