متى علمتي طفلك الدخول للحمام ، وكيف الطريقة ؟

[حجــآزيــۃ]

السلام عليكم ورحمة الله وبركاته

ياامهات نبغى كل وحده تكتب لنا كيف علمت ولدها دخول للحمام
وايش السن المناسب للتعليم ؟

وكم الفتره اللي يأخذها الطفل عشان يتعلم ومايوصخ على نفسه


نبغى نصايحكم اتحفونا ^^

[هيووونه]

وانا كمان نفسي اعرف بنتي عمرها سنتين وشهرين تعبت معاها مافي فايده؟؟؟؟؟؟!!!!!!!!!

[حجــآزيــۃ]

هيونه طيب سويتي شيء بدأتي بتجربه اذكريها لنا حتى لو مافدت بنتك اشكر طلتك

[حجــآزيــۃ]

وينكم يا أمهااااات

[tooma]

هآاي
انا ام عندي ولدين ماشاءالله عليهم الله يحفظهم
ولدي الاول عمره حاليا5 سنوات علمته عالحمام وعمره سنه و6 شهور بدايتها وانا بالبيت ماالبسه حفظتته لكن كل شويات اسأله فييه ايس تبي حمام احيانا يقولي لا واخذه الحمام واساسيه اقوله اسس ويسويها
طبعا الاطفال فيه وقت معين لعملية برازهم وانتو بكرامه مثلا الظهر خلاص انا اعمل احتياطي اجلس معو بالحمام تقريبا حتى لو ربع ساعه عشان يعرف انو ابيه يعملها بالحمام وهيك
واذا جا ينام لبسته واذا طلعنا كمان لما كمل سنتين خلاص وقت النوم افرش اليه حاجه واوصيه اذا فيه ايسس حمام زيين احيانا يعملها عااادي جدا لانه بمجرد يعملها بمنامه يصحى ويصحيني واقوم واغسل اليه واقوله ماما مره تانيه جلسني ومره مرتين صار مايعملها يعني يمسكها ياانو يقوم لحالو الحمام او يصحيني
وصدقوني ترا التعليم شي ممتع تحسين انجزتي شي
والثاني ولدي حاليا عمره سنتين و8شهور وماالبسسه حفاظه الا وقت النوم بالليل اما قيلولته ماالبسه والطلعه الطويله بالسياره او سوق مالبسه كذا انا ابين اليه انو لازم تعملها بالحمام تدرون انو احيان واحنا بالسياره وعليه حفاظته يقول ايسس يعني يبي حمام واذا بالبيت وقت مايصحى من النوم لحاله يفسخها لانو تعلم انو الحفاظه بح خلص وقتها ووقت البراز يجي يقولي اووف لانو برضو نفس اخوه معلمتنه حمام وهيييك اخلصت
اتمنى شرحي واضح

[عزة نفس]

انا علمت بنتي لما صار عمرها 3 سنوات لني قبلها كنت حامل واعصابي ما تتحمل اني اعلمها..
في البدايه لازم كل شوي ادخلها الحمام..وبعدها بس اقولها روحي الحمام وكل شوي اسألها تبغين حمام..وبعد 6 شهور تقريبا صارت هي من نفسها تروح الحمام..

[حجــآزيــۃ]

توما : الله يعطيك العافيه شرح واضح ، طلتك نورت الموضوع

عزة نفس : الله يسعدك ي قمر ، نورتي

[MAяSҺy]

ماعندي تجربه ..

بس الي اعرفو ..

من 9 ششهور يبدا التعليم .. وسنه و3 شهور يكون في تحسن 80%

[حجــآزيــۃ]

ولدي عمره سنه وشهر باقي مايمشي كيف يكون التعليم من 9 شهور ؟!!

مشكوره ي قمر منوره

[ملاك1]

حجــآزيــۃ كيفك الله يحفظه لك اناولدي بيكمل 11 ونفسي اعرف