دردشة اهل القطيف والي حواليها اتمنى اثبيث

[حلم جميل]

هلا ام زهراء شخبارش وشخبار البيبي ؟؟

[حلم جميل]

صحييح عندي سؤال ؟؟
تحليل سكر الحمل ضروووي الوحده تسويه ؟؟؟

لان اني عطوني موعد لتحليل السكر واول تحليل صايمه وبعد ساعتين لو 3 عطوني غرشه اشربهااا وبعدين احلل تحليل ثاني
واني ما احس اني بتشجع اشرب الغرشه بتلوع جبدي حتى لو كان الطعم عااادي
هولازم و ضرووري ؟؟؟؟؟

[ذكريات الماضي]

ياهلا والله نورانيه منوره والله

حلوومه اني بعد عطوني تحليل ومره خايفه يطلع فيني سكر الحمل بدون شي هوسيه ويصير فيي الله يعيين رجلي خخ

اممم اني داك اليوم قصدي من ثلاثه شهور حللت ماكله ماشوفها الى تقول اليي عندش ارتفاع في السكر قلت اليها ايي كنت محلله واني ماكله سكتت عني ولا ادري وشو يعني

وموعدي نهاية هذا الشهر الله يستر علينا بس متى بس نولد ونفتك هدوويه مايوم ارتاح

>> هداره موووو هههههه

ايي اخباركم ؟؟

[Om Zahra]

هلا غناتي حلم
الحمدلله اني بخير انتين شخبارش؟
احس من زمان مارحت راجعت رحت تقريباً من 16 يوم
وباقي بعد اسبوعين تقريبا موعدي الجاي ودي اروح كل اسبوع :d
بالنسبة لتحليل السكر مادري في حملي اللي فات ماسويته ولا اشوف جابت طاريه الدكتورة هالمرة
بس أحسن على الأقل تتطمني اسم عليكم ان شاء الله مافيكم شي بس عشان تتطمنوا

[حلم جميل]

اني عندي موعد عند الدكتوره يوم السبت اسبوع الجاي
ونفسي اعرف الراس نزل لو بعده عشان اطمن هههه
الله يسهل علينا ان شاء الله ونقوم بالسلامه

[ذكريات الماضي]

امممم بسألكم

عندكم طبخة رز وربان سهله بدون بصل لانه ماعندي خخخخ

هذا ها العيش الاصفر والربيان وحده تقول اليي طريقته امبى أتأكد

وقولو اليي طبخات بالربيان بس مو تقربو للبرياني لاني ماعرف ^_^

[Om Zahra]

زين شوفي هالطبخة كان تعجبش
حطي شوية دهن في صفرية وحطي عليها الروبيان وبطاطس مقطع
وخليه شويه ووبهريه بكيفش
مثلاً بهارات مشكلة وملح وكركم
اهم شي الكركم حطي شويٍ زين يعني
وغطيه وخليه لين مايستوي الروبيان والبطاطس وشيكي عليه كل شوي لا يلزق يعني حاولي الدهنة بعد ماتكون قليلة لا يلزق
واذا قرب يلين البطاطس اسلقي الرز
واذا انسلق حطي نصه على الروبيان وقلبيهم ويا بعض .. وحطي فوقه الرز الأبيض الباقي
وبالهناء والعافية إن شاء الله تعجبش :d

[ذكريات الماضي]

تسلمي قلبووووووو

زي الى بسويها بس بيصير العيش ابيض واصفر كششششششششششخه >> مصفعه ههههه

ماقصرتي خيتوووو

شه وين الباقي ماليهم حس ؟؟

[Om Zahra]

المشاركة الأصلية كتبت بواسطة ذكريات الماضي

تسلمي قلبووووووو

زي الى بسويها بس بيصير العيش ابيض واصفر كششششششششششخه >> مصفعه ههههه

ماقصرتي خيتوووو

شه وين الباقي ماليهم حس ؟؟

الله يسلمش غناتي وعليكم بألف عافية مقدماً
الباقي مادري عنهم يمكن يدخلوا بعدين وقت متأخر

[نورانيه]

هلا وغلا بخواتي الغاليات أم زهراء وحلم جميل وذكريات الماضي
ان شاء الله تكونوا بخير يارب والله يبعد عنكم السكر وكل الأمراض والتعب
بحق محمد وآل محمد وتولدون بصحة وسلامة وتكون ولادتكم سهلة مرة متى يجي هاليوم وتبشرونا حسيت انكم كلكم مثل خواتي بالضبط
عن نفسي تعبانة ماأدري متي بينتهي هالوحام
حملي السابق مجرد مادخلت الرابع اختفت كل العوارض بديت أشك اني حامل بتوأم بطني كبير مع ان جسمي ضعيف مو مليان قبل الحمل ماكان في كرش واكلي مو ذاك الزود عادي أول مرة يصير لي هالشي ساعات أقول بسبب انتفاخ القولون خاصة انه تاعبني وزايدة الغازات وأحيانا أقول لايكون الماي اللي حول الجنين السبب ...بدت الهواجيس والأوهام من أمس وأنا أفكر
وانتظر متي أكمل 4 شهور حتى أسوي أشعة حتى أعرف جنس المولود وبالمرة أتأكد من فيكم حملت بتوأم بسألها أسئلة والله يعينها على أسئلتي ......
تحملوني ترى هدرتي زايدة والحين بسبب هالهواجيس والأفكار بتزيد ..