°•.¸.•°°•.¸.•°ملتقى الحوامل الرابطات عنق الرحم°•.¸.•°°•.¸.•°

[ام تالا ولانا]

الف مبررررروك شوق
والحمدلله ع السلامه
لكن ماقلتي ايش سبب العمليه
انتي كنتي تبي تولدي طبيعي
طمنينا عليك

[نفسي ببنت]

مبروك شوق الله يرزقك بر العروسه يارب ويخليكم لها يارب تتربى بعزكم
خلاص اجل جانا الدور الله ييسر للجميع يارب

[شوق جدة]

صباح الخير بنات......
كيفكم اليوم؟؟
الله يبارك فيكم يارب......تسلموا.......
والله دعيت لكم........الله يسهل للحوامل..ويعوض البقية...
وهاذي قصة ولادتي......
الله يعين عيونكم.......
يوم الثلاثاء ذاكرين لماقلت اني رحت المستشفى وقالت لي الدكتورة الرحم انفتح 1سم..المهم نمت ومن صحيت يوم الاربعاء وفيني الم نفس ال الولادة يجي بفترات متباعدة..المهم نويت العصر اني انزل امشي وان زاد اروح المستشفى اشوف الرحم انتفتح زيادة والا لا؟؟
المهم نزلت من البيت العصر ومعاي اهلي كلهم رايحين نغير جو..ونلف بالمولات..اول شي قلت اروح المستشفى اول وبعدها نتمشى..تخيلوا رحت المستشفى وانا ممغوصة والالم كل مايزيد..وجالسة عند العيادات بدل مااروح الطوارئ..والدكتورة عندها ولادة..واختكم في الله تتمغص وجالسة مع المراجعين ساعتين..وبعدها طفشت قلت قوموا بطلت..وجلسنا نلف بالسيارة وانا على نفس الالم ساعة وبعدها قلت للوالد يوديني مستشفى ثانية..المهم دخلت الطوارئ هالمرة واهلي يقولوا للممرضة ولادة وانا اقول لا؟؟جابوا الكرسي بيحطوني عليه وانا صامدة ابي امشي برجلي..تضاربنا وجلسوني...ودخلوني غرفة الولادة.وانا زعلانة اقول لامي فشلة تحطوني بالكرسي وماتطلع ولادة..كشفت علي الدكتورة وكانت الصاعقة الرحم مفتوح7سم..وعلى طول سحبت السدادة معها..ونزلت الموية وبدأ الاكشن..بالبداية كنت مؤدبة وبلاصوت..حطوا جهاز تخطيط القلب للبيبي..وكان الطلق بارد..3ساعات وماتغير شي..وصل الرحم 8سم ووقف..والدكتورة مرعوبة كل شوي تكشف..اكثر من10مرات كشفت من تحت..وبالآخر قالت يابنت الحلال البنت موبالحوض مرة راسها مايل وموقادرة احطه بمكانه..
تخيلوا لما تشوف فيني طلق تدخل يدها وتمسك راس البنوته بيدها تحركه عشان ترجعه بالحوض..وقتها صوتي وصل لكل المستشفى..وكل شوي تعيد نفس الحركة لين خلاص مابقى فيني حيل..صرت ارجف وابكي..وبالآخر..قالت البنت نبضها صار ضعيف وبتموت اذا مالحقناها..والحين تبين او لا..الموضوع موبيدك..خلاص قيصري......
هي قالت قيصري من هنا وانا المغصة فيني زادت..اقولها ابي بنج كامل قالت لا موضعي..خطر الكامل...المهم جهزوني للعملية وخرجوني من غرفة الوضع للعمليات وانا مستسلمة للأمر الواقع..اطالع بأهلي واطلبهم يدعولي....دخلوني.....والدكتورة تحط البنج الموضعي بظهري..وانا فيني الطلق..شوي وصارت شوق بخبر كان..
ماحسيت الا وانا بالغرفة على السرير.......والالم الله لايوريكم......للحين احس ظهري كنه مكسور..لونمت على السرير مااقدر اقوم..لازم احد يقيمني..ومكان الخياطة نار..احس كن احد ماسك سكين ويقطع فيه....بس كله يهون عند الفصعونة اللي طلعت عيني..
قلت لزوجي جوري..قال لا.....ابيها جود..قلنا خلاص جود......
المهم انها بخير......

[نفسي ببنت]

الحمد لله ع سلامتك يارب والله يبارك لكم فيها

[سوسو2008]

السلام عليكم ورحمة الله وبركاته
اخواتي العزيزات في اي اسبوع تنصحوني ابدأ اقضي اغراض البيبي

[حلليمو]

المشاركة الأصلية كتبت بواسطة سوسو2008

السلام عليكم ورحمة الله وبركاته
اخواتي العزيزات في اي اسبوع تنصحوني ابدأ اقضي اغراض البيبي

وعليكم السلام

حبيبتي اغلب البنات الي في السابع بدوؤ يقضوا بس عني انا مأجلته

لنهاية الثامن او بداية التاسع منها لفلفه ومنه اقضي

شووفي الي يناااااسبك والله يوفقك يالغلا

[ملوووكه]

مساء الاجواء الحلوة
بنات بما انكم تكلمتوا عن اغراض البيبي احد يقدر يفيدني من وين اخذ شنطة البيبي تكون حلوة وعملية

[~LaDy~]

المشاركة الأصلية كتبت بواسطة سوسو2008

السلام عليكم ورحمة الله وبركاته
اخواتي العزيزات في اي اسبوع تنصحوني ابدأ اقضي اغراض البيبي

انصحححححححححك وبقوه ..

انا قضيت لما كنت 30 اسبوع حسيت نفسي احسن واخذت الاشياء الاساسيه ..

والحمدلله كان فيني حيل ومبسوطه وانا اقضي..

الحين بكمل باقي الاشياء الخفيفه ..مره اتعب واسفل بطني يوجعني لما امشي شوي .. بكل محل اريح واجلس..

شكلي يضحك ولا ابي اشتكي لزوجي ويقولي مافي طلعه بعدين ..

حبيبتي اكتبي الاغراض بورقه وكل يومين او ثلاثه انزلي السوق ان شاء الله بنزلتين او ثلاثه تخلصي الاشياء المهمه ..

من جد احلى ايام حملي لما اشتريت للبيبي .. وحتحسي بهالشعور ان شاء الله ..

واي مساعده بالمقاضي نحن بالخدمه ههههههه صار عندي خبره الا بالسرير الي تعبني ..

[سوسو2008]

مشكوره عزيزتي ليدي ماتقصرين ياقمر دايما تسعفيني بردودك الله لايحرمني منك ياعسل والله يتمم لك على خير ويسهل ولادتك وتجيبي نونو سليم معافى زي القمر

انشالله نويت على الاسبوع 32 اقضي كده اكون مطمنه اكثر
بس في شي مره مزعجني معاي كحه ومره خايفه منها اخذت شراب كحه ولا فاد
خايفه لانه بحملي الاول لما اجهضت كانت معاي كحه كمان حالتي النفسيه صعبه والله
تعرفي حملي عزيز لانه حقن مجهري وخايفه على البيبي طول حملي وانا خايفه واعصابي تعبانه *

[حلليمو]

شوووووووووووووووووووووق...

من جد معاناة وانا اقراء قصة ولاتك جاني مغص

اهم شي جود فديت قلبها بخير وانتي بخير

اقوى بووووووووووسه مني لها ...

ومررره ثانيه الف مبرووووك....