اللهم أرحم ضعفي وأجبر بخاطري

[فديت أهلي]

السلام عليكم

فالبدايه أتمنى من الله في هذه الساعه المباركه أن تكون ساعة أجابه وأن يستجيب دعائي الله يرزق كل وحده تتمنى الذريه وأن يجبر بخاطرها ويشرح صدرها ويطمئن قلبها بوجود طفلها في حضنها وإن شاء الله ما يجي رمضان الجاي إلا وأطفالكم معاكم

بغيت أخذ رأيكم بما أني أحترت مع حالتي

أنا متزوجه صار لي سنه وكل شهر سبحان الله أترقب للدوره وأتمنى أنها ما تجي وأكون حامل بس سبحان الله ما أطلع حامل وتجي الدوره المهم أنا دورتي تجيني كل شهر بس موو بنفس التاريخ لا مره بنفس التاريخ ومره تقدم أسبوع تأخر أسبوع وهكذا أخر دورة كانت لي بتاريخ 4-7-2011 وخلصت منها بتاريخ 11-7-2011 وصار جماع بتاريخ 23-7 متأخر شوي يعني ما أدري كان وقت تبويض ولا لا والحين مفروض تجيني لكن صار لها 8 ايام متاخره وبقول لكم الاعراض اللي احس فيها ولو اني صرت كل شهر أتامل وبعدين سبحان الله تشرف أعراضي أحس بحكه بصدري الأيمن وأحس أنه فيه ليونه وحراره أغلب الوقت والحلمه نفسها أحس فيها جفاف مدري كيف وأحس مثل الحارق أو الحراره بصدري قبل أسبوع تقريبا كان معاي أفرزازت بيضاااء وكريميه يعني ثقيله شووي وهذا أول مره يجيني هالأفرازات لما أصحى أحس جسمي فيه حراره ما معاي لوعه الحمدالله بس أحس بنغزات بسيطه في بطني من تحت وأكثر شي الجهه اليمنى وصاير لي كم يوم وأنا ضايق صدري وودي أبكي على أتفه سبب ومهما نزلت دموعي ما فيه فايده ما ارتاح بقوا صدري ضايق عسى ربي يفرجها علي وعليكم يارب

أتمنى اللي عندها خبره تفيدني بأعراضي وباقي البنات اللي ما يقدرون يفيدوني ياليت يدعون لي بالذريه والراحه

بانتظاركم

[mno]

يارب حامل انا نفس اعراض كانت تجيني نغزات في اسفل بطني
وكنت ابي ابكي عشان ارتاح ويجيني زي حرقان لما انام ع ظهري

وانشاااااااااااااء الله حامل وتبشرينا

[mno]

طيب حللي وشوفي حتى لو طلع خط خفيف يعني حمل ربي يوفقك وتكوني حامل

[ماضي الذكرى]

أتمنى لك الحمل
دعواتي لك بالحمل فلا تنسوني من دعواتكم
لان الدورة شرفت الحمد لله حتى يرضى
وان شاء الله ماأشوفها

[سرووءة]

حبيبتي كلنا نفس الشي اعراضنا تتكرر كل شهر
واكتر الاوقات بتكون هذي الاعراض نفسية متل ماصابني
هالشهر شلت الموضوع من بالي
والحمد لله حملت
بعد سنة و7 اشهر زواج

والحمدلله الاستغفار مسكته من 5 اشهر وهو كان السبب
عليكي بالاستغفار ثم الاستغفار ثم الاستغفار
وربي يرزقك حمل قريب يارب
ويفرح قلبك

[سعوديه كول]

الله يرزقك الحمل السليم المعافى

[الاميره دودي]

الله يرزقك يا اختي بالحمل عااااااااااااااجلا غير اجل
ولا يضيق صدرك انتي لسى عروووسه
,,,,,,,,,,,,,,,,,,,,,,,,,,,,,,,,,,,,
بالنسبه لأعراضك كااانت مثل اعراااضي خاصةً النفسيه تعبت كثير وكنت بس ابكي والححمدلله طلعت حامل بعد طوول انتظار
انتي سوي التحليل المنزلي وان شاءلله تبشرينا بالحمل
واذا ماانكتب لك الحمل هالشهر تأكدي ان الله موجود
وربي يفرح قلبك ان شاءلله

[جوري الجنوب]

ان شاء الله ياقلبي تكوني حامل وتبشرينا

[همس الرووح ~]

الأعراض .. أعراض حمل

بس حللي وبشرينا .. اللهـ يكتب لك الحمل السليم المعافى ~

اللهم آمييييييييييين

[يارا يامن]

ان شاءالله حامل يارب
ويفرح قلبك
والله يعطي كل المحرومين

اللهم لاتذرني فردا وانت خير الوارثين