تجمع الحوامل اللي موعد ولادتهم بإذن الله شوال 1434هجري

[رنيم20]

رمضان كريم للصديقاتي
كيفكم مع الحمل والصيام احس باقيلي اغراض كثيرة ماخلصت وبرمضان مستحيل انزل من هالزحمة بنات حبيت اسالك انا احس حركة البيبي خفيفة وقليله مو زي اول هل طبيعي بالثامن

[سوسو المزيونه]

المشاركة الأصلية كتبت بواسطة رنيم20

رمضان كريم للصديقاتي
كيفكم مع الحمل والصيام احس باقيلي اغراض كثيرة ماخلصت وبرمضان مستحيل انزل من هالزحمة بنات حبيت اسالك انا احس حركة البيبي خفيفة وقليله مو زي اول هل طبيعي بالثامن

يختلف من طفل الى اخر
اختي ماكنت تحس في بنتها ابد في اليوم بس تقريبا حركتين الى ثلاث طول فترة حملها
وماشاء الله جت بنتها هادية وماتبكي
انا بالنسبة لي بالثامن كانت حركتها قويه
من دخلت التاسع معاد احس فيها
اهم شيء اذا حطيتي يدك على بدنك و حركتيها تحسين فيها او لا

[سوسو المزيونه]

المشاركة الأصلية كتبت بواسطة حلوه بعينه

يااااااااحبيبتي ياقمورهالف الف الف مبرررررررروك

تتربى بعزكم ان شاء الله

انا مثل موعدك بس انا بكريه

بس بجد بجد مفاجأه وحمستينا ياقلبي ههههههههههه

بنات انا بطني شوي نازل وتجيني تقلصات مثل الم الدوره ونغزاة اسفل مره

تتوقعون هذي علامات قرب ولاده


يارررررررررب اولد بالسلامه وكل كروشه يارب

هلا بالغاليات
انا مثل موعدك اخر دورة كانت 17 /12
احس بنفس الاعراض اللي قلتيها بس مو دايم
يوم ايه و يوم لا مثل الم الدورة بس اخف

انت متى حددة الدكتورة ولادتك
انا مثلك بكرة
دكتورتي قالت يمكن 27 او الى العيد
و الحكومي قالت 24

[حلوه بعينه]

المشاركة الأصلية كتبت بواسطة سوسو المزيونه

هلا بالغاليات
انا مثل موعدك اخر دورة كانت 17 /12
احس بنفس الاعراض اللي قلتيها بس مو دايم
يوم ايه و يوم لا مثل الم الدورة بس اخف

انت متى حددة الدكتورة ولادتك
انا مثلك بكرة
دكتورتي قالت يمكن 27 او الى العيد
و الحكومي قالت 24

هلاياقلبي اخيرا لقيت احد معي بنفس الموعد انا ياقلبي كمان تجيني وتروح احيانا اخاف اقول لزوجي لاتبعد

واذا مشيت ودي اشيل بطني من تحت من شد الضغط ع المثانه

والله انا دكتورتي تخيلي قالت لي 12 شوال وان ما ولدة بشوال راح تولدني 17

امي وخالتي فديتهم قالو ما عندها سالفه ع قولهم اسأل مجرب ولا تسال طبيب

امي قالت 24 اتوقع تولدين وخالتي قالت من 26 الى 3 العيد والله اعلم


وانا ادعي ليل نهار اني اولد هالاسبوعين يارررررب واحضر رمضان في السعوديه يارب

[سوسو المزيونه]

الله يسهل علينا جميعا
الله مبروك قمورة الله يخليها لك

[راما الدلوعه]

مساء الخير كروشات
كيفكم وكيف بيبيهاتكم
وحشتوووووووني ياحلى كروشات

حبيبتي قموره الف الف مبرروووووك والحمدلله على سلامتك وسلامة العروسه تتربى بعزكم طمنينا عنك

[رونق الصبآ]

السلام عليكم كيف حالكم حوااامل ؟

والله وحششتووني لي كم يووم مادخلت ..

