تجمع حوامل سوريا-دردشة ورود سوريا-دردشة الغاليات

Nayota · 12-03-2012, 10:39 PM

كيفك ام جوجو وكيفا جوجو الله يسامحك على طول بزكرك مافي مرة فتت عالتجمع من لما اتعرفت عليكي مازكرتك

وان شالله الله يفرجا وتولدي عند اهلك

Nayota · 12-03-2012, 10:43 PM

كيفك شام رح نزلك صورة لنايا تكرم عينك

Nayota · 12-03-2012, 10:47 PM

كيفك نهال انا بشجعك تبقي معنا بالتجمع ولا يهمك ههههه بس عرفينا عن حالك اكتر
رح عرفك عن حالي نايوتا عندي نايا عمرا ستة شهور وعشرين يوم مقيمة بالسعودية شامية وعمري تمانة وعشرين سنة اكبر وحدة بالتجمع حاليا

Nayota · 12-03-2012, 10:58 PM

صار دوري الحمد لله عم اتحسن عالدوا وعم طيب شوي شوي صاير صوتي متل يلي بالع فارة ههههه
ونايا خانم عم تنادي بابا وطاير عقلو ومالو مسدق
وصايرة عم تحب وجباتا واليوم لحستا لحسة مسبحة تئبرئلبي طلع منظرها بجنن

باقي الصبايا...

شذا ان شالله بتقومي بالسلامة وبتجيبي احلى كوكي
وبسبوسة شكلها حماتك عندك الله يكون بيعونك
سروؤة كيفك وكيفا جود عم تبكي كتير من سنانا او عادي ؟؟

ميآر [ مهند حيآتي ] · 12-04-2012, 03:06 AM

مساااا الخير حبيباتي ...

كيفكن ...

يااااااااااااي نهااااال كييييييييييييييييييييييفك ولوووووو شتئناااااااااااااالك ... رح ذكرك بحالي هههه انااا هايدي او ميار هههههه ما بتفرق وهلا صرت ام مهند :)
طمنينا عنك والله الك وحشة يا غالية

نايوتا : يا عمري انتي عيونك الحلوين .. تؤبشي ئلبي ..
انا والله ع حسب قطعة الكهربا عم كون موجودة بين ال 4 وال 7 او بعد ال 10 ..
ع حسب الشغل كمان .. خلص انا بصير بتركلك خبر الصبح بموعد فوتي .. بوووساااتي لنااايا

باااقي الصبااااايا بحبكن كتير ومشتااائتلكن كتير بس اسفة مريت بسرعة لسلم عليكن ..

تصبحو ع خير

شذا حداد · 12-04-2012, 02:05 PM

سلامات صبايا ....كفكن اليوم وكيف أخبار سورية ...أنا أسفة ماعم فوت كتير بس حاسة حالي محتاسة لأني صرت بالتاسع ....
ميورة كيفك غالية وكيفو صهري ...دخيلو أنا عاهالأفرول ما أحلاه طالع ..قوليلو عروستو لسالها عأكتر شي أربعة وعشرين يوم وبتجي ...ولهلق مو رضيانة الخانم تحط راسها بالحوض ...ههههشايفة عهالكنة من هي بالبطن معندة ...
نايوتا ...كيفك ..وكيفا الأميرة نايا ..الله يخليلها ياها ...أخذت منك أكلة الكبسة وناوية أعملها شي يو حسيتها سهلة عرشرحك ...بس انشالله اعملها قبل ما أولد ...
عاشقة جوجو ..كيفك ...أخبارك ..وكيفها أم الجوج ...بوسيلنا ياها ...
شام الهوى ...كل عام وبنوتك بخير الله يخليلك ياها مو ؟...كأنيؤكان عيد ميلادا من كم يوم ...
ندى الشام ...سلاماتي كيفك ..وشو الأخبار ..معليش انا لسا بخربط بين كل الي أساميهن فيها شام ...
سدووووورة ...كيفك ...وشو الأخبار ..وسروووؤة كمان ...وبسبوسة ..ههه...الظاهر حماتك عقلبك ؟...هههه..الله يصبرك ...
لا تواخذوني ازا نسيت حدا ...لأني مو كتير حافظة كل البنات ....ادعولي ...با ا ا ايي

