الشاورما اللي كل الناس تحبها عجلوووو

[الحنان34]

مقادير الشاورما..

_ لحم او دياي ..ع كيفج .. ( انا استخدمت اللحم)
- حبتين بصل..
-فلفل رومي ..
- زيت زيتون ..
- بهارات الشاورما ( بتلقينه بالكارفور )
- ملح وشوي ماجي ( بس ترومين تستغنين عنه )
- زبده + فحم..

مقادير العجينه ..

- 3 اكواب طحين ابيض ..
- بيضة وحده فقط..
- قفشة صغيرة خميرة ..
- ماي..

مقادير الطحينيه ..

- نص كوب طحينية
-ربع كوب او اقل ليمون ..
- فصة ثوم ..
- قفشه كبيره زيت الزيتون ..
- علبة روب..

الطريقة ..

الشاورما ..

اولا قصي كل شي طويل .. ( البصل, اللحم, الفلفل الرومي )
حطي زيت الزيتون بمغلى ويوم يسخن حطي البصل وعقب حطي اللحم .. وخليه ربع ساعه وحاولي تقلبين ..
بعدين حطي الفلفل الرومي ..وملح وبهارات الشاورما .. وقلبي عليهم ..
يوم تحسين اللحم نضى .. بندي ع النار ..
بالاخير ولعي الفحمه وحطي الزبده بوسط الشاورما .. وحطي فوقها الفحمه .. وغلفي المغلى بالالمينيوم .. وخليه يدخن ..

طريقة العجينه ..

تيبين طآسه وتحطين الطحين و البيضه والملح والخميرة وشوي ماي وتعجنينها ..
وخليها ربع ساعه .. وبعدين ييبي التاوه وحطيها ع النار وقسمي العجينه لاربع كورات وافردي وحده وحده وحطيها فوق التآوه وقلبيها .. وبس..

طريقة الطحينيه ..

اولا تحطين الطحينيه والثوم والملح والليمون وتخلطينهم عدل ..
عقب حطي الروب وحركي وبالاخير تحطين زيت الزيتون ..

بالاخير ..

يبي الخبزه ..
وحطي دآخلها شاورما + صلصلة الطحينيه + خيار مخلل+ بصل بالسماق+ بقدونس ونعناع
ولفيها وانتهت السالفه ..