تجمع النساء اللاواتي سيلدن بشهر *ربيع الأول* 1433

وما توفيقي الا بالله · 07-05-2011, 11:03 PM

بنوتات ودي اروح السوق أشتري للعيد
بس خايفه ماعرف وش اشتري بالضبط
تتوقعون بيكون بطني كبير ؟؟
بنصير في الرابع ان شاء الله ...

دلوعة ناصر · 07-05-2011, 11:14 PM

لا تستعجلين وتشترين حق حوامل .. صبري شوي لان بطنك ماراح يكون كبير
اما اذا تبين تشترين شي وتستفيدين منه لمن يكبر بطنك اشتري حق حوامل وخليه ينفعك بعدين

وما توفيقي الا بالله · 07-06-2011, 12:41 AM

ياحبي لك دلوعة ناصر صحيح كلامك
مشكورة ياالغالية ...

عبير 99 · 07-06-2011, 04:36 PM

اهلين بنات
شخباركم
اول شي الف مبروك والله يتمم علي وعليكم
ويرزقنا الذرية الصالحة حسنة الخلق والاخلاق

انا ان شاء الله ولادتي في 16 /3/ 1433هـ
الله يسسر لنا
ومن الرياض واراجع في مستشفى قوى الامن
وحاليا ما استعمل الا حمض الفوليك
وماراجت الا في بداية الثاني واخذت مني تحليل وقالت تجي بعد شهر

وحامي كله في نفسيتي احس مالي خلق احد
عاد انا مع حمولتي ومتعودة يوميا ننزل عند خالتي وصار لي اسبوع مالي خلق انزل
وصرت اكره ريحة الطبخ استغفر الله ..
والنوم حدث ولا حرج انتو مثلي ؟؟

دلوعة ناصر · 07-06-2011, 04:38 PM

تحبك العافيه عيوني ..
شلونك مع الوحام

عبير 99 · 07-06-2011, 04:39 PM

اهلين دلوعة ناصر شخبارك

دلوعة ناصر · 07-06-2011, 04:41 PM

هلا وغلا فيك زوجة ماجد ربي يتمم لك على خير ويثبت لك حملك وتقر عينك فيه يارب
اي تقريبا في الاشهر الثلاثه الاولى ما يعطون المستشفى الا حمض الفوليك وفي الرابع يعطون معاه الحديد الا اذا احتجيتي في بداية الحمل يعطونك اياه
الله يعنيا ويعينك عالوحام

عبير 99 · 07-06-2011, 04:48 PM

امين يارب
تصدقين صرت افكر في العيد الله يلحقنا خير
بيكون بطني واضح او لا ؟

دلوعة ناصر · 07-06-2011, 04:53 PM

اذا كان فيك بطن من قبل الحمل اعتقد بيبان شوي
لان انا من قبل دبدوبه والحين احس شوي بانتفاخ يمكن على العيد يكون واضح شوي
الله ياني متشوقه اشوف بطني واضح من الحمل
ميته ميته عالبيبي ربي يتمم لي ولكم على خير
بيني وبينكم انا احب الاطفال حيل حيل كنت اربي عيال اختي كانهم عيالي ويقولون لي ماما واحظنهم وابوسهم حتى الرضاعه ودي ارضعهم خخخخ
بس هااا ترى سر بيني وبينكم لا تعلمون احد ولا تضحكون علي
يقولون فيني حنان الامومه فاااااااااااااايض

عبير 99 · 07-06-2011, 05:15 PM

ما شاء الله عليك
انا احب الاطفال بس امل منهم بسرعه
واكره المسؤولييه
يقعدني من النومه , رضاع , تغيير ( الله يعيين )
بس من تزوجت احس مشتاقه يكون لي بيبي
يعني تشوقت اعيش الدور لكن والله خايفة من المسؤوليه
اما من ناحية البطن انا وزني 63 شكله بيبااان ع العيد
حاليا وانا توني في اول المشوار ماصرت اتحمل البناطيل والتنانير اي شي على بطني
كله فساتين وقمصان

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر ربيع الاول 1432 ‏	نبض الشوووق	إستفسارات مرحلة الولادة	17803	04-14-2011 07:58 AM
تجمع الحوامل اللاتي سيلدن بشهر ربيع الثاني 1432	الجوري	إستفسارات مرحلة الولادة	2929	04-14-2011 02:53 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM