حملت رغم الموانع..

[فنون الورد~]

السلام عليكم
زوجي كان يستخدم مانع بس صار حمل
وعندي بنتي عمرها 4 اشهر

هل هناك خطورة في الولادة؟؟ رغم اني ولدت طبيعي قبل
بس اسمع ان الحمل مرة ثاية اذا اقل من سنتين من عمر الطفل الاول يكون
خطر واحتمال اولد بقيصرية...

الي صار معها مثل حالتي يا ريت تفيديني
وشكرا...♡

[أم حمودي المنصوري]

السلام عليكم
مبروك الحمل يا أختي
لا توجد خطورة على الحمل و الولاده
على قولت الدكتوره في الولاده ما شاء الله كلشي جاهز
هذا رزق من الله عز وجل
وربي يسعدك ويثبت حملك ويسهل عليك حمله ووضعه

[أنوار الولاية]

مبروووك والله يتمم لج على خير

بالعكس تكون الولاده سهله اذا بينهم فتره بسيطه ..

[υм вtℓαα]

الف مبروك
الله يثبت حملك ويتمملك ع خير
مافي اي خطورة بإذن الله

[فنون الورد~]

الحمدلله طمنتوني ^^

[" ملاك "]

ليش يعني قيصري عاااادي جدا تولدي طبيعي
الله يعينك ويسهل عليك
ورضعي بنتك فترة لا تفطمينها

[أم الزين]

الله يثبته انا صارت معاي بس بنتي كانت اكبر من بنتج بشهرين
وبولادتي الثانيه اسهل منها مااافيه ماشااء الله

[مادونا سعوديه]

لاتحاتين ولا تخافين ماشاء الله وايد حريم واجدادنا قبل كلهم يحملون بعد الاربعين على طول ومافيهم الا العافيه اصلا حتى لو انج ولدتي قيصري في بنتج وحملتي عليها الحين عادي ترى وايد حتى تولد طبيعي الله يتمم عليج بخير والف مبروك

[Um sara1]

بعضهم تحمل بعد الاربعين مباشرة دام طبيعي مافي اي خطورة بس القيصري يطلبون من الام تاخذ احتياطها الين يلتئم الجرح

لكن عن تجربة التعب من الوحم والثقل مع وجود طفل رضيع انا مثلك حملت وعمر بنتي خمس شهور وعانيت معها خاصه فترة التسنين والحبي واضطراب النوم والحين بنهاية التاسع شايله هم كيف اعتني فيها وبالمولود الجديد بنفس الوقت الله يجيبه بالسلامه

[Um sara1]

المشاركة الأصلية كتبت بواسطة أم الزين

الله يثبته انا صارت معاي بس بنتي كانت اكبر من بنتج بشهرين
وبولادتي الثانيه اسهل منها مااافيه ماشااء الله

ماشاء الله الله يحفظلك ويبارك لك فيما اعطاك وعقبالي يارب تكون ولادتي اسهل وايءر واسرع كثير شايله همها