اولا مبرووووووك لي ولكل اللي دخلوا التاااااسع .. الحمدلله يارب .. ان شاء الله عقبال نبشر بعض بالولادة يارب



قمووووووووورة .. ايش المفــآآجأة الحلوة هذي .... ألف ألف ألف الحمدلله على سلااااااامتك وسلامة العرووووووسة ..
ربي يقومك بالسلااامة يارب انتي والبنووووتة وطمنينا عليها كيف صحتها ؟؟؟



بنات بطني مغصتني بمجرد ماشفت قمووورة ولدت .. احد زيي =/ ؟؟؟

يااااااااااااااارب هون علينا الولادة واجعلها ولادة سهلة وبساعة مباركة يارب العالمين

[يارا محمد1]

اخر دورة.لي 18/12هجريحطووو اسمي بالجدول صبايا حمسوووووني معكم لأن الدكتورة حددت الموعد في 4شوال والله اعلم

[شجرة زيتون]

هلا اخباركم
ان شاء الله جميع بنات كروشات بخير وعافية
اخباري / الحمد الله بخير

[~قموووره~]

الله يبارك فيكم ويسعدكم ويرزقكم ولاده سهله ميسره وتفرحوا بشوفة نوناتكم وهم بصحه وعافيه يارب وتبشروني وحده ورا الثاني بولادتكم ربي يسعدكم ولايحرمني منكم ياغاليات ^______^

قصة ولادتي
من بداية رمضان وانا كنت احس بشد في بطني وألم وقت الصيام ووقت الفطور كنت مع اول لقمة يتحجر بطني ويألممممني ويطول التحجر لما اقوم من السفره يفك المهم اول يوم عدى على خير تاني يوم
كان يوم الخميس 2 / 9 / 1434 ه يوم ولادتي ^^
بعد الفطور نمت مع زوجي ..ومن بداية الثامن كنت مااخليه ينزل جوا والمره هذي قلت بمااني دخلت اول يوم تاسع اتوكل على الله واخلي ينزل جوا .. المهم تروشت وزوجي راح يصلي التراويح وانا بروب الحمام كنت العب بجوالي ولا كنت حاسه بشي ومسدوحه عالكنب لما جا زوجي بعد التراويح قال يله قومي ننزل السوق ونشتري شنطة المستشفى عشان ترتبي اشياء النونو فيها قلتله دقايق واكون جاهزه قمت من مكاني وادخل المطبخ الا اسمع صوت زي*الطقه من تحت الا اشوف المويه تنكب مني وأللللللم قمت اصرخ لزوجي تعال ساعدني خفت بصراحه قلتله خلاص ولاده وديني المستشفى ومسكين ارتبك قام يلبس بنتي وانا احاول البس وكل شويه يجيني طلق اوقف مااقدر اتحرك واذكر الله ولما يهدأ ارجع البس ملابسي وعبايتي ... وزوجي دق عالدكتوره قالت تعال العياده قال يله عالعياده وانا وقتها مااقدر امشي خطوه واذا رحت العياده راح أولد ... قلتله دقلها وقلها خلااااص ولاده المويه انكبت وكل خمس دقايق طلق ومااقدر اتحرك بعدين الدكتوره قالت سويتوا سونار رباعي هي عشان المشكله اللي شافوها بالأشعه في قلب النونو ...قالها لا قالت خلاص معليش انا مااقدر اولدها المستشفى مافيها الأستعدادات لحالات القلب للمواليد شوفلها مستشفى كبير يولدوها المهم قلتله وديني بخش عند دكتوره كيتي كنت اراجع معاها من بداية الثامن ..وطول الطريق بالسياره وانا اطلق واتألم اقعد ادعي يارب هون ولادتي يارب اشوف بنتي سليمه وقلبها سليم يااارب وبصحه وعافيه... لما وصلنا المستشفى جابولي العربيه ودخلوني غرفة الملاحظه وزوجي يرتب اجراءات الولاده وبنتي معاه مامدانا نحطها عند احد كله صار بسرعه ...المهم بغرفة الملاحظه حطوني بسرير ابدااااا مو مريح خلاني احس الألم اضعاف ماتحملت كل ماجا طلق اتعصر بمكاني واقولهم مو مرتاحه ابغى اجلس قالوا ممنوع وركبوا جهاز التخطيط والطلق يقولوا ماعندك طلق مافي ولاده انا تجننت بمووووووت الم وهم يقولوا مافي طلق صرت اقلهم انا مااتحمل خلااااص هذا الألم كله ومافي ولاده ولا طلق المهم خلوني لحالي يفتكروني ادلع صار كل مايجيني طلق وانا اتقلب وادعي وبالاخر جات دكتوره قلتلها اعطيني بنج مااتحمل الألم قالتلي خليني اقيس قلتلها استني بس يخف الطلق قالت براحتك وخلتني ... وقت مايجي الطلق مااتحمل احد يلمسني المهم بدأ يزيد عليا الألم وصرت احس بدفع شديد على تحت كاني محتاجه لحمام عرفت انه البيبي بينزل صرت اصرخ ابغى احد يجي يساعدني جا زوجي ونادى الممرضات قالت الدكتوره شوف التخطيط مافي ولاده مرررا... وانا اقولها طيب احس بدفع تقول لاتدفي استني دكتورتك تجي قلتلها بولد قال طيب بقيس من تحت قلتلها اوك وقاست انفجعت قالت 10 سم خلاص ولاده الا يحركوا جهاز التخطيط اللي في بطني طلعوا ماثبتوها تمام عشان كدا مابين معاهم طلق ؛( وشافوا الطلق مرررا شديد كلموا الدكتوره وطلعوني غرفة الولاده بسرعه ...وهم ينقلوني من غرفة الملاحظه للولاده كنت اخاف يجيني طلق واصرخ وسط الناس صرت ادعي يارب كما جعلت النار بردا وسلاما على ابراهيم اجعل ولادتي بردا وييسره لي وسبحان الله هدأ الألم لما وصلت لغرفة الولاده ...واعطوني كمام بنج وقالوا اشفطي وهم يشيلو ملابسي يقولوا اجلسي وانا مااقدر قلتلهم مااقدر خلاص ابغاهم يولدوني بملابسي ألم لايحتمل... والبيبي يدف على تحت المهم شالوا ملابسي ولبسوني *قميص الولاده وجات الدكتوره تقول يله كل ماتحسي بألم دفي دفيت اول دفه وراح الالم صرت اسألها دكتوره بتسويلي شق من تحت وابغى ابره عشان مااحس بالراس قالت اعطيتك الابره والشق لازم نشوف البيبي يحتاج ولا لا المهم جات الدفه التانيه دفيت دفه طويييييييييييييله وشرفت حبيبة قلبي عالساعه 12:55 بالليل
والحمدلله وبسرعه حطوها على صدري قمت احمد الله كثيييييير واضحك بهستيريا وامسك يدها الصغيره وابوسها يناسوا ^^ وانا ماصدقت اشوف بنتي قدامي والحمدلله كانت بصحه وعافيه بعد الخوف اللي عيشوني هو انها اول ماتولد بينقلوها لغرفة العمليات عشان قلبها بس الله رحمته اكبر ورزقني بنتي بصحه وعافيه نسيييييت كل الألم والتعب وصرت فرحاااانه انه الله رزقني بنتي بصحه وعافيه ويسر ولادتي يارب لك الحمد حمدا كثيرا... *شالوها ونظفوها قلت للدكتوره احتاج خياطه قالت ايوه عندك شق بس صغير المهم طولت بالخياطه وانا اشم كمام البنج وماكنت احس الانغزات الابره واسمع صوت بكا بنتي بجد شعور لايوصف على قد الخوف والبكا والرعب اللي عيشوني هو من بداية الثامن ماصدقت شفتها سليمه الحمدلله رب العالمين
كنت اطالع للدكتوره وهي تخيطني واشوف الملقط والابره وكانه كل اللي مريت فيه حلم*
الحمدلله... من يوم انكب المويه حق الجنين وصارت الولاده كلها بساعتين الحمدلله تيسرت بس اللي تعبني الطلق عكس ولادتي الاولى ماحسيت بالم طلق مرااا يختلف من ولاده لولاده وكللله بأجره ......
أسأل الله ان ييسر ولادة كل حامل ويفرحها بشوفة مولودها وهو بصحه وعافيه يارب
ويرزق كل محرومه بالذريه الصالحه يارب العالمين ياكريم