ساعدوني على همي جزاكم الله الجنه

[دلوعه مامي]

بسم الله الرحمن الرحيم
كيفكم يابنات يا نسوان
انا جديده في المنتدي وحبيت تشاركوني همي لاني تعبت وانا اكلم حالي
احس اني راح اوصل الي الجنون لاني ما اقدر اكلم خواتي هم يعانون من الا اعاني منه والا اهلي

حنا 6 بنات الكبيره ومتزوجه وحنا الباقي ندرس في الجامعه ما عد اختي الصغيره تدرس ثانوي
المهم حنا نعيش يمكن حياه الكل يحسدنا عليها واضح حسد الناس لنا نعيش في فيلا كبير وكل شئ متوفي لنا
بس ناقصتنا اشياء غير الاكل والشرب والفلوس
نا قصنا الحب والحنان والاحساس
امي تحس فينا وتراعي مشاعرنا ودايم تقول انتوا بناتي مالي غنا عنكم
ولما اقول لامى ليش ابوي مايجلس يمنا ويسولف معنا ويضحك مثل كل الأباء
لما تكلمه امي وتقوله بناتك محتاجينك يقول انا هذا طبعي ويقول يزول الجبل ولا يزول الطبع
والله اني بموت من القهر لما صديقاتي يتكلمون ان ابوهم امس لعب معهم او سولف معاهم والله اني اشوي وحسدهم
صدقوني لما اشوف المسلسلات وابو ضام بنته لصدره والله والله ما اكذب عليكم ان في الليل اموت صياح وقهر ليش حنا كذا
وصدقوني حتي لما كنا نطلع في السياره لما نسولف انا وخواتي مع بعض كل يقول سكتو الكل يسمعكم بس هو الا يتكلم في السياره لحاله مع امي لا واقول لكم وش الموضوع يتكلم عن مشاكل اخواني الثلاثه المتزوجين وتقصيرهم له
يحس بتقصير اخواني بس مايحس بتقصيره لنا
صرت انا وخواتي نكره الطلعه ولما قالت له امي عن السبب عصب علينا
وصار يحسسنا حنا بذنب ويقول الله يغير عليكم من حال الى حال
تصدقون ان اختي الكبيره ماعمره كلمه الي الاانا
احس انه مو ابوي صدقوني صرت اكره من كثر اعيوبه استغفرالله
تصدقون يقول حق امي ان عيالك مقصرين في حقنا لانك انتي سويت ها الشئ لي حق امي
والله صرت اكره جد حتي لما امي او خواتي تشتكي اقول لهم سكتو تكرهوني فيه زياده
والله حينا اتمني الموت الانتحار احس اني بحاجه الي ام و اب مو بيت كبيره وها الاشياء الا مالها معني ولما يجي حدا يخطب يقول لا بحجه ان الخاطب ماراح يوفر اساليب الراحه الاهو معطينا ياه
صدقوني حتي الزواج صرت ما احبه بسب المشاكل الا يسويها مع امي
دايم يمنعها من زواره الجيران بحجه انهم يخربونك على بس مايمنهعا من زوراه اهلها
والله بموت من القهر والشتت العائلي
سامحوني على الاطاله
بكمل اذا شفت صدر رحب