بنتي تعااني ساعدوني

[●•• ShąhǿǾǿĎ ••●]

السلام عليكم ورحمة الله وبركاته

شلونكم بنات شخباركم

انا بنتي عمرها 15 يوم كنت ارضعها طبيعي ولانه مايشبعهاا صرت اعطيها حليب صناعي سيملاك ادفانس مساعده يعني بين الرضعه والثانيه بس كانت كله ترجعه طلبت من زوجي يغير لها الحليب نفس مانصحوني البنات هني جزاهم الله خير المهم راح للصيدليه قامت الدكتوره نصحته بحليب سيملاك كومفورت اذا سمعتو فيه او احد فيكم جربه وصارت تشربه حتى صدري صارت ماتبيه وتركته والله انه ذبحني وحرارتي مرتفعه بسبت الحليب الي فيه اهيا مو راضيه تشرب الا الحليب الجديد بس المشكله الي ابيكم تساعدوني فيها انه من يوم ماشربته ماخرجت مادري معاها امساك مادري شسالفه والله كاسره خاطري من يووم الاربعا الصبح اخر مره خرجت فيها شالحل اوديها طبيب ولاانطر مع العلم اني عطيتها يانسون اليوم بس ماتغير شي للحين تزحر وتعاني

[●•• ShąhǿǾǿĎ ••●]

وينكم بنات معقوله مافي ولا رد

[اميره باوصافها]

انصحك يا اختي توديها دكتور اطفال ضروووووووري وما طعطيها حليب
من قولة فلان وعلان حتى الصيادله ماعندهم سالفه وديها عشان مشكلة الامساك
شكله من الحليب ...انا لسى ماعندي اطفال بس خبرة عن الوالده الله يحفظها

[●•• ShąhǿǾǿĎ ••●]

مشكوره حياتي المشكله انها ترضعه ومستانسه عليه حتى ماترجع منه شي بس لوووووووو انها تخرج بشكل طبيعي اقول انطر لي باجر واذا تمت جذي وديتها الطبيب

[jorri sham]

انا برأيي خديه ع دكتور يمكن ما نفعه السميلاك النووع التاني وعمله امساك
ازا شافو الدكتور بيووصفلك واحد بيناسبه
وتحياتي

[●•• ShąhǿǾǿĎ ••●]

يمكن مشكوره قلبي وانشاءالله باخذها بعد شوي للمستشفى

[Miss YoYo]

خذيها للطبيب افضل
بس كمان انقعي تمره في مويه .. وحطيها برضعه وخليها تشربها
او اعصري جبة عنب لاتكثرين وحده او ثنتين بالكثير بس وخليها تاخذه
وبتتحسن إن شاء الله
انا انصحك جربي التمر والماء جدا مفيد ويساعد في حالات الإمساك
ربي يحفظها لك ويعطيها الصحه والعافيه

[مياسي]

ولدي كنت اعطيه سميلاك ونفس مشكله بنتك
ووديته للدكتور قالي ان السميلاك ثقيل ع المعده ويسببله امساك
وغيرت حليبه لبريميم كير والحمدلله ناسبله الحليب
انصحك ياقلبي غيري حليبها
الله يخليها لك ويحفظها