دموعي جفت,,

[صعوبه]

بسم الله الرحمن الرحيم

السلام عليكم ورحمة الله وبركاته

انا بالشهر الرابع وكل شوي اصيح احس حتى دموعي جفت

تعبت وتعبت زوجي معي من كثر الصياح وحاسه ان مالي

خلق شي ولاابي اشوف شي حاسه ان نفسيتي زفت وتعبانه موووت

ايش الحل ساعدوني

[ألم الغربة]

يمكن هذا من تأثير الحمل و الهرمونات انك صايرة حساسة أنا بل شهر السابع و حاليا عندي نفس الحالة اذكري الله و حاولي تشغلي نفسك ب أشياء مفيدة حتي تروح عنك الضيقة

[صعوبه]

الم الغربه مشكوره ياعمري للمرور والله يخفف علينا

[سولآف]

اقري قرآآن هو دوآآك ياحبيبتي

[الملاك]

دايم اقري قراان هو الراحه النفسيه الي مافي مثلها وصلي ركعتين كل ماتضايقتي وشغلي البقره في بيتك وفكر بالنونو والمستقبل ولاتخلي شي ينكد عليك الله يهون عليك

[دافئة المشاعر]

تقربي لربك اكثر مثل ماقالو خواتي
البعض يصير عنده كذا هرمونات
وخصوصا لو الوحده بعيده عن اهلها

ربي يشرح صدرك ويقومك بسلامه يارب

[ساهرة]

ادعي ربك وتوكلي عليه
وثانيا فكري بلبيبي الي بيجي
شنو بتشترين له وش بتلبسنه
فكري وضيعي وقتك بشي يفرحك
ولا تخلي وقت فراغ معك حتى لا تتضايقي
اشغلي كل وقت

[صعوبه]

تسلمو على مروركم ونصايحكم

والله يخفف على وعليكم

[لوووورا]

امر طبيعي لا يضيق صدرك بس حولي ان تقللين زعل عشان نفسيت النونو ترى كل اللي تسوين بحملك ترى تعكس نفسيت الطفل الله يهون عليك

[B!nt 3bodi]

الله يهون عليك
والبنات كفو ووفو