تجمع النساء اللاواتي سيلدن بشهر *ربيع الأول* 1433

[وما توفيقي الا بالله]

انا كرميلا في الاسبوع 12 باقي يوم على الرابع ان شاء الله ..
الله يتمم لي ولك والجميع على خير .....


هلا بك عبورة الامورة نورت التجمع .. حتى انا ودي اعرف نوع الجنين بس ماعندي موعد الا بعد شهر ..
الله يعييين يارب ..

[كراميلا]

متلي انا توني ب 13 اسبوع

[عبير 99]

كراميلا : ايه حبيبتي طبيعي جدا
والحركه تتاخر عند البكريه احيانا الى بداية الخامس او نص الخامس
اعرف لك وحده ماشاء الله حتى الوحم ماجااها ولا حست به وامورها كلها طبيعيه الحمد الله

ووماتوفيقي : تدخلين الرابع في الاسبوع الثالث عشر وثلاث ايام

عبورتي : حياك يالغاليه احرصي على مراجعاتك ولا تفرطين فيها احسن لك
والله يخلي لك بنوتك القمر وان شاء هالمره صبي
وبشرينا اذا عرفتي

تحفتي : الله يهون طلوقنا ويحسن خلق مواليدنا ويعينا يارب ويغفر لنا ويسخر لنا
اي والله يابنات الدعاااء الدعااااء في هي الايام
ولاتنسون امواتنا ووالدينا ..

[وما توفيقي الا بالله]

مافهمت عليك زوجت ماجد ..
هل قصدك الاسبوع 13 اعتبر في 2 الى ان انهيه و 3 ايام بعده ؟

أنا الان على كلام الدكتورة اليوم الحمد لله انهيت الشهر الثالث وبكرة أول يوم لي بالرابع
معنى كلامها ان الاسبوع الثالث عشر أول إسبوع بالرابع ..

[شعاع الشمس الدافئ]

اليوم تبدا ليالي العشر وفيها ليلة القدر تقدر فيها عدة انواع من المقادير الازلية والسنوية واليومية يكتبها الله على الانسان (تستطيع تغيير قضاء بالدعاء) مثال قدر سيئ للسنة القادمة" فشل في زواج .." وصرت تدعي في ليلة القدر بالتوفيق والعافية باخلاص يامر الله عز وجل الملائكةان يمسحو الصحيفة التي كتب فيه الشقاء ويكتبو لك السعادة "يمحو الله مايشاء ويثبت وعنده ام الكتاب" اخواتي كان الرسول صلى الله علية وسلم اذا دخلت العشر الاواخر شد مأزرة وقام الليل كله . ولاندري قد يكون هذا اخر رمضان نحضرة كل الامور باقية الاسواق والتلفازالا ليلة القدر لو ضاعت فلربما لاتعود " من قام ليلة القدر ايمانا واحتسابا غفر له ماتقدم من ذنبه كثري من الذكر وقراءة القران وقيام الليل والدعاء اللهم انك عفو كريم تحب العفو فاعفو عنا.
ان الخيل اذا شارفت على نهاية المضمار بذلت قصارى جهدها لتفوز بالسباق فلا تكن الخيل افطن منا فانما الاعمال بالخواتيم ...
هاهى العشر الاواخر اقبلت فاستبقوا فربما ركب النجاة قد فاتك في العشر الاول وفاتك في العشر الوسطى ولكن لاتدعه يفوتك في العشر الاواخر بلغني الله واياكم ليلة القدر
اللهم اجعل ماتبقى من ايام شهر رمضان جابرة للقلوب..ساترة للعيوب..ماحية للذنوب..مفرجة للكروب..اللهم ان شوقنا لرحمتك قد زاد يارب لاتحرمنانحن واهلنا ووالديناوذريتنا وازواجنا واخواننا والمسلمين الاحياء منهم والاموات عفوك وغفرانك
والعتق من نيرانك....*)
اجاب الله لكم الدعاء وابعد عنكم البلاء ورفع شانكم في الارض والسماء....اللهم امــــــــــــين)

[دلوعة ناصر]

هاااااااااااي كروشااات شلونكم وشلون البيبياااات
اليوم كان موعدي وكل شي تمام الحمد لله وضع البيبي ووضع المشيمه تمام
واليوم دخلت الاسبوع الخامس عشر وقالت ان نسبة الهيموقلوبين عندي نازله ووصفت لي كبسولات الفوليك اسيد مع الحديد مع بعض ..وبس ههه

شلونكم انتو حبيبااتي ؟؟

[عبير 99]

وماتوفيقي : مدري والله انا اللي قريته بالمنتدى ان الوحدة مناتدخل شهرها الرابع بعد مضي 13 اسبوع و 3 ايام
وتدخل شهرها الخامس بعد مضي 17 اسبوع و 6 ايام

شعاع : الله يجزاك الجنه ووالديك والمسلمين

دلوعة ناصر : هلابك حبيبتي احنا بخير والحمد الله الله اهم شي تطمنتي وارتحتي
انا والله بخاطري اروح دكتورة بمستشفى خاص ابيها تحكي لي شووي ونفسي اعرف جنس البيبي ( تتوقعون هالفتره صار باين ؟؟)

لاني اراجع في حكومي وماتعطيني فرصة اتكلم او تشرح لي شي بس كل شي تمام خلاص اطلعي

[دلوعة ناصر]

هلا زوجة ماجد خذي راحتك حبيبتي بالسوالف
حلو ان الدكتوره تحكي معك وتشرح لك اكثر وتطمنك خصوصا اذا كنت بكريه
انا والله اراجع مستشفى الحرس الوطني وكل موعد لي دكتوره غير
عاد انا وحظي .. ياتجيني زينه وحليوه مصريه ولا باكستانيه الله لا يوريك وجهااا من النفس الخايسه اللي عليها
الله يعينا بس
.اتوقع ان بنهاية الرابع يبان جنس الجنين على حسب كلام امي والدكتوره بس لسى انا ماعرفت مع ان لسى عامله الترا ساوند الليي عرفون منه جنس الجنين بس الدكتوره ماقالت لي شي
قلت موعدي الجايبيكون في شوال اكيد راح أسالها شنو نوعه
مع اني عندي احساس كبييييييييييييير اني فيني بنت ^_* مدري
كذا احساس واختي من سوت لي الجدول الصيني طلع برضو بنت خخخ طبعا مو موثوق فيه بس غير السونار هو اللي بيحكم


واااااااااي طولت عليكم خخخ هذاره انا صح ؟؟

[عبير 99]

دلوعة
وشوالتراساوند
والله يرزقك باللي تتمنين بنت او ولد
انا والله عادي بنت او ولد
بس زوجي نفسه بولد فعشان كيذا ودي بولد عشانه

[كرستاله حساسه]

الله يسهل علينا
انا موعدي بعد العيد لان دكتورتي مسافره وتجي بعد العيد ونفسي اروح واسوي فحوصات خاصه اني وقفت حبوب حمض الفوليك من دخلت الرابع والحين ماخذ شي