بنات ابي مشورتكم افضل مستشفى مراجعه وولاده بالرياض

[يمكـ دروبي]

السلام عليكم ورحمة الله وبركاته
مساء الخير كروشات وصبايا كيفكم ..

بنات الرياض واللي يعرف في الرياض
ابي مشورتكم افضل مستشفى بالرياض مراجعه وولاده

الحمادي او الالماني او دله .. وافضل دكتوره فيها لاني بكريه وخايفه
بنات تكفون وربي محتاره كنت اراجع عند سليمان الحبيب عند الدكتوره هناء المدني

واللحين تغير التأمين ماعندي غير الحمادي ودله والالماني

الله ييسر لكل وحده ترد ما تتمنى يااااارب

[يمكـ دروبي]

بنات معقوله ولا وحده تعرف وربي خايفه ومحتاره

[حِلمْ الأُمـوُمَـهـْ]

مستشفى دله تمدحة كثيييير صديقة أختي ,

أمآ البآقي مآأعرف عنهآ شي صحيح أنآ في الريآض

بس إن شآء الله ولآدتي بجدة عند أهلي وربي يقومنآ بالسلآمة ,

[يمكـ دروبي]

حلم الاموووومهـ :

يابعد قلبي تسلمين والله

[مدمنة قهوهـ]

اسمعي يالغلا بالنسبه للولاده واكيد المراجعه كمان اعتقد بتكون كويسه ع حسب الدكتور , المهم الوطننننننننننننننننني بالرياض حلو وحده اعرفها ولدة فيه اكثر من مره وخذت ابرة الظهر واعتقد سعر الولاده 5000 تقريبا وبالمرتبه الثانيه ع مااسمع الحمادي والتخصصي الطبي لكن مااعرف احد جربهم والي اعرف ان الحمادي اسعارهم غاليه لاني سألت عنهم واستفسرت وتحطمت , حبيت اساعدك بالي عندي هذا والله اعلم


دعواتك ربي يسهل علينا جميع وانا عني نفسي لو من اهل الرياض اولد بعد مشيئة الله بالوطني بلا تردد وربي يكتب لك الخير وين ماكان

[يمكـ دروبي]

مدمنة قهوه

يسلمو حبيبتي الله يعطيك الف عافيه

[أم روفي]

وانا بعد مثلك ياقلبي انا بجدة بس الولاده ان شأالله بالرياض عند اهلي
انا بولد بالحمادي لان كثير ناس يمدحونه من حيث النضافه والرعايه بس ماني عارفه مين الدكتوره اللي كويسه في الولاده والخياطه وهذا اهم شي وكمان تكون تقبل التامين

[يمكـ دروبي]

ام روفي

الله يتمم على خير
الحمادي متخوفه منه مدري ليه

[حِلمْ الأُمـوُمَـهـْ]

^^

أستخيري حبيبتي لأنو الحمآآدي فية نآآس مآآيمدحوونه والله أعلم ,

[عنقودالعنب]

شوفي ياقلبي انا كنت زيك محتاره واخرشي رحت دله