دردشة حوامل دولة الجزائر- تجمع بنات الجزائر

[نور اليقين]

ام ميسون ومريومة وين راكم؟؟؟؟؟؟؟؟؟؟؟؟؟؟؟؟؟

[ام ميسون]

صليت وجيت خواتاتي

[نور اليقين]

بليدية ماهيش باينة اليوم ان شاء الله تكون بخير مسكينة حرقوها عبادها

[نور اليقين]

ربي يتقبل ان شاء الله

[ام ميسون]

غابت علينا سمرا كانت هذا الوقت ريحت القهوة ادور وانا نموت عليها
الله الله كي روحم ديراكت ندير براس هو

[نور اليقين]

هادوما ليك فرقانتي باه تسهري

[AMAL JADID]

المشاركة الأصلية كتبت بواسطة نور اليقين

بليدية ماهيش باينة اليوم ان شاء الله تكون بخير مسكينة حرقوها عبادها

ربي يهديهم والله حاجا تبكي
ايماجيني ناس ارقاو رفدو في نفس الشهر و نسبا كبيرا وحدا تلاقيت بيها عند الجينيكولوق قاتلي بلي مرضت بالكلاوي و حارو لطبا كيفاش حتى صرالها هكذا ملقاوش تفسير راحت رقات برات قتلي عين جات في الكلاوي ربي يعافينا
هذو قتالين

[ام ميسون]

ربي يعافينا ويحفنا من كل شر
وربي يشفي البليدية وتكون بخير
خواتاتي شكون يعرف اخبار على الاخت هادية ربي يرجعها لينا بخير

[ام ميسون]

خرجتو كامل تتقهواو بصحتكم

[نور اليقين]

المشاركة الأصلية كتبت بواسطة AMAL JADID

ربي يهديهم والله حاجا تبكي
ايماجيني ناس ارقاو رفدو في نفس الشهر و نسبا كبيرا وحدا تلاقيت بيها عند الجينيكولوق قاتلي بلي مرضت بالكلاوي و حارو لطبا كيفاش حتى صرالها هكذا ملقاوش تفسير راحت رقات برات قتلي عين جات في الكلاوي ربي يعافينا
هذو قتالين

الله يحفضنا مريومة ويعافينا والله بدات تخدملي الفكرة شوفي كما دخلت عروس عندي وحد الشهرين برك اعطالي راجلي الدراهم وقالي الدي معاك ختي لكبيرة وبنت ختي كبيرة ثاني اكثر مني ورحي تتكساي تشري حوايج الغدوة خرجنا حنا في ثلاثة وفي الطريق كاين وحد الطروطوار ضيق مانقدروش نمشيو فيه في ثلاثة فمشينا انا وبنت اختو وختو تمشي قدامنا وحدها وصلنا الوحد مسكين الطلاب مهبول
وغير حنا في ثلاثة ماشيين في هذا الطريق خلى خت راجلي فاتت وانا وبنت اختو سبقلنا بالعصا كان هاز معاه عصا انا مت في بلاصتي قلت اليوم يقسملي راسي ويهنيني تخيلي مادارلنا والو هز العصا انتاعو ويشير بها لي ويقولي وخدوها في حنتها واكلاو لها ضنايتها ويقول اعطيني الف فرنك من الخلعة عطيتو خمسلاف طيشها ويشير بالعصا وماحبش يخلينا نفوتو ويهدر في هاذي الكلمة ويعاود وانا وليت نبكي من الخوف لا يقسملي راسي بالعصا ومبعد جاء مول الحانوت القريب وبعدو علينا باه هربنا وكي بعدنا عليه شوي بدا يعيط ويقول هزويديكم للسما تنزل الرحمة
والله اختك الفحلة مادارتش وراها طول الهربة تسلك وسلفتي بقات تسمع واش يقول ودوك ديمة يفكروني بها يقولولي تشفاي واش قالك المهبول
انا مارقيتش خلاص ماحبش يرقيلي راجلي وهاذي المرة برك جابلي ولد سلفي الراقي الدارهم رقيت مرتين وراء بعضهم ومقدرتش نرقي لحمي كامل تولي ترجف وجنبي الايمن كامل يطير في السماء وقالي الراقي لازم نرجع نعاودلك وماحبيتش خفت المرة اللي فاتت قريب قطعتلو الرقية في النص التخنقت بصح انا سلافاتي وانساء سلافي الحمد لله خاطيين مسلمين وعابدين لله وحده لا اله الا الله وحده لا شريك له

طولت عليكم بصح بليدية دارتلي القلب ان شاء الله انعاود نرقي بصح قالي عندك عين وحسد ومس بصح علابالي يتمسخر بيا الراقي راني مسكونة هههههه