استشارة بخصوص المنظار

[ابتسامتي سر سعادتي]

حبيبتي شمايل صح الدكتور قال تحاليلي كلها سليمة بس قال اذا في اي التصاقات تمنع الحمل ما بيقدر يشوفها من غير منظار مشان هيك قالي انه اذا ما بدي زراعة ممكن نعمل منظار
مشكورة حبيبتي عالدر الله يبارك فيكي

حبيبتي لمسة دفا ...الحمد لله انه اجا رمضان وانا حطيت ف بالي انه استغل كل يوم فيه من قيام ليل واستغفار بشكل مضاعف عن اول والدعاء ب " رب هب لي من لدنك ذرية طيبة انك سميع مجيب الدعاء "
ونويت انه يكون ختمة في رمضان مخصوص لموضوع الحمل وختمة لله في رمضان مشان الاجر
مشكورة حبيبتي ع التذكير الله يبارك فيكي :)
حبيبتي سمار صح انه التفكير بيأثر بس المشكلة انه مابقدر اشيلو من راسي كل ما اشوف البنات اللي تزوجوا بعدي بسنة وأكثر وكان عندهم مشاكل وحملو بيكبر همي وبخاف انه اضل زي هيك وكل ما اقول هالشهر بدي اشيل موضوع الدورة من راسي بتلاقيني ايام التبويض صرت احسب للتبويض وبعد ما يخلص التبويض بتلاقيني صرت احسب متى معاد الدورة مش بايدي بس راح احاول في رمضان انه ما افكر كتير فيها بس انه انساها صعب جدا الله يجزاكي كل خير يارب

حبيبتي زينة الحياة الدنيا يعني المنظار ما يخوف كتير ؟؟؟ انا من سنة مفروض عملته وهيني بأجل كل شهر بقول للشهر الجاي ان شاء الله بس لانه ما في مشاكل والدورة بتيجي في معادها كل شهر بيكون عندي امل كبير انه احمل وبتمني روح موعد الدورة بدون ما تيجي بس كل شهر بتيجي وبتنكد عليا الحمد لله اكيد ربنا لسة ما كتبلي الذرية بس مو بايدي ولله الحمد لله ع كل حال :)