شام الهوى · 12-04-2012, 03:02 PM

كيفكن بنات اشتقتلكن موووووووت

اليوم حكيت اختي ساكنة بجرمانا اه ياقلبي عليها تقلي مابعرف القزيفة نازلة علينا ولا على مين

وامي بالاردن عم ندبرلها كفاله لتقدر تدخل الاردن لانها حاليا بمخيم اللاجئين والاوضاع بسوريا تبكي الحجر يارب مالنا غيرك

حبيبتي شذا كيفك شو اخبارك مريومة كان يوم ميلادها 11/3يعني من شي شهر طبقت اربع سنين عقبال بنوتك يارب الله يسهل عليكي امشي حبيبتي المشي بيسهل الولادة وقرأة القرآن وخاصة الزلزلة ومريم واكلي رطب كتييير يارب يخفف عنك ويسهلك وتشوفي بنوتك بخير وسلامة

نيوتا شو هالجمال ماشاء الله اللهم بارك دخيل عينها الله يحفظهاويحميها على هالضحكة شو طيبة ديري بالك عليها امممممم شو لذيذة

سلام لكل البنات اشتقتلكن

شام الهوى · 12-04-2012, 03:03 PM

كيفك ام جوجو ليش ماعم نزكرك انتي بالقلب يالغالية ودايما فبالنا كيفا جوجو العسل الله يحفظها ويحميها

نيهال · 12-04-2012, 08:00 PM

اقتباس:

المشاركة الأصلية كتبت بواسطة عاشقة جوجو2

كيفكم بنات اشتقتلكم صح ما حدا عم يسأل عني بس معلش انا احسن منكم هههههههه
نيهال انا اتشرفت بمعرفتك والله كلنا نفسيتنا تعبانة الله يفرجها على الجميع
وان شاء الله بيسقط بشار وكلنا منجتمع بسوريا وانا بولد عند اهلي والله اكلة هم اولد هون لحالي
صح كل اهل زوجي واخواتو هون بس ما في متل الاهل
روح قلبي الكركرة ههههههه
راجعة بعد شوي ان شاء الله

انا يلي الي الشرف حبيبتي الله يعينا على هل غربه والله تعبت يا رب نجتمع بسوريا عن قريب الله يسمع منك يا رب..

الله يقومك بالسلامه يا رب و تولدي بنص بيت اهلك اكيد مافي متل الاهل الله يخليلك ياهم و يديم عليهم الصحه و العافيه...

انتي متلي انا روح قلبي الكركرة كمان ههههههه معناتها خلص صرنا اصحاب ان شاء الله ...

نيهال · 12-04-2012, 08:07 PM

اقتباس:

المشاركة الأصلية كتبت بواسطة ميآر [ مهند حيآتي ]

مساااا الخير حبيباتي ...

كيفكن ...

يااااااااااااي نهااااال كييييييييييييييييييييييفك ولوووووو شتئناااااااااااااالك ... رح ذكرك بحالي هههه انااا هايدي او ميار هههههه ما بتفرق وهلا صرت ام مهند :)
طمنينا عنك والله الك وحشة يا غالية

نايوتا : يا عمري انتي عيونك الحلوين .. تؤبشي ئلبي ..
انا والله ع حسب قطعة الكهربا عم كون موجودة بين ال 4 وال 7 او بعد ال 10 ..
ع حسب الشغل كمان .. خلص انا بصير بتركلك خبر الصبح بموعد فوتي .. بوووساااتي لنااايا

باااقي الصبااااايا بحبكن كتير ومشتااائتلكن كتير بس اسفة مريت بسرعة لسلم عليكن ..

تصبحو ع خير

هايدي ما نسيتك حبيبتي كيفك و كيف هنوده الله يحميه اديه عمرو

انا رح عرف البنات على حالي يلي ما بيعرفني انا من حماة عمري 17 متزوجه من تلت سنين و شحطه ههههه و ساكنه بالكويت مع زوجي و بحب قول للي كانوا يعرفوني بتعرفوا كنت ساكنه في بيت حماي شهر رمضان انتقلت على شقه وحدي باركولي والله طاير عقلي الحمد لله الله فرجها علي ...
وين سروءة و زهرة الحب و في كتير بنات بس شوفون بتذكرون ان شاء الله لان هلق مو متذكره اشتقت لكم كتير كتير...

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM