هل الكلوميد بينزل الدورة؟

[ام منوو]

مشكورين للي ردو بس ابغى وحده جربت الكلوميد وحملت من اول استخدام الله يرزقكم

[ام اسكندر]

انتظري دورتك في نفس موعدها المتوقع

ما ادري انتي كم ايام دورتك
اذا دورتك 30 يوم معناها حيكون نفس التاريخ للدورة السابقة

بس بشكل عام اذا تأخرت الدورة 35 يوم عن اول يوم شربتي فيه الكلوميد فسوي فحص حمل

وان شاء الله يكون في حمل

[روح ماما زيودى]

حبيبتى انا نفس حالتج با الضبط انا كنت عندى الدوره ملخبطه
رحت على الدكتوره جبتلى حبوب تنزيل الدوره لانها تاخرت يمكن شهر ونص المهم اخذت الحبوب لتنزيل الدوره وقلتلى تعالى خمس يوم الدوره. رحت لها سادش يوم من الدوره لن زوجى ماكان موجود المهم عطتنى الكلوميد وقلتلى استخدمى خمسه ايام وتعالى اشوف التبويض. رحت لها بعد ما خلصت الحبوب وشافت التبويض قلتلى البويضات صغار بعطيج ابره اليوم وبكره تعالى ضربت ابره ورجعت اليوم الثانى
وقلتلى التبويض الحمدلله تمام عندى بويضتان جبتلى ابره لتفجير المبايض وقلتلى جمعى زوجك يوم ايوه ويوم لا. لمده اربعه ايام
والحمدلله سويت نفس ما قلتلى وانتضرت 15 يوم من يوم مااخذت الحبوبب وسويت فحص وطلعت حامل ولله الحمد والحين انا فى بديه الشهر السابع. الله يرزقج ويرزق كل محروم عجل غير اجل حبيبتى لازم تبعين التبويض ولازم بعد تعطيج ابره تفجير
عشان يتلقحو البويضات سورى حبيبتى طولت عليج بس حبيت افيدج. دعوتج

[ام منوو]

الله يعطيك العافيه اختي ام اسكندر مشكوره

[ام منوو]

اختي مشتاقه لكلمة ماما الله ييسر امرك ويطمنك مثل ماطمنتيني ويتمم حملك على خير ويسهل لك ولادته قادر يارب ان شاء لله ابشركم بحملي انا الحين لي ست ايام مت خلصت الحبوب بس ما ادري متى اروح اشوف التبويض انا استخدمت الحبوب ثالث يوم الدوره